ЯҢАЛЫКЛАР
КФУның мәгълүмати технологияләр һәм интеллектуаль системалар Югары мәктәбендә «Системалы аналитик» дигән бушлай белем бирү онлайн-курсына тыңлаучыларны җыялар. Проект «Ак Барс Цифрлы технологияләр» белән берлектә тормышка ашырыла. Курс тәмамланганнан соң, тыңлаучылар АБЦТка эшкә урнаша алачаклар.
Югары технологияләр белән кызыксынучы мәктәп укучылары һәм үз квалификацияләрен күтәрергә теләгән педагоглар робототехника, мәгълүмати куркынычсызлык һәм белем бирү учреждениеләрен цифрлаштыру буенча бушлай онлайн-курслар уза алалар.
Тыңлаучылар стипендия алачак һәм эш яки укудан аерылмыйча гына курслар уза алачак. Чыгарылыш сыйныф укучыларын «Ак Барс Цифрлы технологияләр» компаниясенә эшкә урнаштырачаклар. Гаризаны 25 июльгә кадәр careerdev.ru-га тапшырырга мөмкин.
Югары технологияләр өлкәсе белән мавыгучы Татарстан укучылары халыкара компетенцияләр үзәге - Казан мәгълүмати технологияләр һәм элемтә техникумы базасында яңа ИТ – күнекмәләр һәм компетенцияләр ала алалар. Дәресләр сентябрь аенда башланачак, әмма уку өчен гаризаны бүген үк техникум сайтында калдырырга мөмкин.
Югары технологияләр өлкәсе белән мавыгучы балалар республиканың IT-мәктәпләрендә программалаштыруның төп күнекмәләренә өйрәнә алалар. 2019/2020 уку елында гына да аларда 4 516 республика укучысы белем алды.
Хатын-кыз киемнәре һәм күн-галантерея сатыла торган сәүдә объектында укыту семинары үткәрелде. Аны ТР Дәүләт алкоголь инспекциясенең Арча территориаль органы белгечләре оештырды.
Ни аяныч, әмма Россиядә кулланучыларның хокуклары һәр адым саен диярлек кысрыклана, шул ук вакытта, халыкның юридик белемлелек дәрәҗәсе берникадәр яхшыруга карамастан, аларның күбесе үз мәнфәгатьләрен ничек якларга кирәклеген белми.
Россия кластерларын һәм технопаркларын үстерү ассоциациясе Россия Федерациясе субъектларында, шул исәптән кече һәм урта эшкуарлык субъектлары өчен билгеләнгән, сәнәгать һәм технология инфраструктурасын үстерү эшен дәвам итә. Россия кластерлары һәм технопарклары ассоциациясе экспертлары тарафыннан "Белемнәр Икътисады Институты" автоном коммерциясез өстәмә һөнәри белем бирү оешмасы белән берлектә "Сәнәгый технопарклар: оештыру һәм эшчәнлегенә идарә итү" мәгариф программасы эшләнгән, ул 2019 елның 15 июленнән 26 июленә кадәр узачак.
Программа "Кече һәм урта эшкуарлык һәм шәхси эшкуарлык инициативаларына ярдәм итү" илкүләм проекты кысаларында һәм "Кече һәм урта эшкуарлык субъектлары акселерациясе" федераль проектын гамәлгә ашыру максатларында эшләнгән.
Икътисадый һәм сәнәгать сәясәте өлкәсендә башкарма хакимият органнары, КУЭ ярдәм инфраструктурасы оешмалары вәкилләре, технопарклар һәм сәнәгать технопаркларының идарә компанияләре җитәкчеләре һәм белгечләре, шулай ук сәнәгать технопаркы моделе буенча сәнәгать мәйданчыкларын үстерү белән кызыксынучы эре һәм урта бизнес вәкилләре мәгариф программасында катнашу өчен чакырыла.
Белем алу өчен гаризаларны 2019 елның 1 июленә кадәр тапшырырга мөмкин.
Тулырак мәгълүматны Россия кластерларын һәм технопаркларын үстерү ассоциациясе сайтында алырга мөмкин: www.akitrf.ru
Элемтә өчен: Александр Подковыров, мәгариф программасы җитәкчесе, 8-915-315-08-56, apodkovyrov@akitrf.ru, edprom@akitrf.ru