ЯҢАЛЫКЛАР
Эшлибез дә, ял да итәбез. Күңелле каникуллар! Мөслим гмназиясе укучылары көн саен мәктәп яны катогында уйныйлар да, җыештыралар да.
Мөслим гимназиясе 2 нче сыйныф укучылары район мәдәният йортында "Ләбиб Леронның "Аңгыра сарык җүләре" әкиятен карадылар
"Татар халык ашлары" проекты кысаларында өчпочмак пешерү серләренә өйрәтер өчен КФУ Алабуга бүлеге укытучылары һәм студентлары Мөслим гимназиясенә килде. Алар гимназиянең 10-11 нче сыйныф укучылары белән бергә өчпочмак пешерү серләренә төшенделәр. Аннан укучылар студентлар үткәргән квестта һәм "Йөзек салыш" уенында катнаштылар. Татар халкының телен, йолаларын, мәдәниятен, милли традицияләрен өйрәнүгә һәм саклауга корылган әлеге чара кунаклар һәм укучылар күңеленә хуш килде. Соңыннан пешеп чыккан кайнар өчпочмаклар белән барысы да чәй эчтеләр.
Һөнәри юнәлеш бирү кысаларында Мөслим гимназиясе 9-11 нче сыйныф укучылары Мәскәү шәһәреннән килгән "Теләктәшлек үзәге" генераль директоры Яхин Рафаэль Абужахман улы белән очрашты.
Мөслим гимназиясе 5-6 нчы сыйныф укучылары остаханәләрендә яңа ел бүләкләре әзерлиләр
Мөслим гимназиясендә "Метапредмет нәтиҗәлелекне бәяләү технологияләре: белемнәрне комплекслы тикшерү чаралары, мониторингның автомат формалары” дигән темага татар теле һәм әдәбияты укытучыларының методик семинары үтте. Укытучылар ачык дәресләр карадылар, педагогик коучингта катнаштылар, тәҗрибәләре белән уртаклаштылар
Мөслим гимназиясе территориясендә шугалак ачылды. Теләүчеләрне һәрвакыт көтеп калабыз.
"Мөслим кызы, Мөслим егете" проекты кысаларында 8 нче сыйныфлар өчен "Татар халкының милли йолалары" исемле сыйныф сәгате үтте.
Мөслим гимназиясе 3 нче б сыйныфында "Көчле рухлылар" темасына әдәби сәгать үтте. Балалар язучы Фәнис Яруллинның тормыш юлы, Алексей Маресьев, Рөстәм Нәбиев турында язылган китаплар белән таныштылар.
"Юлда күренеп йөр" акциясе кысаларында Сарман һәм Мөслим районнары буенча юл хәрәкәте иминлеге начальнигы Ситдикова Алсу Разиновна белән Мөслим гимназиясе башлангыч сыйныф укучылары очрашты. Ул балаларга юл йөрү кагыйдәләрен искәртте, юлга чыгарга ярамаган очракларны кисәтте. Балаларгы яктылык кайтаргыч знаклар, юл йөрү кагыйдәләренә искәрмәләр таратты