ЯҢАЛЫКЛАР

2 февраль көнне Кызылъяр авылында яшәүче хезмәт ветераны һәм тыл хезмәтчәне Тәгъзим Миңнегәрәев туганнары белән бергәләп 90 яшьлек юбилеен билгеләп үтте.

Бүген Баулыда яшәүче хезмәт ветераны Фәһимә Галиәкбәрова үзенең 90 яшьлек юбилеен билгеләп үтә. Ул бөтен гомерен сәламәтлек саклау өлкәсенә багышлаган.

Бүген Баулы районының тагын бер яшьтәше - Измайлово авылында яшәүче хезмәт ветераны Зинаида Батыршина җитәкчеләрдән котлаулар кабул итте.

Бүген ТАССРның яшьтәше, Баулы районының иң өлкән мөгаллимәсе Кәбирә Шагали кызы Мәрдәнова үзенең күркәм юбилеен билгеләп үтә.

Бүген баулылы Семен Абаев үзенең 90 яшьлек юбилеен билгеләп үтә.

Бүген Татарстан Республикасы Дәүләт алкоголь инспекциясендә Татарстан Республикасы Дәүләт алкоголь инспекциясе каршындагы Иҗтимагый совет рәисе Юрий Иванович Митюшкинны 70 яшьлек юбилее белән котладылар.

Бүген "В.И.Шимко исемендәге Радиоэлектроника ФҖБ" АҖ башлангыч биргән Сынау-конструкторлык бюросы 294 оешуга 70 ел тулуга багышланган бәйрәм чарасы узды.

Тантаналы чарада рәсми затлар: Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, предприятиенең генераль директоры Ронис Шәрипов, Казан шәһәре Башкарма комитетының Совет районы администрациясе башлыгы Роман Фәтхетдинов, шулай ук предприятие ветераннары һәм хезмәткәрләре катнашты.

Котлау сүзләре белән Альберт Кәримов чыгыш ясады. Ул Татарстан Республикасы сәнәгате үсешенә "В.И.Шимко исемендәге Радиоэлектроника ФҖБ" АҖ керткән өлешнең бәяләп бетергесез булуын билгеләп үтте, шулай ук предприятиене истәлекле дата белән котлады:

"Завод үзенең юбилеен куәтле һәм перспективалы сәнәгать предприятиесе буларак каршы ала", – диде Альберт Кәримов.

Чара кунаклары өчен бию һәм вокал номерлары катнашында концерт программасы, шулай ук предприятие хезмәткәрләрен бүләкләү тантанасы оештырылды.

Бүләкләр арасында: "Ватан алдындагы хезмәтләре өчен" орден-медале, ТР Президенты, ТР Министрлар Кабинеты, ТР Премьер-министры урынбасары – ТР сәнәгать һәм сәүдә министры Альберт Кәримов Рәхмәте, Татарстан Республикасы Сәнәгать һәм сәүдә министрлыгының Мактау грамотасы һәм башкалар.

"Сынау-конструкторлык бюросы 294" 1949 елның 15 августында, СССР Министрлар Советы карары нигезендә, авиация аппаратурасын үзләштерү өчен прибор заводында (хәзер "Радиоприбор" АҖ) оештырыла. Алга таба предприятие исемен берничә тапкыр үзгәртә – Фәнни-тикшеренү институты 334, "Казан фәнни-тикшеренү электрофизика институты", “Радиоэлектроника Казан фәнни-тикшеренү институты", "В.И.Шимко исемендәге Радиоэлектроника ФҖБ".

Бүгенге көндә СКБ 294 "В.И.Шимко исемендәге Радиоэлектроника ФҖБ" АҖ исемен йөртә. Владимир Шимко – СССР радиосәнәгать министры (1987-1988 еллар, 1989-1991 еллар); алга таба - "Радиокомплекс" корпорациясе президенты. Аның исеме предприятиегә 2000 елда бирелгән.

Тэглар: Шимко радиоэлектроника ОКБ 294 юбилей