ЯҢАЛЫКЛАР
Татарстан Республикасы Дәүләт алкоголь инспекциясенең Казан территориаль органы хезмәткәрләре ведомство карамагындагы Биектау муниципаль районы территориясендә кулланучылар хокукларын яклау мәсьәләләре буенча профилактик чаралар үткәрделәр.
4 октябрьдә Әлмәттә авыл хуҗалыгы ярминкәсе узды, анда җирле җитештерүчеләрнең, фермерларның һәм шәһәр халкының продукциясе тәкъдим ителде. Шәһәрлеләр яшелчә, җиләк-җимеш, ит һәм сөт продукциясе, бал, шулай ук башка товарларны җитештерүчеләрдән арзан бәядән сатып ала алдылар.
2025 елның 6 октябрендә Арча территориаль органы хезмәткәре Ирина Галимова Теләче районында «Родник» социаль хезмәт күрсәтү үзәге пенсионерлары белән очрашты. Әңгәмә барышында товарның бәясе кассадагы бәягә туры килмәү проблемасы турында фикер алыштылар.
Кулланучылар хокуклары бозылуны кисәтү максатында Татарстан Республикасы Дәүләт алкоголь инспекциясенең Чистай территориаль органы хезмәткәрләре кулланучылар базарында катнашучылар белән даими рәвештә консультация-аңлату эшләре алып баралар.
Татарстан Республикасы Дәүләт алкоголь инспекциясенең Чистай территориаль органы белгече өлкәннәрнең хокукый грамоталылыгын арттыру һәм аларга кулай юридик ярдәм күрсәтү максатларында Базарлы Матак авылы базарында Өлкәннәр көненә багышланган чираттагы кизү торды.
Әлмәт территориаль органы хезмәткәрләре Бөтенроссия саңгыраулар җәмгыятенең өлкән яшьтәге әгъзалары белән кулланучылар хокукларына багышланган очрашу оештырды. Тыңлаучыларга сыйфатлы товарлар сатып алу кагыйдәләре, товарларны кире кайтару һәм алмашу, чеклар һәм гарантияләрне саклауның мөһимлеге турында искәрттеләр. Мошенникларга каршы профилактик чараларга аерым игътибар бирелде. Барысына да кирәкле контактлар белән буклетлар һәм Татарстан Дәүләт алкоголь инспекциясе логотибы белән сувенирлар тараттылар.
Халыкара өлкәннәр көне – өлкән яшьтәгеләргә карата зур кайгырту һәм игътибар күрсәтү декадасын ача.
Хәзер өлкән яшьтәге кешеләр турында кайгырту аеруча актуаль. Чөнки өлкән яшьтәге кешеләрне алдауның артуы күзәтелә. Алар дистанцион һәм төрле сәүдәнең намуссыз сатучылары йогынтысына эләгәләр, аларны кертемнәре, төрле отышлары, дару препаратлары һ. б. буенча ялгыш юлга этәрәләр.
2025 елның 2 октябрендә, Өлкәннәр көне уңаеннан, ТР Дәүләт алкоголь инспекциясенең Яшел Үзән территориаль органы хезмәткәре Альбина Хафизова Кама Тамагы шәһәр тибындагы бистәсенең «Кама таңнары» социаль ярдәм үзәгендә тематик чара үткәрде.
Татарстан Республикасы Дәүләт алкоголь инспекциясенең Чаллы территориаль органында эчке базарны үстерү һәм координацияләү бүлеге белгечләре Чаллы шәһәренең хезмәт ветераннары өчен пансионатта булдылар. Чарада Татарстанның төрле почмакларыннан, шул исәптән Лаеш, Арча һәм Яшел Үзән районнарыннан килгән ял итүчеләр катнашты.
Товар сатып алганда, һәркем аның озак вакыт төзек хезмәт итәчәгенә яисә игълан ителгән эксплуатация срогын эшләп бетерәчәгенә өметләнә. Әмма кайвакыт күңелсез хәлләр килеп чыга, дефектлар товарны сатып алганнан соң кыска вакыт узгач та ачыклана — кайчак сатып алганнан соң икенче көнне үк.
Татарстан Республикасы Дәүләт алкоголь инспекциясенең Түбән Кама территориаль органына ике еллык гарантия белән электр гриле сатып алган шәһәр кешесе мөрәҗәгать итте. Куллануның икенче көнендә үк сатып алучы таймерны көйләү эшләмәвен күреп ала һәм җайланма төзек түгел дип карар кыла. Территориаль органның эчке базарны үстерү һәм координацияләү бүлеге хезмәткәрләре клиентка кибеткә дәгъваны дөрес итеп рәсмиләштерергә ярдәм итте. Сатып алучы «Кулланучылар хокукларын яклау турында» РФ Законының 18 маддәсе нигезендә акчаны кире кайтаруны таләп итте.