ЯҢАЛЫКЛАР

Бүген Татарстан Республикасы Премьер-министры урынбасары – ТР авыл хуҗалыгы һәм азык-төлек министры Марат Җәббаров һәм авыл хуҗалыгы һәм азык-төлек министры урынбасары Ленар Гарипов Әтнә районында эш сәфәре белән булдылар. Алар район башлыгы Габделәхәт Хәкимов, район Авыл хуҗалыгы һәм азык-төлек идарәсе башлыгы Марсель Гарипов һәм "Таң" АХҖК җитәкчесе Алмаз Сибәгатуллин белән бергә йөрделәр. Сәфәрнең максаты - районның агросәнәгать секторы үсешен өйрәнү.

2020 елның 18 нче мартында Татарстан Республикасы Дәүләт алкоголь инспекциясе хезмәткәрләре Татарстан Республикасы Әтнә муниципаль районының Олы Әтнә авыл җирлегендә яшәүчеләр белән очрашты. Чарада Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина һәм авыл җирлеге башлыгы урынбасары Рәдилә Мәликова катнашты.

Бүген ТР Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Әтнә районының Күәм авылында кулланучыларның хокукларын яклау мәсьәләләре буенча гражданнарны кабул итте.

17 сентябрь көнне Әтнә муниципаль районы «Изгелек» халыкка социаль хезмәт күрсәтү үзәгендә» “Экстремизмга – юк!" айлыгы кысаларында һәм оешманың террорчылыкка каршы якланышын арттыру максатыннан «Терроризм һәм экстремизмга-юк!" темасы астында лекция - инструктаж үткәрелде.». Чара барышында оешма хезмәткәрләре терроризм һәм экстремизм проблемасы турында фикер алыштылар. Әлеге чарада Россия Эчке эшләр министрлыгының Әтнә районы буенча бүлекчәсе җитәкчесе урынбасары Р.Р. Заһидуллин катнашты. Ул экстремистик һәм террористик эшчәнлекнең төрле формалары турында сөйләде, экстремистлык гамәлләр буенча мисалларын китерде.     Лекция-инструктаж экстремизм һәм терроризм барлыкка килүне кисәтү, белем дәрәҗәсен күтәрү, терроризм һәм экстремистлык юнәлешендәге хокукка каршы гамәлләр барлыкка килгәндә уяулык хисен үстерү максатыннан оештырылды.

ТР Дәүләт алкоголь инспекциясенең Арча территориаль органы белгече Әтнә районы КФҮ ДБУ филиалында чарага килүчеләр белән чара үткәрде.