ЯҢАЛЫКЛАР
Узган җомгада Татарстан Республикасы Хөкүмәте Йортында узган киңәшмәдә ТР Төзелеш, архитектура һәм ТКХ министры Марат Айзатуллин җәмәгать урыннарын төзекләндерү барышы турында сөйләде.
Киңәшмәне ТР Премьер-министры Алексей Песошин үткәрде.
Төзекләндерү федераль һәм республика программалары буенча бара. Агымдагы елда гомуми суммасы 1 млрд 896 млн сумнан артыграк булган 61 җәмәгать урыны яңартылачак. «Подрядчылар хәзер 47 объектта эшли. Бүгенге көндә эшләрнең гомуми үтәлеше 26% тәшкил итә, динамика 6% тан артып китте. Узган 2 атнада Сарман районында объект файдалануга тапшырылды», – дип хәбәр итте Татарстан Республикасы Төзелеш министрлыгы башлыгы.
Бөгелмәдә 8,8 километрлы суүткәргеч челтәр төзелә башлады. Объект «Яшәү өчен инфраструктура» илкүләм проекты программасына кертелгән, бу максатларга 234 млн 430 мең сум бүлеп бирелгән.
Лениногорскида «Яшәү өчен инфраструктура» илкүләм проекты буенча суүткәргечне реконструкцияләү дәвам итә.
Бүген Татарстан Республикасы Төзелеш, архитектура һәм ТКХ министрлыгында Татарстан Республикасы икътисадына федераль бюджет акчаларын җәлеп итү мәсьәләсе буенча эш төркеме утырышы узды.
РФ Федераль Җыены Дәүләт Думасы депутаты Анатолий Иванов катнашындагы утырышны ТР Төзелеш министрлыгы башлыгы урынбасары Илнур Нурмөхәммәтов уздырды.
«Тормыш өчен инфраструктура» илкүләм проекты буенча Чистайда Ленин урамын Лев Толстой урамыннан Нариманов урамына кадәр комплекслы үстерү башланды. Яңартыла торган иҗтимагый территориянең гомуми мәйданы 2,6 гектар тәшкил итә.
Проект буенча биредә фонтанлы скверны реконструкцияләү, яшүсмерләр очрашу зонасын булдыру, велопаркинглар, күргәзмә өчен конструкцияләр, бронзадан шәһәр макеты әзерләү һәм урнаштыру белән күргәзмә пространствосы булдыру каралган.
Татарстан Республикасында социаль инфраструктура объектларын капиталь ремонтлау программаларын гамәлгә ашыру актив фазада тора. Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.
Яшел Үзәндә шәфкать йорты төзелеше дәвам итә, эшләр 58 процентка башкарылган. Бу хакта ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Әлеге объект елдан-елга күчеп бара торган объект булып тора – аның 333 млн сумлык бюджеты белән төзелеше 2024 елда башланган.
Татарстанда «Яшәү өчен инфраструктура» илкүләм проектының «Коммуналь инфраструктураны модернизацияләү» федераль программасы гамәлгә ашырыла. Илкүләм проект кысаларында 3,15 млрд сумлык 36 объектны яңарту чаралары планлаштырылган.
Яр Чаллы программага кергән объектлар саны буенча алда бара. Биредә гомуми озынлыгы 46 км дан артык булган 29 объект яңартылачак, бу максатларга 1,88 млрд сумнан артык акча каралган. Зурлары арасында:16 км озынлыктагы хуҗалык-көнкүреш канализациясе төзү, 19 км озынлыктагы су белән тәэмин итү челтәренең 16 участогына капиталь ремонт ясау. Башкарылган эшләр нәтиҗәсендә 516 меңнән артык чаллылы өчен су агызу һәм су белән тәэмин итү өлкәләрендә хезмәт күрсәтү сыйфаты яхшырачак.
Татарстанның Биектау муниципаль районының Усад авылында балалар сәнгать мәктәбен капиталь ремонтлау дәвам итә. Әлеге объект агымдагы елда «Гаилә» илкүләм проектының «Гаилә кыйммәтләре һәм мәдәният инфраструктурасы» федераль программасына кертелгән.
Гомуми мәйданы 486 кв. м булган бер катлы сәнгать мәктәбе бинасы 1981 елда төзелгән. Биредә 13 бүлмә, шул исәптән 200 кешегә исәпләнгән актлар залы, 4 сыйныф, педагоглар өчен кабинет һәм 2 бәдрәф бар.
2025 елда Татарстанда коммуналь инфраструктураны яңарту ике программа буенча алып барыла. Шул исәптән агымдагы елда Татарстан Республикасы Рәисе Рөстәм Миңнеханов яңа программага старт бирде. Аңа 100 объект кертелгән, эреләре арасында Нурлат муниципаль районының Нурлат шәһәрен су белән тәэмин итү челтәрен реконструкцияләү, Сарман муниципаль районының Җәлил поселогында җылылык белән тәэмин итү системасын модернизацияләү һәм Казаннан Питрәч муниципаль районының Көек поселогына кадәр суүткәргеч төзү. Аларның 60 буенча дәүләт контрактлары төзелгән, калганнары буенча май ахырына кадәр төзеләчәк.