ЯҢАЛЫКЛАР
Кондратьевлар династиясенең «КЗСК» предприятиесендәге хезмәт стажы – 650 ел. Хезмәт династиясе 1932 елда СК-4 заводы төзелешенә ташчы булып урнашкан ике бертуган Иван белән Петрдан башланып китә, 1940 елда заводка Иванның хатыны да килә. Җиде елдан соң Иванның улы Сергей токарь булып билгеләнә. Сергейның улы – Кондратьев Николай Сергеевич 1975 елдан бирле слесарь-ремонтчы булып эшли. Хатыны – Кондратьева Татьяна Геннадьевна – химик. Аның сеңлесе Гордеева Валентина Сергеевна – баш бухгалтер урынбасары, заводта 1995 елдан бирле эшли.
«КЗСК минем өчен – газиз предприятие. Анда эшләгәндә төрле чорларны кичердем, катлаулысы да булгалады. Заводка – гомер, ә миңа заводта династиянең бу матур традициясен өзмәскә мөмкинлек биргән Татарстан Республикасы Сәнәгать һәм сәүдә министрлыгы һәм «Синтез» АҖ исеменнән котлау алуы бик күңелле», – ди Валентина Сергеевна.
21 ноябрьдә Казан синтетик каучук заводының индустриаль партнеры "Синтез" АҖ ("Сәнәгать технологияләре" холдингы) предприятие продукциясен кулланучылар – судно төзүче заводлар белән, шул исәптән "Берләштерелгән суднолар төзелеше корпорациясе" белән, стратегик сессия үткәрде.
Очрашу Татарстан Республикасы Сәнәгать һәм сәүдә министрлыгында РФ Сәнәгать һәм сәүдә министрлыгы вәкилләре катнашында узды. Сессия кысаларында продукциянең кирәкле номенклатурасын, шул исәптән агымдагы елга да, 2020-2022 еллар перспективасына дәүләт оборона заказы кысаларында да, җибәрүне яңарту планнарына бәйле мәсьәләләр каралды.
Сессия кысаларында шулай ук "КСКЗ" ААҖ каралды. Эш нәтиҗәләре буенча чаралар планы төзелде һәм судно төзүче предприятиеләргә өзлексез төяп озатуны тәэмин итү турында килешүгә ирешелде.
Бүген, 7 нче ноябрьдә, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Альберт Кәримов, Ростехнадзор, ГХМ һәм прокуратура вәкилләре белән берлектә, дәүләт оборона заказы өчен продукция чыгаруны яңарту эшләренең барышы белән танышу максатыннан, Казан синтетик каучук заводында булды.
Сәфәр барышындагы андагы төп цехлар каралды. Альберт Кәримов ремонт эшләре белән танышты. 2019 елның 5 ноябрендә "Нижнекамскнефтехим" ГАҖ тарафыннан бутадиен китертелгән, киләсе атна ахырына винилиденхлорид китертелер дип көтелә. Предприятие чимал белән тулысынча тәэмин ителәчәк.
Хәзерге вакытта производствоны эшләтеп җибәрү өчен әзерлек эшләре тәмамланып килә. Предприятиегә пар штат режимында бирелә.
Дәүләт оборона заказы өчен продукцияне беренче тапкыр төяп җибәрүнең якынча вакыты агымдагы елның ноябрь ахырына планлаштырылган.
Бүген Татарстан Республикасы сәнәгать һәм сәүдә министры урынбасары Алексей Савельчев һәм Россия Сәнәгать һәм сәүдә министрлыгының Химия-технология комплексы һәм биоинженерлык технологияләре департаменты директоры урынбасары Денис Латфуллин "КЗСК" ААҖдә булды.
Министрлык вәкилләре производство эшен торгызу, ә атап әйткәндә җиһазларны агымдагы ремонтлау эшләре алып барыла торган цехларда булды. Ремонт эшләренең барышы турында "Синтез" АҖ генераль директоры Денис Чернышев "КЗСК" ААҖ башкарма директоры Алексей Контуров белән бергә җиткерде.
Энергия белән тәэмин итүче оешмалар вәкилләре белән очрашу узды. Очрашу барышында, тиешле шартнамәләргә кул куйганнан соң, киләсе атна башында предприятиегә энергия ресурсларын бирүне яңартырга әзер булуы расланды.
Бүгенге көндә, шулай ук, чимал сатып алу буенча да чаралар үткәрелә. Беренче партия киләсе атна башында килер дип планлаштырыла.
2019 елның 23 июлендә Татарстан Республикасы Арбитраж суды карары белән "КЗСК" ААҖ банкрот дип танылган һәм аңа карата конкурс производствосы процедурасы кертелгән. Татарстан Республикасы Сәнәгать һәм сәүдә министрлыгы, Россия Федерациясе Сәнәгать һәм сәүдә министрлыгы һәм "КЗСК" ААҖ продукциясен китертүдә мәнфәгатьле предприятиеләр белән берлектә, конкурс шартларында, шул исәптән мөлкәт комплексын арендага бирү мөмкинлеге белән дә, производствоны саклап калу буенча мөмкин булганча эш алып барыла.
"Банкротлык (бөлгенлеккә төшү) турында" 2002 елның 26 октябрендәге 127-ФЗ номерлы Федераль закон нормалары нигезендә заемчының производство эшчәнлеген саклау (дәвам иттерү) турында карар кредиторларның гомуми җыелышында кабул ителә.
Бүген, 9 август көнне, "КЗСК" ААҖ завод идарәсе бинасында (Лебедев ур., 1) кредиторлар җыелышы булды. "КЗСК" ААҖ җитештерү куәтләрен мәнфәгатьле инвесторга арендага тапшыруның норматив-хокукый нигезен эшләп чыгару максатында конкурс производствосын үткәрү чорында җитештерү эшчәнлеген хәл итү турындагы мәсьәлә 2019 елның 30 августыннан соңга кичектерелде.
ТР Сәнәгать һәм сәүдә министрлыгы, мәнфәгатьле барлык якларны җәлеп итеп, "КЗСК" ААҖ эшен тәэмин итү буенча ярдәм күрсәтүен дәвам итәчәк.
Тэглар: КЗСК КЗСК-силикон