ЯҢАЛЫКЛАР

Нарды уеннары буенча Казанда үткән Бөтенроссия ярышларында Үзәкләштерелгән бухгалтерия хезмәткәре Сиринә Мөхәмәтова да катнашты һәм 2 урын яулап, җиңүгә иреште.

Үзәкләштерелгән бухгалтерия бүлекләре тарафыннан квартал отчетлары эшләнде һәм тапшырылды. Дебиторлык, кредиторлык бурычлары һәм учреждение йөкләмәләре турында хисаплар буенча зур эш башкарылды. Шулай ук учреждениенең калган акчалар хисабы турындагы мәгълүматлар буенча да отчетлар вакытында тапшырылды. Квартал хисапларыннан соң ук айлык хисаплар көтеп тора. Яллардан соң хисап бирүгә әзерлек һәм җаваплы эш көннәре дәвам итәчәк.

Волейбол буенча хатын-кызлар арасында район Чемпионаты дәвам итә. Финанс – бюджет палатасын 2 команда тәкъдим итте. ФБП -1 командасы алга таба да уеннарны дәвам итә. Кызларыбызга җиңүләр, оптимистик рух теләп калабыз.

23 апрель көнне Саба муниципаль районы Советы утырышы (сессиясе) узды. Утырыш эшендә Саба муниципаль районы башлыгы Р.Н.Миңнеханов, район Советы депутатлары, муниципаль район Советы, Саба муниципаль районы башкарма комитеты әгъзалары, районның оешма - предприятие җитәкчеләре катнашты. Көн тәртибендәге беренче мәсьәлә буенча Финанс-бюджет палатасы рәисе Ш.А.Сөнгатовның Саба муниципаль районының 2023 елгы район бюджетының үтәлеше  турындагы чыгышы тыңланды.

Бәйрәмнәр алдыннан Финанс-бюджет палатасы хезмәткәрләре өмәгә чыктылар. Өмә барышында зур эшләр башкарылды: оешма тирәсендәге территория чүп-чардан, яфраклардан, корыган үләннән чистартылды, куаклар киселде, чүп-чар җыелды, Сабинка елгасы ярының бер өлеше җыештырылды. Яхшы кәеф һәм уртак хезмәт  коллективны тагын да берләштерде. Барысы да үз эшләренең нәтиҗәләреннән канәгать калды.

«SabaBalahoner»  муниципаль программасы нигезендә бүген Саба гимназиясе укучылары  Финанс-бюджет палатасында булдылар һәм бухгалтер профессиясе белән таныштылар. Гаилә бюджеты аша керем, чыгым һәм бюджет сүзләренең мәгънәсенә төшенделәр. Бухгалтер һөнәренең кирәклеген, алар нинди сыйфатларга ия булырга тиеш икәнен аңладылар.

Җирле үзидарә көне уңаеннан үткәрелгән чарада нәтиҗәле хезмәте өчен Финанс-бюджет палатасы каршында эшләп килүче Үзәкләштерелгән бухгалтерия бухгалтеры Әнисә Ренат кызы Мөбәрәкова да “Татарстан республикасы муниципаль берәмлекләр советы”ның Рәхмәт хаты белән бүләкләнде.

Ир - егетләр арасында узган волейбол ярышлары тәмамлануга, кызлар командалары арасында уеннар старт алды. Финанс – бюджет палатасы кызлары исә волейбол буенча район Чемпионатында ике командада көч сынашалар. Волейбол – күмәк уен һәм нәтиҗәлелеккә дә һәр уенчының тырышлыгы, осталыгы аша ирешергә мөмкин. Ә без, үз чиратыбызда, командаларга  җиңүле уңышлар телибез.

Финанс - бюджет палатасының бүлек җитәкчесе Гөлнара Заһидуллина һәм бюджет бүлеге белгече Рамил Шакиров район командасы составында Казанда узган ике көнлек ГТО уеннарында катнашып кайттылар.

Бу көннәрдә Финанс – бюджет палатасында квартал отчетларын тапшырырга әзерлек бара. Үзәкләштерелгән бухгалтериянең хисап бүлегендә, шулай ук финанс булмаган активларны исәпкә алу, бюджеттан тыш эшчәнлек буенча исәп-хисаплар бүлегендә бухгалтерлар тарафыннан квартал отчетларын вакытында тапшыру буенча кызу эш алып барыла.