ЯҢАЛЫКЛАР
Чистай муниципаль районы башлыгы Дмитрий Иванов гражданнарны шәхси сораулар буенча кабул итте
Түбән Камада чираттагы яшүсмерләр клубы ремонтланды. «Гренада» эчендә, тәрәзә, ишек һәм җиһазны алыштырдылар. Бу 35 ел эчендә беренче шундый ремонт. Клубны республика программасы буенча тәртипкә китергәннәр. Барлыгы 2018 елда Түбән Камада дүрт шундый учреждение яңартылды. Татарстанда яшүсмерләр клубларын ремонтлау программасы 2015 елдан башлап гамәлгә ашырыла, бу вакыт эчендә 300 млн. сумга 86 объект ремонтланган. Быел 100 млн. сумга 28 объект ремонты планлаштырылган.
Кама Тамагы муниципаль районының иҗтимагый Совет әгъзалары Наилә Молчанская, Вадим Степанов, Лилия Зиннәтова һәм Совет рәисе, Татарстан Республикасының Иҗтимагый палатасы мәгариф һәм фән буенча комиссия әгъзасы Татьяна Гращенкова Кирельск авылындагы "Волга" лагере эшләгән көннәрдә ял һәм сәламәтләндерү юнәлешләре белән таныштылар. Лагерьда ял итү турында балалар бары тик уңай фикерләр генә калдырганнар.
“Шәхесне үзоештыру чарасы буларак урам уеннары” технологиясе кысаларында «Веста» Үзәгенең социаль эш буенча белгече Анастасия Ильина социаль ярдәм күрсәтелүче балалар өчен «Әйдәле, тукта!» дип аталган спорт дәресе уздырды. Максат: сәламәт яшәү рәвеше күнекмәләрен формалаштыру, балаларның хәрәкәт активлыгын арттыру, эстафета-уеннарда үз-үзеңне тоту кагыйдәләренә өйрәтү.
24 июль 2018 ел, сишәмбе
Бүген “Изгелек” инвалидларны тернәкләндерү үзәгендә Мәскәү шәhәренең Төньяк округының инвалидлар җәмгыяте рәисе Антонина Бастрыкина җитәкчелегендә һәм Санкт – Петербург шәhәренең вәкилләре кунакта булдылар.
Чараның максаты: инвалидларны тернәкләндерү өлкәсендә тәҗрибә уртаклашу, шулай ук инвалидлар өчен кием модельләре һәм сәнгать иҗаты күргәзмәсе күрсәтү иде.
Чара кысаларында «Идел – Урал» инвалид – спортчыларның Хәйрия фонды җитәкчесе Ракит Абдульманов шашка турниры һәм концерт программасы оештырды. Чаллы язучысы Михаил Гоголевның кунаклар белән очрашуда, үзенең иҗаты турында сөйләде һәм автографлар куелган китапларын бүләк итте.
Чарада 60 кеше катнашты.
24 июльдә Яр Чаллы шәһәре эшче яшьләр арасында пляж волейболы буенча турниры узды.
23 июльдә Бөек Ватан сугышы ветераны Хәсән Җиһаншин үзенең 95 еллык юбилеен билгеләп үтте.
"Закамье Агро"да ашлык ура башладылар
Бүген, 24 июльдә, Буа муниципаль районында 2019-2021 елларга ТР муниципаль җирлекләрнең социаль-икътисади үсеш фаразларын формалаштыру буенча ведомстваара эшче төркемнең күчмә утырышы булды. Республика Идел буе зонасаның 6 район вәкилен җыйган бу очрашуны ТР икътисад министры урынбасары Наталья Таркаева һәм Олег Пелевин, Буа муниципаль районы башлыгы Марат Җәббаров, аның урынбасары Евгений Семагин оештырды.
Ведомствоара төркем эше барышында республиканың Апас, Буа, Чүпрәле, Кайбыч, Кама Тамагы, Тәтеш районнарының фаразлары якланды.
2019 һәм 2020 елның план периодына ТР бюдҗет проектын әзерләү кысаларында ТР муниципаль җирлекләрнең социаль-икътисады үсеш фаразлары турында фикер алышу буенча очрашулар бөтен республика буйлап оештырыла. Аның нәтиҗәләре 2030 елга кадәр ТР социаль-икътисади үсеш Стратегиясе үзгәрешләренә кертеләчәк.
Җәмигъ мәчете лагерына балалар Актаныштан гына түгел, Татарстанның башка төбәкләреннән Яр Чаллы, Түбән Кама, Казаннан да килгәннәр иде.