ЯҢАЛЫКЛАР

Спас районы КФҮ ДБУдә Татарстан Республикасы Дәүләт алкоголь инспекциясенең Чистай территориаль органы хезмәткәре кулланучылар өчен консультация өстәле оештырды. Чара вакытында Кулланучылар хокукларын яклау турындагы законнар аңлатылды. Аерым алганда, кулланучыларга Кулланучылар хокукларын яклауны сорап судка мөрәҗәгать итү тәртибе аңлатылды.

Татарстан Республикасы Дәүләт алкоголь инспекциясенең Чистай территориаль органына телефон аша гражданка Л. кулланучылар хокукларын яклау турындагы законнарга нигезләнеп, сафтан чыккан товарга гарантия срогы мәсьәләсе буенча аңлатма бирүне сорап мөрәҗәгать итте.

Арча районының Иске Чүриле авыл китапханәсендә «Кулланучылар хокуклары» дигән темага күзәтү оештырылды. Чарада катнашучылар игътибарына Кулланучылар хокукларын яклау буенча китаплар рәвешендәге мәгълүмат, кулланучыга теге яки бу очракта ничек эшләргә кирәклеге турында гамәли киңәшләр белән брошюралар, дәгъва гаризалары үрнәкләрендәге җыентыкларга күзәтү ясалды. 

2023 елның 17 гыйнварында Арча муниципаль районының Иске Чүриле авылында «Кулланучылар белеме-халыкка!» дигән темага гражданнарны кабул итү узды. Чараны Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм эчке базарны үстерү һәм координацияләү бүлеге башлыгы Ләйсән Абдуллина үткәрде.

Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре «Изгелек» инвалидларны тернәкләндерү үзәгендә ял итүчеләр белән очрашу уздырдылар. «Кулланучылар хокукларын яклау турында» 07.02.1992 елның 2300-1 номерлы РФ Законы һәм Товарларның аерым төрләрен сату кагыйдәләре турында сөйләштеләр, сатучы һәм кулланучының хокукларын һәм бурычларын аңлаттылар.

Татарстан Республикасы Дәүләт алкоголь инспекциясенең Чистай территориаль органына гражданин К. сатып алынган кар машинасындагы җитешсезлекләрне ачыклау ситуациясендә кулланучылар хокукларын яклау турындагы законнарга аңлатма бирү үтенече белән мөрәҗәгать итте.

Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм контроль-инспекция бүлеге консультанты Рөстәм Фәрхуллин, Саба муниципаль районы Шекше авыл җирлеге башлыгы Радик Хәйретдинов катнашында, «Кулланучылар хокукларын яклау турында»гы законга кагылышлы сораулар буенча халыкка консультация ярдәме күрсәтү мәсьәләләренә багышланган гражданнарны күчмә кабул итү үткәрделәр.

Татарстан Республикасы Дәүләт алкоголь инспекциясенең Чистай территориаль органы хезмәткәре «Орион» көнкүреш техникасы кибетендә кулланучылар өчен консультация өстәле оештырды. Чара вакытында Кулланучылар хокукларын яклау турындагы законнар аңлатылды, төрле темаларга белешмәләр һәм брошюралар таратылды.

Шулай итеп, ике кулланучыга техник яктан катлаулы товарларны кире кайтару һәм алмашу мөмкинлеге аңлатылды.

Бик еш кына гражданнарда сорау туа - даруларны даруханәгә кире кайтарып буламы? Кулланучылар хокукларын тиешле дәрәҗәдә белмәгәнгә күрә, кайвакыт даруханәләрдә конфликтлы хәлләр килеп чыга. Татарстан Республикасы Дәүләт алкоголь инспекциясенең Түбән Кама территориаль органы хезмәткәре Чирмешән муниципаль районында бу һәм башка сорауларга даруханә хезмәткәрләренә дә, кулланучыларга да аңлатма бирде.

2023 елның 12 гыйнварында Теләче муниципаль районының Баландыш авыл җирлегендә кулланучылар хокукларын яклау һәм алкогольле продукцияне сату өлкәсенә кагылыәлы сораулар буенча гражданнарны күчмә кабул итү уздырылды. Кабул итүне Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм контроль-инспекция бүлегенең әйдәп баручы белгеч-эксперты Ирина Галимова алып барды.