ЯҢАЛЫКЛАР
13-19 май көннәрендә Казанда IV Бөтендөнья яшь ватандашлар уеннары уза.
Сабый туу белән гаиләдә мәхәббәт, бәхет, шатлык арта. Лаеш районы Лаеш шәһәрендә “Гаилә бәйрәме көнендә” 100-нче сабый туу теркәлде.
Тантаналы төстә әти-әнигә, Михаил Юрьевич белән Анастасия Сергеевнага уллары, Наумов Григорий Михайлович исеменә туу таныклыгы hэм истәлекле бүләк - фотоальбом тапшырылды.
15 майда билгеләп үтелүче Халыкара гаилә көне Базарлы Матакта үзәк паркында үткәрлде. Анда “ Крепкая семья” проекты буенча “Әти әни һәм мин музыкаль гаилә” конкурсы булып үтте. Бәйрәмдә җыр-моңга гашыйк гаиләләр дә катнашты. Балалар флэш-моб биюендә һәм асфальтта рәсем ясауда бик актив катнаштылар. Бу матур чараны мәдәният хезмәткәрләре, башкарма комитетының ГХАТ бүлеге оештырдылар.Бәйрәм барысына да ошады. Һәр бер катнашкан кеше бүләкләнде.
17нче майда сәламәтлеге чикләнгән балаларга белем һәм тәрбия бирү үзенчәлекләренә багышланган ата-аналарның VI Республика интернет-җыелышы узачак. Ул “Игътибар! Үзенчәлекле бала!” дип исемләнә.
#ӘЙДӘУРМАНЧЫБУЛЫРГА! 15 май көнне шундый шигарь белән Мамадыш районы Олыяз авылында күңелле чара булып узды. Мәктәп укучылары алдында мөгаллимнәрдән һәм студентлардан торучы агитбригада чыгыш ясады. Командага Татарстан Республикасы урман хуҗалыгы министрының беренче урынбасары Әмир Бәдертдинов җитәкчелек итте. Алар Лубян урман-техника көллиятендә белем алуның өстенлекләре һәм әлеге уку йортын тәмамлап чыгучыларга ихтыяҗ булуы турында сөйләде. Ул – Татарстанда дипломлы, урман эшенең төрле-төрле тармакларына кирәкле белгечләрне укытып чыгара торган бердәнбер урта һөнәри белем бирү йорты.
#ӘЙДӘУРМАНЧЫБУЛЫРГА акциясе Татарстан Республикасы Урман хуҗалыгы министрлыгы тарафыннан уздырыла. Аның максаты – яшьләрне урманчылар рәтенә җәлеп итү. Хәзер бу – бик актуаль. Татарстанның урман белән каплану өлеше нибары 17.5% тәшкил итә, халыкка уңайлы яшәү өчен әлеге күрсәткечне 25%ка кадәр күтәрергә кирәк. Әлеге глобаль мәсьәләне әйләнә-тирә табигать турында кайгыртучы профессионал урманчылар хәл итә ала.
Чистай хоккейчылары алдынгылар рәтендә! Котлыйбыз!
Җәйге балалар лагеренда үз-үенне тоту кагыйдәләре турында ата-аналар балаларга аңлатырга тиеш
Бүген Татарстан икътисад министры Фәрит Габделганиев Лаеш районына барды. Ул "ИНВЭНТ" Компанияләр төркеме һәм "Химия технологияләре сферасында төбәк инжиниринг үзәге" АҖ эше белән танышты.
"ИНВЭНТ" - ул заманча җитештерү-инжиниринг холдингы, анда җитештерелгән продукция һәм хезмәтләр челтәр һәм генерацияләүче компанияләргә, сәнәгать предприятиеләренә, нефть һәм газ табу һәм аеру, металлургия, төзелеш тармагы предприятиеләренә, торак-коммуналь хуҗалык һәм авыл хуҗалыгына, метрополитен һәм тимер юл компанияләренә йөз тота. "ИНВЭНТ" КТ эшчәнлегенә түбәндәге төп юнәлешләр керә:
Чистай эчке эшләр бүлеге хәбәр итә
"Балкыш" үзәгендә мастер-класс узды