ЯҢАЛЫКЛАР

2020 елның 17 нче мартында Дәүләт алкоголь инспекциясенең Арча территориаль органы җитәкчесе, Сеҗе авыл җирлеге башкарма комитеты җитәкчесе, Арча муниципаль районының Курса-Почмак урта мәктәбе директоры һәм мәктәп укучылары белән берлектә, юбилей медальләре тапшыру тантанасында катнашты. Иске Масра, Югары Масра, Курса-Почмак авылларында яшәүче 14 тыл хезмәтчәне, укучылар белән очрашып, юбилей медальләре алды. 

ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Рәфинә Галиәхмәтова, Бөтендөнья кулланучылар хокукларын яклау көне кысаларында, кулланучыларның хокукларын яклау өлкәсендәге законнарны аңлату буенча Татарстан Республикасы Теләче муниципаль районының Иске Җөри авыл җирлегендә яшәүчеләр белән очрашты. Шунда ук үзләрен кызыксындырган сораулар буенча консультация бирү максатында гражданнарны да кабул иттеләр.

Татарстан  Республикасы Авыл хуҗалыгы  һәм азык-төлек  министрлыгы авылда  кече  һәм урта  бизнесны  үстерүгә зур  игътибар  бирә.  Бүген  һәр районда  Татарстан  Республикасы Авыл хуҗалыгы  һәм азык-төлек  министрлыгы  ярдәме  белән  үз эшен  ачкан һәм  аны  уңышлы  алып  баручы  кешеләр шактый  күп.   Мәсәлән,  узган  атнада   Арча  районында  «Яңа  эш  башлаучы фермер» һәм «Гаилә терлекчелек   фермалары» программалары  буенча  Татарстан  Республикасы Авыл хуҗалыгы  һәм азык-төлек  министрлыгы грантларына  төзелгән    4  ферма  бер  үк  вакытта  ачылды. 

«Туган якның кышлаучы кошлары» табигать саклау акциясе кысаларында, Арчаның 2нче балалар бакчасында канатлыларның тормышына багышланган викторина узды. Балалар табышмаклар чиштеләр, тематик шигырьләр сөйләделәр. Чараны «Ашыт» тыюлыгы белгечләре үткәрде. Алар кышлаучы кошлар, аларның үз үзен тотулары, дөрес рацион турында кызыклы фактлар сөйләделәр һәм җимлекләр ясарга өйрәттеләр.

Россия Федерациясендә кулланучы хокуклары норматив-хокукый актлар, барыннан да элек "Кулланучыларның хокукларын яклау турында"гы РФ Законы белән яклана. Еш кына гражданинга кулланучы буларак аның хокукларына кагылышлы күп санлы нормаларны һәм кагыйдәләрне аңлавы кыен. "Кулланучыларның хокукларын яклау турында" 1995 елның 5 декабрендәге федераль закон нигезендә, җитештерүче озак файдаланудагы товарлар буенча аларның хезмәт итү срогын билгеләргә тиеш, ә азык-төлек продуктлары, парфюмерия товарлары, медикаментлар, көнкүреш химиясе өчен яраклылык вакыты билгеләнә. Бу ике күрсәткеч кулланучының гомере, сәламәтлеге һәм милеге өчен куркыныч тудырган яки билгеләнеше буенча файдалану өчен яраксызга әйләнгән срокларны билгели.

Сыйфат атналыгын үткәрү кысаларында Татарстан Республикасы Дәүләт алкоголь инспекциясенең Арча территориаль органы белгече Гөлназ Шакирова, Роспотребнадзорның Татарстан Республикасы буенча идарәсенең Арча, Биектау районнарындагы территориаль бүлекчәсе хезмәткәре белән берлектә, Балтач районы Күпфункцияле үзәк дәүләт бюджет учреждениесе филиалында "Кулланучыларның хокукларын яклау турында" РФ законын аңлату максатыннан чара үткәрде.  Чараның төп максаты – халыкны грамоталылыкка өйрәтү.

2019 елның 14нче ноябрендә узган "Сыйфат көне"ндә Татарстан Республикасы Дәүләт алкоголь инспекциясенең Арча территориаль органы җитәкчесе Булат Кадыйров, Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Арча муниципаль районының Яңа Кишет авыл җирлегендә кулланучыларның хокукларын яклау һәм алкогольле продукцияне сату өлкәсендәге мәсьәләләр буенча гражданнарны урынга чыгып кабул итте. Кабул итүдә авыл җирлеге башлыгы Т.А.Арсланов катнашты. Очрашу барышында авыл халкына кулланучы буларак хокуклары бозылганда үз-үзләрен яклау буенча киңәшләр бирелде, Сыйфат көненең барлыкка килү тарихы турында сөйләнде.

Арчаның 1нче номерлы балалар бакчасында, үсеп килүче буынга экологик тәрбия бирүдә актив эш алып баручы тәрбиячеләр өчен, «Мәктәпкәчә яшьтәге балалар белән экологик тәрбия бирү бурычларын хәл итүдә иҗади якын килү»дигән темага семинар үткәрелде. Семинар эшендә «Ашыт» ДТКТ белгечләре Абдрахманова Гөлнара Ильяс кызы һәм Әхмәтҗанов Рәшит Зиннур улы катнашты, шулай ук Татарстан Республикасының Балтач районы һәм Киров өлкәсенең Малмыж районы тәрбиячеләре дә чакырылган иде.

Хәзерге тормышта "Кулланучыларның хокукларын яклау турында" РФ Законы принциплары еш бозыла. Күп кенә кешеләр үз сорауларына җавапны челтәрләрдән эзләргә мәҗбүр.

Шунысы билгеле, сатучылар товар бәясен түләмәс яки аны кире кабул итмәс өчен төрледән-төрле сәбәпләр уйлап чыгара. Әйтик, еш кына кибет хезмәткәрләре сатып алучыны хезмәттәшлек турында шартнамә булмаган сервис үзәгенә җибәрә. Яки сәүдә предприятиесе товарның яраксызлыгы турында сервис үзәгеннән бәяләмә бирүне таләп итә.

Хезмәт күрсәтүне популярлаштыру, шулай ук хезмәтләр күрсәтүнең сыйфатын яхшырту максатында Арча районының күпфункцияле үзәгендә ай саен кулланучыларның хокукларын яклау мәсьәләләре буенча консультация үткәрелә.