ЯҢАЛЫКЛАР
Татарстан Республикасы Финанс министрлыгы оештырган видеоконференцэлемтә режимында узган чираттагы киңәшмәдә салымнар буенча бурычларны киметү мәсьәләләре каралды.
Милек салымнарын 1 декабрьдан дә соңга калмыйча түләр өчен бик аз вакыт калып бара. Салым керемнәре - район бюджетын тулыландыруның төп чыганакларының берсе булып тора; мәгариф, мәдәният, спорт учреждениеләре эшчәнлеге өчен кирәкле шартлар тудыру да өлешчә әлеге керемнәргә бәйле. Югарыда санап үтелгән сфера хезмәткәрләренең милек салымнарын түләү турындагы мәгълүматыннан чыгып, әлеге эшне вакытында башкарырга чакырабыз.
Бүген, 8 ноябрьдә Саба муниципаль районы Советы утырышы (сессиясе) узды. Утырыш эшендә Саба муниципаль районы башлыгы Р.Н.Минниханов, район Советы депутатлары, муниципаль район Советы, Саба муниципаль районы Башкарма комитеты әгъзалары, районның оешма - предприятие җитәкчеләре катнашты. Көн тәртибендәге икенче мәсьәлә буенча Финанс-бюджет палатасы рәисе Ш.А. Сөнгатовның Саба муниципаль районының 2023 елга һәм 2024-2025 елларга бюджеты турындагы чыгышы тыңланды.
17 октябрь көнне Финанс-бюджет палатасында ике дистә елдан артык Саба районы мәдәният бүлегендә баш хисапчы булып эшләгән, 2007 - 2008 елда Үзәкләштерелгән бухгалтерияда хезмәт куйган ветеран Рәйсә Рәхим кызы Галимуллинаны туган көне уңаеннан хөрмәтләделәр. Финанс-бюджет палатасы рәисе Шәмсун Әкбәр улы Сөнгатов тәбрикләү сүзләре җиткереп, Рәйсә Рәхим кызына Саба муниципаль районы Башлыгының Рәхмәт хатын тапшырды. Ул аңа озак еллар намуслы хезмәте өчен рәхмәт белдерде һәм нык сәламәтлек, бетмәс-төкәнмәс энергия, иминлек теләде, һәм аның күпьеллык эшчәнлеге - чын профессионализм, яраткан эшенә тугрылыкның ачык мисалы, дип билгеләп үтте.
Еллык хисап һәм милек мәгълүматларының дөреслеген тикшерү максатыннан бюджет оешмаларында инвентаризация уздырыла. Оешмалардагы милек һәм милек йөкләмәләрен барлау буенча инвентарь тикшерү Финанс-бюджет палатасының 2021 елның 1 октябре боерыгы белән үткәрелә башлады. Тикшерү барышында милекнең сакланышы, исәп мәгълүматлары белән мөлкәтнең фактка туры килүе дә барлана. Әлеге процедураның мөһимлеге турында Үзәкләштерелгән бухгалтерия бухгалтерлары да, оешма җитәкчеләре дә яхшы аңлый. Агымдагы ел периодында бүгенге көнгә инде районның 8 бюджет оешмасы инвентарь тикшерү узды.
Татарстан Республикасы Финанс министрлыгы оештырган видеоконференцэлемтә режимында узган чираттагы киңәшмәдә салымнар буенча бурычларны киметү мәсьәләләре каралды. Киңәшмәдә катнашучылар түбәндәге сорауларга тукталдылар: Татарстан Республикасы Финанс министрлыгының, Татарстан Республикасы буенча Федераль салым хезмәте Идарәсенең, Татарстан Республикасы буенча Федераль казначылык идарәсенең уртак коллегиясе беркетмәсе нигезендә үткәрелә торган эш кысаларында салымнар буенча бурычларны киметү; мөлкәт һәм җир кишәрлекләре өчен аренда түләве буенча бурычларны киметү буенча чаралар. Хакимиятнең башкарма органнары хезмәткәрләре, аларның гаилә әгъзаларының милек салымнарын түләү турындагы мәгълүматы буенча - 2022 елның 5 октябренә Саба районында бу күрсәткеч республика дәрәҗәсеннән түбәнрәк - 20% булса, республикада исә бу күрсәткеч 21% тәшкил итә.
Бүген 2023 елга, 2024 һәм 2025 елгы план чорына Татарстан Республикасының берләштерелгән бюджет проекты белән танышу һәм 2023-2025 елларга Татарстан Республикасының социаль-икътисадый үсешен фаразлау буенча видеоконференция режимында киңәшмә узды.
Көзге календарьда бик матур бер бәйрәм бар. Табигать алтын төсләргә күмелгән мәлдә Өлкәннәр көне билгеләп үтелә. Әлеге бәйрәм уңаеннан Финанс – бюджет палатасы да нәтиҗәле хезмәт куеп, лаеклы ялга чыккан ветераннарны тәбрикләде.
Бу көннәрдә “Саба –Арена” спорт мәктәбенең заллары бадминтон уенында көч сынашучы уенчыларны кабул итә. Финанс – бюджет палатасында эшләүче егетләр – кызлар бу спорт төрендә дә үз көчләрен сынап карарга булдылар. Уен бик мавыктыргыч һәм рәхәт халәттә узды.
Уку елы башында Үзәкләштерелгән бухгалтерияның планлаштыру бүлеге бухгалтерларының эшләре тагын да артып китә. Чөнки районның барлык бюджет оешмаларында тарификацияләр үткәрелә башлый. Барлыгы 79 оешма тарификация үтәргә тиеш булса, шуларның 70ендә бүген инде әлеге эш башкарылды.
Финанс – бюджет палатасы хезмәткәрләре, җитәкче Сөнгатов Шәмсун Әкбәр улы җитәкчелегендә “Милләтләр кроссы” спорт чарасында актив катнаштылар. Ярышлар бер сулышта узды. Барлык катнашучылар чарадан канәгатьлек хисе алдылар. Ярыш нәтиҗәсендә Шакиров Рамил 3 урынга лаек булды.