ЯҢАЛЫКЛАР

2022 елның 28 апрелендә Татарстан Республикасы Дәүләт алкоголь инспекциясенең Түбән Кама территориаль органы белгечләре Түбән Кама муниципаль районының «Балалар сәнгать мәктәбе» муниципаль бюджет гомуми белем бирү учреждениесенең структур бүлекчәсендә кулланучылар һәм хезмәтләр күрсәтүчеләр өчен күчмә консультация үткәрде. Уку йорты укытучылары көнкүрештә гадәти кулланучылар булып санала, ә түләүле белем бирү хезмәтләрен башкаручылар өчен бирелгән мәгълүмат икеләтә файдалы булды.

Татарстан Республикасы Дәүләт алкоголь инспекциясенең Әлмәт территориаль органы белгечләренә Лениногорск шәһәрендә яшәүче бер ир-ат мөрәҗәгать итте. «К» кибетендә ул 36000 сумлык мотоблок сатып алган. Кибеттә инструментның төзеклеге тикшерелгән, ул эшли торган була. Әмма сатып алу уңышлы булып чыкмаган, сатып алганнан соң, мотоблок эшләми башлый.

Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре шәһәр халкы белән очрашуларны дәвам итә. Чираттагы очрашу «Изгелек» инвалидлар өчен тернәкләндерү үзәгендә ял итүчеләр белән узды. Үзәктә Яр Чаллы, Тукай, Минзәлә, Актаныш муниципаль районнарында яшәүчеләр ял итә. Тернәкләндерү үзәгендә физик мөмкинлекләре чикләнгән кешеләр үз сәламәтлекләрен ныгыталар. Чарада белгечләр ял итүчеләрне 1992 елның 7 февралендә кабул ителгән «Кулланучылар хокукларын яклау турында» РФ Законы белән таныштырдылар. Законның төп маддәләрен аңлаттылар, сорауларга җавап бирделәр.

2022 елның 26 апрелендә Татарстан Республикасы Дәүләт алкоголь инспекциясенең Чистай территориаль органы белгече кулланучылар өчен «Магнит» кибетендә консультация өстәле һәм сәүдә хезмәткәрләре өчен семинар-укулар оештырды.

Кибет хезмәткәрләренә «Кулланучылар хокукларын яклау турында» РФ Законы һәм ваклап сату-алу килешүе буенча товарлар сату кагыйдәләре буенча аңлатмалар бирелде.

Татарстан Республикасы Дәүләт алкоголь инспекциясенең Чистай территориаль органына гражданка М. сатучының сыйфатсыз товарга экспертиза үткәрү тәртибен аңлатуны сорап мөрәҗәгать итте. Товарда дефектлар ачыкланганнан соң, кимчелекләрнең килеп чыгу сәбәпләре турында сатучы белән кулланучы арасында бәхәсле хәл килеп чыккан. Сатучы раслаганча, товарда җитешсезлекләр товарны сатып алучыга тапшырганнан соң, ягъни аның гаебе белән килеп чыккан. Кулланучы моның белән килешми. Территориаль орган белгече бу мәсьәлә буенча аңлатма бирде.

Кулланучылар хокукларын яклау өлкәсендә хокукый белем дәрәҗәсен күтәрү максатларында мәгълүмати-агарту эшенең төп юнәлешләренең берсе булып эшмәкәрлек субъектларының хокукый белемен күтәрү тора.

Татарстан Республикасы Дәүләт алкоголь инспекциясенең Арча территориаль органы, кулланучылар хокукларын танучы һәм үтәүче намуслы эшмәкәрлек корпусын формалаштыру максатыннан чыгып, Саба муниципаль районының сәүдә объектларында даими рәвештә семинарлар, түгәрәк өстәлләр, эшмәкәрләр өчен кулланучылар хокукларын яклау турында закон мәсьәләләре буенча консультацияләр үткәрә.

Татарстан Республикасы Дәүләт алкоголь инспекциясенең Казан территориаль органы начальнигы урынбасары хуҗалык итүче субъектлар белән кулланучыларга хезмәт күрсәтүнең сыйфатын һәм культурасын күтәрү буенча семинарлар үткәрде.

Ихтыяҗларның күбесе сәүдә объектлары аша товарлар сатып алу юлы белән тәэмин ителә. Кулланучы товар һәм аның җитештерүчесе турында дөрес мәгълүмат алачагына, аның тормышы һәм сәламәтлеге өчен куркынычсыз, ул үз мәнфәгатьләрен, шул исәптән суд органнарында да якларга хокуклы, дип ышанырга тиеш.

Татарстан Республикасы Дәүләт алкоголь инспекциясенең Казан территориаль органы начальнигы Биектау муниципаль районының Казаклар авыл җирлегендә гражданнар өчен чираттагы күчмә кабул итү үткәрде. Территориаль орган җитәкчелеге тарафыннан гражданнарны кабул итү график нигезендә ведомство компетенциясенә караган мәсьәләләр буенча үткәрелә.

Татарстан Республикасы Дәүләт алкоголь инспекциясенең Әлмәт территориаль органы контроль-инспекция бүлеге белгеч-эксперты Гөлнара Габдрахманова ТР Ютазы муниципаль районы Ютазы урта мәктәбендә башлангыч сыйныф укучылары өчен чара үткәрде.