ЯҢАЛЫКЛАР

Русьта ярминкәләр элек-электән барлыкка килгән. Алар хәзер матур традициягә дә әйләнде. Ярминкәләр ничек кенә оештырылмасын, аннан кешеләр һәрвакыт буш кул белән түгел, ә күчтәнәчләр белән, һәм, әлбәттә, яхшы кәеф белән китәләр. Көз - елның иң уңдырышлы вакыты, уңышка юмарт вакыт.

Яр Чаллыда традицион авыл хуҗалыгы ярминкәләре башланды. Алар шимбә көннәрендә өч мәйданчыкта уза. Ярминкәләрдә авыл кешеләре, җирле товар җитештерүчеләр, шәхси эшмәкәрләр, шәхси ярдәмче хуҗалыклар хуҗалары һәм һәвәскәр бакчачылар катнаша.

Яр Чаллы территориаль органы белгечләре Чаллы шәһәренең «Көньяк» Агросәнәгать паркының ярминкә мәйданчыгында булдылар. 

Чираттагы ярминкә шәһәр халкын үзәк мәйданга җыячак.

Бүген Казанда  һәм Чаллыда  Татарстан  Республикасы Авыл хуҗалыгы  һәм азык-төлек  министрлыгы тарафыннан  оештырылган  авыл  хуҗалыгы  ярминкәләре  узды. Азык-төлек  товарларын  республиканың  муниципаль районнарыннан  авыл  хуҗалыгы  җитештерүчеләре,  шулай  ук  АПК предприятиеләре   алып  килде.    Мәйданчыкларда  шулай  ук  авыл  кешеләренә дә,  шәһәр  кешеләренә ошый  торган    автолавкалар да  бар  иде.