ЯҢАЛЫКЛАР

28 июнь көнне ведомствоара социаль тернәкләндерү комиссиясе председателе, Саба районы халыкны социаль яклау бүлеге җитәкчесе Л.Н. Гайнутдинова , «Балкыш» халыкка социаль хезмәт күрсәтү комплекслы үзәге гаиләгә һәм балаларга социаль ярдәм күрсәтү булекчәсендә эшләүче белгече Хайбриева Н.И. авыр хәлдә калган гаиләләргә барып, профилактик әңгәмәләр уткәрделәр, аларның көнкүреш шартлары, яшәү рәвешләре белән таныштылар.

Татарстан Республикасы Хезмәт, халыкны эш белән тәэмин итү һәм социаль яклау министрлыгының Саба районындагы "Балкыш" социаль хезмәткәрләре үз карамагындагыларга кышка запаслар әзерләүдә актив ярдәм итәләр. Социаль хезмәт алучылар белән берлектә алар кайнатмалар,салатлар, яшелчә тозлыйлар, яшел тәмләткечләрне туңдыралар, уңыш җыялар. Әлеге эш белән шөгыльләнеп, өлкәннәребез бик теләп катнашалар һәм үз нәтиҗәләреннән бик канәгать булып калалар.