ЯҢАЛЫКЛАР

Инде күп еллар, бөтен дөньяда 20 июльдә - Халыкара шахмат көне билгеләп үтелә. Борынгы уен хәтерне яхшырта, фикерләү сәләтен арттыра һәм башка сыйфатларга ия. 20 июльдә - Халыкара шахмат көне уңаеннан Түбән Арбаш ,Чишмәбаш авылы китапханәчеләре “Шахмат уйный  беләсенме?” дип исемләнгән, яшьләр арасында шахмат ярышы үткәрде. Ярыш бик күңелле утте. Барлык катнашучыларга истәлекле бүләкләр бирелде.

Масштаблы чара федераль башкарма хакимият органнары, Россия Федерациясе субъектлары дәүләт хакимияте органнары һәм җирле үзидарә органнары вәкилләрен, шулай ук судан файдаланучыларның, иҗтимагый берләшмәләрнең вәкилләрен берләштерәчәк.

          Сигез бала тәрбияләүче Морюховлар гаиләсенә багышланган чара тантаналы рәвештә ЗАГС бүлегендә  булып узды. Бу матур гаиләне район башлыгы урынбасары Белова Галина Владимир кызы котлады һәм район башлыгы исеменнән аларга кыйммәтле бүләк тапшырды.

23 июльдә Кайбыч районы Кошман авылында яшәүче Бөек Ватан сугышы ветераны Хәсән Җиһаншин үзенең 95 еллык юбилеен билгеләп үтте. Юбилярны  район башлыгының ярдәмчесе Фәния Петухова котлады. Ул Россия Федерациясе Президенты Владимир Путинның һәм район башлыгы Альберт Рәхмәтуллинның  котлауларын белдерде һәм аларның бүләкләрен тапшырды. Шулай ук ветеранны Кошман авыл җирлеге башлыгы Лилия Сафина котлады.

Урман хуҗалыкларында эшләүче хезмәткәрләрнең эше күп очракта сезонга бәйле – җәйге айлар аеруча киеренке санала. Бу чор – күп тырышлык куя торган вакыт. Яшь агачлар уңышлы үсеш алсын өчен урман культураларына агротехник тәрбия эшләрен вакытында уздыру таләп ителә. Вегетация чоры дәвамында дүрт мәртәбәле тәрбия эшләрен уздырырга кирәк. Әлеге эшләр механика ысулы белән дә, кулдан да уздырылырга мөмкин. Тәрбия эшләре вакытында башкарылмаса, үләннәр, шулай ук тиешсез агачлар шытымы чәчкеннәрне каплый һәм актив үсеш алу өчен яктылыкны үткәрми. Тәрбия эшләрен вакытында уздырмасаң, шулай ук кышын, кар яуганда үлән чәчкеннәргә сыгылып төшә һәм аларны җиргә бастыра, ә бу исә әлеге урман культураларының һәлак булуына китерә.

Урманчылыкларда башланып киткән агро-тәрбия эшләре тизлеген арттыра. Хәзерге вакытта гомуми эшләр күләменең 60%ы төгәлләнгән. Кама, Кызыл Йолдыз һәм Минзәлә урманчылыкларында иң зур күләмле эшләр башкарылды. Алар исәбендә 600, 500 һәм 700 га. Ә Татарстан Республикасы буенча барлыгы 10083 гектар мәйданда агротехник тәрбия эшләре гамәлгә ашырылды.

РФ Хөкүмәтенең 2018 елның 17 июлендәге 836 номерлы карары нигезендә 2019 елның 01 гыйнварыннан башлап 30 июненә кадәр экспортның таможня процедурасына урнаштырганда каен бүрәнәсе (Betula spp.) алып чыгуга 567 мең. куб. метр күләмендә квота билгеләнде. Карарда иң аз аркылы кисеменең диаметры кимендә 15 см, озынлыгы кимендә 1 м (код 4403 95 000 1 ТН ВЭД ЕАЭС) каен бүрәнәләрен РФ территориясеннән читкә, Евразия икътисад берлеге әгъзалары булып тормаган дәүләтләргә ташу регламентлана. Чималның әлеге төре республиканың агач эшкәртү сәнәгате предприятиеләре һәм илнең эчке базары өчен шактый әһәмиятле булып тора.

29 июльдән 31енә кадәр Кукмара районының Лубян авылындагы "Лубян урман-техника көллияте" ДБҺББУ базасында Татарстан Республикасы мәктәп урманчылыкларының Икенче слеты узачак. Әлеге слет кысаларында республиканың мәктәп урманчылыкларыннан 200дән артык вәкил катнашыр дип көтелә. Балаларга урман һәм андагы тереклек ияләре турындагы белемнәрен күрсәтү белән берлектә, командада эшли белү, урманда юнәлеш алу, каршылыкларны җиңә белү күнекмәләрен һәм урман таксациясе буенча сәләтләрен күрсәтергә туры киләчәк. Хәзерге вакытта Татарстан урманчылыкларында катнашучыларны актив рәвештә урман ярышларына әзерләү эше алып барыла.

KazanRing Canyon трассасында традиция буенча Россия Чемпионаты һәм Кубогы экватор узды.

"Студентлар күзлегеннән социаль эшкуарлык" конкурсында катнашуга гаризалар кабул ителә

Бүген Татарстан Республикасы Хөкүмәте йортында видеоконференция режимында табигатьтән рациональ файдалану һәм әйләнә-тирәлекне саклау мәсьәләләренә багышланган киңәшмә узды.