ЯҢАЛЫКЛАР
2020 елның 23 нче апреленнән 5 нче маена кадәр мәктәпкәчә яшьтәге балалар һәм укучылар үзләренең эшләрен рәсем конкурсына җибәрде. Конкурс комиссиясе каравына 1176 эш керде. Тәкъдим ителгән материалларда балалар Бөек Ватан сугышында Җиңү көне һәм Татарстан АССР төзелүнең 100 еллыгы тематикасын чагылдырган.
1955 елда партия белән хөкүмәтнең «Проектлауда һәм төзелештә артыклыкларны бетерү турында» һәм «Алга таба индустриальләштерү, сыйфатны яхшырту һәм төзелеш бәясен киметү чаралары турында» карарлары кабул ителә.
1956 елда Муса Җәлил исемендәге опера һәм балет театры бинасын сафка бастыру аеруча әһәмиятле вакыйга була (архитекторы – Н.А. Скворцов). Шулай ук Киров исемендәге, Урицкий исемендәге, Сәет Галиев исемендәге мәдәният йортлары, зур экранлы «Дружба», «Победа», «Звезда», «Мир» кинотеатрлары һ.б. файдалануга тапшырыла.
Ул чорга хас булган төзелешләр: КДУ химия факультеты бинасы (1957), 1951 елда Казанның финанс институтының укыту корпусы төзелеп бетә, 1954 елда – яңа аэровокзал, 1959 елда медицина институты бинасы ачыла.
1950 елларның беренче яртысында республиканың нефть шәһәрләрендә һәм бистәләрендә йортлар салуга махсус игътибар бирелә. Нефть сәнәгате үскән чорда яңа нефтьче бистәләре барлыкка килә – Яңа Писмән, Баулы, Азнакай, Карабаш, Әлмәт, Бөгелмә киңәя. 1955 елда әлеге бистәләрдә 500 мең кв.метрдан артык торак төзеп тапшырыла, дистәләгән мәдәни-көнкүреш, коммуналь, дәвалау объектлары гамәлгә кертелә.
1956-1960 елларда Казанда 1 млн.кв. метрдан артык торак төзелгән. Татарстан, Гагарин, Порт, Ибраһимов проспекты урамнары буенча яңа биналар барлыкка килә. Әлеге объектлар республиканың дәүләт архитектура контроле органнары тарафыннан аерым контрольгә алынган була.
Татарстан Республикасы Экология һәм табигать ресурслары министрлыгында Татарстан АССРга 100 ел тулу кысаларында лекция үткәрелде. Ведомство хезмәткәрләре алдында Татарстан Республикасы Архив эше буенча дәүләт комитеты белгечләре чыгыш ясады.
2020 елның 13 мартында Лениногорск шәһәренең Никахлашу сараенда Татарстан АССР төзелүнең 100 еллыгына багышланган 100-нче сабыйның тууын теркәү тантанасы узды. Бу истәлекле вакыйга белән Артем Александр улы белән Зәринә Нәби кызын котларга дип «Лениногорск муниципаль районы» муниципаль берәмлеге Башлыгы, Лениногорск шәһәре мэры Рәгать Хөсәенов, Татарстан Республикасы «Лениногорск муниципаль районы» муниципаль берәмлеге Башкарма комитетының ГХАТ бүлеге җитәкчесе Елена Миннигаләмова һәм «Алтыным» балалар товарлары кибете җитәкчесе Гөлшат Хәмидуллина килде.
2020 елда Татарстан Республикасы ТАССРның 100 еллыгын һәм Бөек Ватан сугышында Җиңүнең 75 еллыгын бәйрәм итә. Татарстан Республикасы Юстиция министрлыгы командасы ТАССРда элемтә тармагының барлыкка килүе һәм үсеше тарихына багышланган яңалыклар циклын башлап җибәрә.
"Туган як пейзажлары" фотокүргәзмәсе
"Комсомольская Правда-Казань" газетасы "Татарстан Республикасының 100 легендар бренды" проектын эшләтеп җибәргән.
Бу – республиканың 100 еллык тарихын чагылдыра торган брендлар, компанияләр һәм сәүдә маркалары турындагы проект.
Проектның максаты – Татарстан җитештерүчеләренең массакүләм куллану продукциясе үсеше тарихы турында сөйләү. Проектта икътисадның төрле тармакларыннан һәм төрле масштабтагы – районныкыннан алып дөньякүләм масштабтагы производстволарга, товарларга һәм брендларга игътибар биреләчәк.
Татарстанда узган елда производствога ия булган предприятие-оешмаларның чын брендка әверелүенә мисаллар күп.
Һәм иң мөһиме – Татарстанның йөз халык брендын сайлау республика һәм ил халкы катнашында башкарылачак. Тавыш бирүдә теләге булган һәркем катнаша ала!
БРЕНДНЫ ТӘКЪДИМ ИТӘРГӘ ЯКИ ТАВЫШ БИРҮДӘ КАТНАШУ ӨЧЕН ГАРИЗАНЫ ӘЛЕГЕ СЫЛТАМА БУЕНЧА БИРЕРГӘ МӨМКИН
2019 елның 31 декабренә кадәр республика халкыннан сәнәгать, транспорт, авыл хуҗалыгы, сәүдә, азык-төлек, югары уку йортлары, элемтә, ММЧ, сәнгать, спорт һ.б. тармаклардан брендлар буенча тавыш бирүгә тәкъдимнәр көтәбез.
"Комсомольская правда-Казань" редакциясе материаллары
Татарстан Республикасы Президенты Р.Н.Миңнеханов билгеләп үткәнчә, "Татарстан тарихындагы төп сәхифәләрнең берсе 1920 елда ТАССР төзелүгә бәйле. Бу вакыйга аның социаль-икътисадый һәм мәдәни үсешендә мөһим роль уйнаган".
Татарстан Республикасы Дәүләт алкоголь инспекциясенең Казан территориаль органы хезмәткәрләре һәм аларның гаилә әгъзалары ТАССРның күренекле эшлеклеләре истәлегенә бәйле төрле урыннарда була. Аерым алганда, 2019 елның 24 октябрендә Татарстан Республикасы Дәүләт алкоголь инспекциясенең Казан территориаль органы хезмәткәрләре Салих Сәйдәшев исемендәге Дәүләт Зур концерт залында булды һәм әлеге бөек композиторга багышланган монументны карады.
Татарстан Республикасы Президенты Рөстәм Миңнеханов 2020 елны Татарстан Республикасында ТАССР төзелүнең 100 еллыгы елы дип игълан итте. Бу хактагы Указга 2019 елның 25 сентябрендә кул куелган. Республиканы торгызуның һәм үстерүнең мөһим тарихи этабына җәмәгатьчелек игътибарын җәлеп итү максатында чараларны әзерләү һәм уздыру оештыру комитетына йөкләнгән. ТАССР 1920 елның маенда оеша.
Экскурсия ТАССРның 100 еллыгын бәйрәм итүгә әзерлек кысаларында узды.