ЯҢАЛЫКЛАР

8 нче ноябрьдә ТР Тарифлар буенча дәүләт комитетының Килештерү комиссиясе республиканың кайбер муниципаль районнарында су һәм җылылык белән тәэмин итү оешмалары өчен 2020 елга озак сроклы тарифларны карады.

Россия МКФХ су һәм җылылык белән тәэмин итү буенча эталон тарифларны формалаштырганда компанияләрнең исәпкә алыначак база чыгымнары исемлеген формалаштырды.

Җайга салынулы оешмалар җитәкчеләре игътибарына!

Бүген ТР Сәнәгать һәм сәүдә министрлыгында ТР Премьер-министры йөкләмәсен үтәү кысаларында Татарстан Республикасында "альтернатив котельня" ысулын гамәлгә кертү мәсьәләләре буенча киңәшмә узды. Очрашуны Татарстан Республикасы сәнәгать һәм сәүдә министры урынбасары Алмаз Хөсәенов үткәрде.

Катнашучылар арасында – Казан, Түбән Кама һәм Яр Чаллы башкарма комитетлары, ТР Төзелеш, архитектура һәм ТКХ министрлыгы, ТР Тарифлар буенча дәүләт комитеты, шулай ук "Татэнерго", "ТГК-16", "Түбән Кама ҖЭҮ" һәм "Казэнерго" профильле компанияләре вәкилләре.

Киңәшмәнең төп темасы республиканың җылылык белән тәэмин итү системасын камилләштерү, шул исәптән кулланучылар өчен җылылык энергиясенә тарифлар үсешен тоткарлау мәсьәләсе булды.

Катнашучылар ТР Тарифлар буенча дәүләт комитеты тәкъдим иткән тарифларны тоткарлау вариантлары турында фикер алышты: бәйсез җылылык белән тәэмин итүче оешма булдыру, "кайнар суда җылылык энергиясен эшләп чыгаруга ҖЭҮ өчен инвестиция тарифы" төшенчәсен кертү һәм механизмын эшләү, шулай ук "альтернатив котельня" ысулын гамәлгә кертү мәсьәләләре.