ЯҢАЛЫКЛАР

1969 елда Советлар Союзы бөтен ил өчен сынау булган тарихи карар кабул итә: Яр Чаллыда автомобиль төзелеше гигантын төзергә. Бу сәнәгать проекты гына түгел, ә 70тән артык милләт кешеләрен берләштергән масштаблы хезмәт эпопеясе иде. Хәрби һәм хезмәт батырлыгы елында КамАЗ тарихы аеруча актуаль яңгырый,чөнки ул-рух көче, фидакарьлек һәм Ватанга тугрылык турында.

Халыкара фашист концлагерьлары тоткыннарын азат итү көне алдыннан Яр Чаллы шәһәренең «Ышаныч» халыкка социаль хезмәт күрсәтү комплекслы үзәге карамагындагылар туган якны өйрәнү музеенда дәрестә булдылар. Очрашу менталь үзенчәлекләре булган кешеләр өчен тарих дәресе генә түгел, ә кеше рухының ныклыгы һәм тынычлыкның кыйммәте турында мөһим сөйләшү булды.

Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Ләйсән Хөсәенова Татарстанда Хәрби батырлык һәм хезмәт фидакарьлеге елына багышланган чара үткәрде. «Безнең гаилә геройлары» темасына үткәрелгән чарада көндезге тору төркемендә социаль хезмәт алучылар катнашты.

Балигъ булмаган социаль хезмәт алучыларның патриотик аң дәрәҗәсен күтәрү максатларында министрлык «Минем Ватаным – Татарстан» балалар рәсемнәре конкурсы үткәрә.

Россия халыклары бердәмлеге, Татарстанда Хәрби батырлык һәм хезмәт фидакарьлеге елында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең балта эше остаханәсендә традицион рус мәдәнияте һәм көнкүреше символы булган агач кәрзин ясау дәресе узды.

Аксубай районының «Хыял» балалар һәм яшүсмерләр өчен социаль приютында «Бу җырлар сугышта җырланган» дип исемләнгән музыкаль кичә үткәрелде. Чара Татарстан Республикасында Хәрби батырлык һәм хезмәт фидакарьлеге елына багышланган иде.

Арча районының «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгендә яшь тернәкләнүчеләр үзләренең беренче мультипликацион фильмын тәмамладылар.

Яр Чаллы шәһәренең «Ышаныч» халыкка социаль хезмәт күрсәтү комплекслы үзәгендә «Фидакарь хезмәт һәм хәрби дан: төшенчәләрне тикшерү» дигән чара узды. Очрашу Россия халыклары бердәмлеге елы, Татарстанда Хәрби батырлык һәм хезмәт фидакарьлеге елы һәм Идел буе федераль округының «Менталь сәламәтлек» иҗтимагый проекты кысаларында узды.

25 мартта Яр Чаллы шәһәренең «Изгелек» инвалидларны тернәкләндерү үзәге белгечләре шашка һәм дартс буенча ярышлар оештырдылар. Чара социаль хезмәтләр алучылар арасында сәламәт яшәү рәвешен популярлаштыруга юнәлдерелгән.

Татарстан Республикасында Хәрби батырлык һәм хезмәт фидакарьлеге елы кысаларында Лениногорск районының «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Лиана Габидулина балигъ булмаган балалар өчен Ивановка авылы мәдәният йорты каршындагы музейга баруны оештырды.