ЯҢАЛЫКЛАР

Лесхоз картлар һәм инвалидлар өчен интернат-йортында Ленинград блокадасында катнашкан һәм хәзерге вакытта Саба районында торучы бердәнбер ветеран Исхаков Ринат Садыйк улы яши.

28 апрельдә Бөек Ватан сугышында Җиңүнең 77 еллыгын бәйрәм итү кысаларында Татарстан Республикасы Юстиция министрлыгы сугыш хәрәкәтләрендә катнашучыларга, ветераннарга һәм аларның гаилә әгъзаларына түләүсез юридик ярдәм күрсәтү буенча чара уздыра.

Бөек Ватан сугышында Җиңүнең 77 еллыгын бәйрәм итү алдыннан Минзәлә районында Ветераннарны котлыйлар. Менә инде өченче ел рәттән «Татарстанның кече нефть компаниясе» ҖЧҖ вәкилләре генераль директор Тимур Шәймиев исеменнән сугышта катнашучыларга азык-төлек җыелмалары тапшыралар.

Республиканың Биектау районында «Чиста йорт – чиста ишегалды» акциясе башланды. Ул Бөек Ватан сугышында катнашучыларга һәм аларның тол хатыннарына, тыл хезмәтчәннәренә – социаль хезмәт алучыларга ярдәм итүгә юнәлдерелгән. Акция 15 апрельдән 15 майга кадәр барачак.

11 апрельдә, Халыкара фашист концлагерьларыннан тоткыннарны азат итү көнендә, Казанда тантаналы чара узды. Анда шулай ук Яр Чаллы шәһәрендә яшәүче Бөек Ватан сугышы ветераннары да катнашты. Аларны «Ышаныч» халыкка комплекслы социаль хезмәт күрсәтү үзәге белгече озата барды.

Бүген Казанда Халыкара фашист концлагерьлары тоткыннарын азат итү көненә багышланган тантаналы чаралар узды. Татарстан Республикасы Хезмәт, халыкны эш белән тәэмин итү һәм социаль яклау министрлыгы ветераннар өчен «Шәһәр панорамасы» музеена экскурсия оештырды. Мөхтәрәм кунаклар игътибарына төрле тарихи чорлар – Казан барлыкка килгән вакыттан алып хәзерге заманга кадәр Татарстан башкаласы тарихын тәкъдим иттеләр.

«Ветеранның хыялы» Бөтенроссия социаль проекты Бөек Ватан сугышы ветераннарына ярдәм итүгә һәм игътибар бирүгә юнәлдерелгән. Проект ярдәмендә безнең янәшәбездә яшәүче ветераннарның батырлыклары турында гына сөйләп калмыйча, җиңүчеләрнең чынга ашмаган хыяллары турында да хәбәр итәргә мөмкин.

Бу шимбәдә, 28 сентябрьдә, Өлкәннәр көне алдыннан (2019 елның 1 октябрендә) Татарстан Республикасы Сәнәгать һәм сәүдә министрлыгының конференцияләр залында Министрлыкның хөрмәтле кунаклары – ветераннарны традицион котлап, очрашу узды.

Бүгенге пенсионерлар адресына җылы рәхмәт сүзләрен министр урынбасары Герман Лернер җиткерде.

Эшләр идарәчесе Айнур Шәкүров һәм кадрлар бүлеге башлыгы Дания Сафина кунакларга "Лента" гипермаркетына бүләк сертификатлары тапшырды.

Юбилярларны махсус билгеләп үттеләр, аларны ТР Сәнәгать һәм сәүдә министрлыгының Рәхмәт хатлары һәм чәчәк бәйләмнәре белән бүләкләделәр.

Чараның рәсми өлеше тәмамлангач, кунаклар бәйрәм табынына чакырылды, концерт программасы булды.