ЯҢАЛЫКЛАР

Татарстанның Алексеевск районында Биләр дәүләт тарих-археология һәм табигать музей-тыюлыгы бинасына капиталь ремонт ясау төгәлләнеп килә.

Хәзерге вакытта объектның оператив әзерлеге 87% тәшкил итә.

Төзүчеләр Чишмә павильонын һәм тау башына баскыч салуны, брусчатка җәюне төгәллиләр. Фонтанны ремонтлау һәм түбәнге чишмәне төзекләндерү эшләре дә төгәлләнә.

2025 елда Татарстанда халыкны эш белән тәэмин итүнең 49 үзәгенә капиталь ремонт ясалачак.

Капремонт исемлегенә республиканың 44 муниципаль берәмлегендәге мәшгульлек үзәкләре керә. Мәсәлән, Казан, Әлмәт, Бөгелмә, Яшел Үзән, Яр Чаллы, Түбән Кама, Алабуга, Баулы, Буа, Зәй, Лениногорск, Чистай, Мамадыш һәм башка шәһәрләрдә.

Татарстанның Яшел Үзән муниципаль районында өлкәннәр һәм инвалидлар өчен интернат-йорт төзелеше дәвам итә. Бу подваллы ике катлы бина булачак, гомуми мәйданы 8 620 квадрат метр. Ул 120 урынга исәпләнгән.

Хәзерге вакытта объектның оператив әзерлеге 40% тәшкил итә. Белгечләр фасад һәм түбә ябу эшләренә керештеләр. Шулай ук барлык инженерлык челтәрләре – су белән тәэмин итү, канализация, аз агымлы челтәрләр һәм җылылык монтажлана.

Татарстанда илкүләм проектлар, дәүләт һәм республика программалары буенча социаль-мәдәни өлкә объектларын төзү дәвам итә. Бу хакта Татарстан Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин хәбәр итте.

Татарстан Хөкүмәте Йортында узган киңәшмәдә социаль-мәдәни өлкә объектларын төзү планнары турында ТР Төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин катнашты.

Торак төзелеше планнары турында Татарстан Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин катнашты.

Татарстанның Түбән Кама районы Кама Аланы бистәсендә 5 нче спорт мәктәбен реконструкцияләү бара. Биредә цоколь катлы янкорма барлыкка килгән, инженерлык челтәрләре ремонтлана, фасад, түбә ябу һәм бизәү эшләре башкарыла, фундамент, баскычлар, мәйданчыклар һәм баскыч көчәйтелә. Шулай ук тәрәзә һәм ишекләрне, бүлгеләрне һәм стеналарны өлешчә алыштыру планлаштырыла.

Бүген Россия Федерациясе Дәүләт Советының «Яшәү өчен инфраструктура» юнәлеше буенча комиссиясенең чираттагы утырышы булды.

Утырышны комиссия рәисе, Татарстан Рәисе Рөстәм Миңнеханов үткәрде. Чара видеоконференцэлемтә режимында узды.

2025 елда «Уңайлы шәһәр мохитен формалаштыру» федераль программасы буенча Татарстанда 51 җәмәгать урыны төзекләндереләчәк. Программа «Яшәү өчен инфраструктура» илкүләм проекты кысаларында гамәлгә ашырыла.

Яңарту программасына 7 объект керде, алар кече шәһәрләрдә һәм тарихи җирлекләрдә уңайлы шәһәр мохите булдыруның иң яхшы проектлары Бөтенроссия конкурсында җиңүчеләр булды. Бу, аерым алганда, Яшел Үзән муниципаль районының Зөя шәһәрендә «Зөя ярының Югары променады», Әгерҗедә «Вокзал һәм Ометов урамнарын үстерү», Югары Ослан муниципаль районының Иннополисында «Квант бульвары», Арча муниципаль районының Арча шәһәрендә «Арча сюжетлары – тарихи кварталның яңа тормышы» проектлары.

Апаста ике катлы балалар бакчасы төзелә. Гомуми мәйданы 1 981 квадрат метр булган мәктәпкәчә белем бирү учреждениесе 80 урынга исәпләнгән.

Хәзер биредә фасад һәм эчке бизәү эшләре, тышкы һәм эчке инженерлык челтәрләрен монтажлау эшләре алып барыла. Шулай ук керү төркеме дә билгеләнә. Объектның оператив әзерлеге 74% тәшкил итә.