ЯҢАЛЫКЛАР

Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре Әгерҗе шәһәре укучылары белән (2 мәктәп, 3 мәктәп, 4 урта мәктәп) очрашулар үткәрде. Чаралар «Пластик материаллар белән пычрануга каршы көрәш» девизы астында уза торган Бөтендөнья кулланучылар хокукларын яклау көненә багышланган. Чараны оештыручылар өлкән сыйныф укучыларын әлеге бәйрәмнең төп девизы - 2021 елда булган темасы белән таныштырдылар. Гадәти булмаган дәрес барышында укучылар кулланучылар хокукларын яклау өлкәсендәге законнардагы үзгәрешләр белән таныштылар, фикер алышканда тематика мәсьәләләре буенча ныклы белем һәм эрудиция күрсәттеләр.

Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре Бөтендөнья кулланучылар хокукларын яклау көнен бәйрәм итү һәм кулланучылар хокукларын яклау системасының төбәк форумына әзерлек кысаларында мәктәп укучылары арасында "Мин һәм кулланучылар хокукларын яклау» дигән темага рәсем конкурсы оештырды.

Конкурста катнашкан балаларның яше 8 яшьтән 16 яшькә кадәр. Татарстан Республикасы Яшел Үзән муниципаль районының А.С. Пушкин исемендәге 9 нчы лицейны аерым билгеләп үтәргә кирәк, алар  35 рәсем тәкъдим итте, Шулай ук Тәтеш муниципаль районының Олы Тархан урта мәктәбе, Яшел Үзән муниципаль районының Норлат урта гомуми белем бирү мәктәбе укучылары да актив катнашты.

Бөтендөнья кулланучылар хокукларын яклау көне чаралары гражданнарга мәгълүмат һәм консультация бирү, кулланучылар хокукларын яклау турындагы законнарның актуаль аспектларын аңлату, халыкның төрле төркемнәре арасында кулланучыларга практик ярдәм күрсәтү белән бәйле традицион эш рәвешләрен күздә тота. Татарстан Республикасы Дәүләт алкоголь инспекциясенең Түбән Кама территориаль органы эчке базарны үстерү һәм координацияләү бүлеге белгече Үзәк китапханә системасы хезмәткәрләре, Түбән Кама шәһәренең 9 нчы микрорайоны ТТС рәисе белән берлектә пенсионерлар белән очрашу оештырды.

«Кулланучылар экспрессы» хокукларны ачыкларга ярдәм итте. Бөтендөнья кулланучылар хокукларын яклау көнендә Әлмәт буенча махсус автобус үтте, һәм аның һәр пассажиры түләүсез консультациягә эләгә алды. Татарстан Республикасы Дәүләт алкоголь инспекциясенең Әлмәт территориаль органы хезмәткәрләре Лилия Җәләтова һәм Венера Шәрәфетдинова тематик буклетлар - белешмәлекләр тараттылар, теге яки бу товарны, хезмәт күрсәтүне ничек дөрес сайларга һәм сыйфатсыз продуктны кире кайтару өчен нинди гамәлләр кылырга кирәклеген аңлаттылар. 

Бөтендөнья кулланучылар хокукларын яклау көнендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина «Арча» радиосының турыдан-туры эфирына кунак итеп чакырылды.

15 март көнне «Арзан» сәүдә үзәгендә Роспотребнадзор хезмәткәрләре белән берлектә Бөтендөнья кулланучылар хокукларын яклау көненә багышланган чираттагы уртак чара узды.

2021 елда Бөтендөнья кулланучылар хокукларын яклау көненең темасы «Пластик материаллар белән пычрануга каршы көрәш» дип атала.

Бөтенроссия җәмгыять белеме дәресе, Бөтендөнья кулланучылар хокукларын яклау көне кысаларында, язгы каникуллар алдыннан, хокук бозуларны кисәтү һәм сәламәт яшәү рәвешен формалаштыру максатыннан, Түбән Кама муниципаль районының 6 нчы урта гомуми белем бирү мәктәбендә 8 нче сыйныф укучылары белән чара узды.

«Баулы икмәк заводы» ҖЧҖ кибетләренең берсендә Әлмәт территориаль органы хезмәткәре Кадрия Галиева, башкарма комитет белгече Галина Повольнова белән берлектә, сатып алучылар өчен аларның хокукларын яклау мәсьәләләре буенча консультация өстәле оештырды.

2021 елның 15 мартында, Бөтендөнья кулланучылар хокукларын яклау көнендә, Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре Казан шәһәренең үзәк китапханә системасында семинар-дежурлык үткәрде.

Татарстан Республикасы Дәүләт алкоголь инспекциясенең Арча территориаль органы хезмәткәрләре 2021 елның 12 мартында шәхси эшмәкәр Төхвәтуллин А.М.ның хуҗалык товарлары белән сәүдә итүче сәүдә объектында укыту семинары үткәрде.