ЯҢАЛЫКЛАР
Арча районында ТР Экология министрлыгының санитар-экологик икеайлыгы кысаларында өмәләрдә 1590 кеше катнашты. 1579 куб. м. чүп-чар җыелган, бу – 157 КамАЗ машинасы.
Теләче районында хокук бозучыга әйләнә-тирә мохиткә китерелгән зыянны 126 880 сум күләмендә капларга кушканнар. Мондый карарны Татарстан Республикасы Арбитраж суды чыгарды.
Арчаның В.Ф. Ежков исемендәге 1 нче мәктәбендә 6-8 нче сыйныф укучылары өчен «Хәзерге дөньяда табигый-фәнни белем» фәнни-гамәли конференциясе узды. Жюри әгъзалары сыйфатында ТР Экология министрлыгының Төньяк территориаль идарәсе экологлары чакырылды.
ТР Экология министрлыгының Төньяк территориаль идарәсе инспекторлары Арча районының 9 нчы номерлы балалар бакчасы нәниләре өчен Татарстан традицияләренә багышланган экология дәресе үткәрде.
Ел саен 19 апрельдә дөньяда традицион булып киткән матур язгы бәйрәм – Умырзая көне билгеләп үтелә. Умырзаялар -кышкы салкыннан соң шытып чыккан беренче чәчәкләр, алар язның башлану символы. Бу көнгә ТР Экология һәм табигать ресурслары министрлыгының территориаль идарәләре экологлары балалар өчен төрле чаралар әзерләгән.
Арча балалар бакчасында «Мәктәпкәчә яшьтәге балаларга экологик белем бирү. Дөньякүләм күзаллауны үстерү һәм тәҗрибә-тикшеренү эшчәнлеге» темасына экология буенча төбәк семинары үтте. Чарада ТР Экология министрлыгының Төньяк территориаль идарәсе инспекторлары катнашты.
Экология министрлыгының Көньяк-Көнчыгыш территориаль идарәсе инспекторлары Нурлат районының Урта Камышлы авылындагы 38 нче балалар бакчасында тәрбияләнүчеләр өчен «Елның теләсә кайсы вакытында табигатьне саклыйбыз» дигән темага экологик белем бирү дәресе үткәрделәр.
Ел саен Теләче районының Шәдке мәктәбендә «Безнең тирәдәге экология» экоконференциясе уза. Бу мәктәп очраклы гына сайланмаган, ул ТР буенча экологик-географик белем һәм тәрбия буенча инновацион мәйданчык булып тора.
Арча районында Югары Пошалым авылында пычранган эрегән суларның Пошалым елгасына диффуз агымы табылган. Төньяк территориаль идарә инспекторы Экология министрлыгының экологик күзәтчелекне тәэмин итү бүлеге белгечләре белән берлектә Пошалым елгасының (диффуз агымнан югарырак һәм түбәнрәк) табигый су үрнәкләрен сайлап алды. Анализ нәтиҗәләре табигый суда диффуз агымнан түбәнрәк түбәндәге пычраткыч матдәләр буенча артыклык күрсәткән: нитритлар буенча 8,5 тапкыр, тимер буенча 5,3 тапкыр, аммоний ионы буенча 2,5 тапкыр, фосфатлар буенча 1,6 тапкыр.
Кукмара районының Югары Арбаш мәктәбендә «Эзләнүләр һәм иҗат аша камиллеккә» дигән XI төбәкара экологик-географик, фәнни-гамәли конференция узды. Жюри әгъзалары сыйфатында ТР Экология министрлыгының Төньяк территориаль идарәсе белгечләре чакырылган иде.