ЯҢАЛЫКЛАР
«ТР әйләнә-тирә мохитен саклау, табигый ресурсларын торгызу һәм файдалану» дәүләт программасы кысаларында Алексеевск һәм Спас районнарында 2025 елга планлаштырылган су объектларын экотернәкләндерү чаралары төгәлләнде. Эшләр су объектларын торгызуга һәм суларның тискәре йогынтысын булдырмауга, шулай ук аларның экологик торышын яхшыртуга һәм яр буе зоналарының уңайлылыгын арттыруга юнәлдерелгән.
Чаллыда Мәләкәс елгасы үзәнен чистарту буенча масштаблы проектның барышын Татарстан Республикасы экология һәм табигать ресурслары министры урынбасары Илнур Насретдинов һәм «ТР Геоүзәге фәнни-җитештерү берләшмәсе» ДБУ директоры Марс Вәлиев тикшерде. Чара «Экологик иминлек» илкүләм проектының «Россия суы» федераль проекты кысаларында гамәлгә ашырыла.
Бөтенроссия җәмәгатьчелек фикерен өйрәнү үзәгенең Аналитик үзәге экспертлары, Су ресурслары федераль агентлыгы белән берлектә, россиялеләрнең су ресурслары темасына сораштыруына нәтиҗә ясаган. Респондентлар җавапларына караганда, һава сыйфаты һәм калдыклар белән беррәттән, су темасы топ-3 иң актуаль экологик сораулар исемлегенә керә. Сулыкларның торышы мәсьәләләре популярлыгы буенча урманнарның ярлылану проблемасын узып китә.