ЯҢАЛЫКЛАР
Кичә «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр Арча тимер юл вокзалында булдылар. Балаларны вокзал хезмәткәрләре җылы каршы алды, һәр бүлмәнең билгеләнеше турында сөйләделәр һәм тармак һөнәрләре белән таныштырдылар: вокзал начальнигы, станция буенча дежурный, кассир, машинист, машинист ярдәмчесе, проводник, обходчик, диспетчер, медик, юлларны ремонтлау буенча эшче, электромонтер һ.б.
Бүген Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә «Мавыктыргыч һөнәрләр дөньясына сәяхәт» дигән танып-белү дәресе узган.
Һөнәр сайлау – бик катлаулы, әмма бик мөһим процесс. Бөгелмә районында «Ялкын» балалар һәм яшүсмерләр өчен социаль приютында тәрбияләнүчеләр өчен һөнәри юнәлеш бирүче маршрутлар төзелде. Ел дәвамында балалар шәһәрнең төрле предприятиеләрендә һәм һөнәри уку йортларында була һәм төрле һөнәрләр белән таныша алачаклар.
Балигъ булмаганнарны патриотик тәрбияләү буенча эш программасын тормышка ашыру кысаларында «Киләчәк ныклы фундаментта» һөнәри юнәлеш бирү аша Минзәлә районы халыкка социаль хезмәт күрсәтү комплекслы үзәге белгече Ольга Бывальцева балигъ булмаганнар өчен экскурсия оештырды. Балалар С. Өметбаев ис. Минзәлә дәүләт татар драма театрында булдылар.
Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәге тәрбияләнүчеләрне һөнәрләр белән таныштыруын дәвам итә. Моның өчен район оешмаларына экскурсияләр оештырыла.
Зәй муниципаль районында «Шатлык» халыкка социаль хезмәт күрсәтү комплекслы үзәге һәм Зәй шәһәре халыкны эш белән тәэмин итү үзәге төрле яшьтәге социаль хезмәт алучылар белән һөнәри юнәлеш бирү буенча эш алып баралар.
Шушы көннәрдә Бөгелмә халыкны эш белән тәэмин итү үзәге «Ялкын» балалар һәм яшүсмерләр өчен социаль приютында тәрбияләнүчеләр өчен һөнәри юнәлеш бирүче чара оештырган. Яшүсмерләр тегү фабрикасында булдылар, анда тегү цехын оештыру, продукцияне җитештерү техникасы һәм технологиясе, предприятиедә хезмәт бүленеше белән таныштылар.
8 нче март алдыннан Зәй районы «Шатлык» халыкка социаль хезмәт күрсәтү комплекслы үзәге социаль хезмәткәрләре мөмкинлекләре чикле балалар өчен бәйрәм чарасы уздырганнар. Анда 10 бала катнашты. Алар конкурсларда актив катнаштылар, уйнадылар һәм күңел ачтылар.
«Хезмәт шатлык китерә» программасын тормышка ашыру кысаларында Мамадыш районының «Өмет» балалар һәм яшүсмерләр өчен социаль приютында тәрбияләнүчеләр белән һөнәри юнәлеш бирүче дәрес үткәрделәр. Чараны халыкны эш белән тәэмин итү үзәге белгечләре социаль педагог Миләүшә Шәйдуллина белән берлектә оештырды.
2 мартта «Экспо-Кама» күргәзмә үзәгендә «Сәнәгать һәм кадрлар. Мәгариф. Карьера» дип аталган махсуслашкан күргәзмә-ярминкә ачылды, ул 5 мартка кадәр дәвам итәчәк. Күргәзмәне оештыручылар – Яр Чаллы шәһәре башкарма комитеты, халыкны эш белән тәэмин итү үзәге катнашында «Экспо-Кама» күргәзмә үзәге.