ЯҢАЛЫКЛАР

Экология һәм табигать ресурслары министрлыгының Кама буе территориаль идарәсе инспекторлары Комсомолец авыл җирлеге территориясендә иске шиннар, полиэтилен пленкалары, полимер һәм пластмасса төрү материаллары, агач калдыклары, пыяладан һәм резиннан ясалган эшләнмәләр чүплегенә тап булган. Чүп-чарның мәйданы – 200 кв. метрдан артык, күләме – 20 куб. метр.

Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары Чирмешән авылында инде гамәлдә булмаган каты көнкүреш калдыклары полигоныннан 300 метр ераклыкта чүп-чар ташланган урын булуын ачыклаган.

Резин-техника эшләнмәләрен законсыз гына чыгарып ташлау омтылышы чынга ашмаган. Түбән Кама шәһәренең 13 нче гараж кооперативы территориясендәге тәртип бозу очрагы видеокүзәтү камерасына эләккән. Чаралар күрү өчен, гараж кооперативы рәисе Татарстан Республикасы Экология һәм табигать ресурслары министрлыгының Кама Аръягы территориаль идарәсенә мөрәҗәгать иткән.

Металлолом, профнастил, агач калдыклары. Экологлар боларның барысына да Баулы районының Яңа Баулы авылында торак йорт янындагы территориядә тап булган. Рөхсәтсез калдык ташлау мәйданы 103 кв. метр тәшкил итә.

Түбән Кама районының Балчыклы авылыннан ерак түгел санкцияләнмәгән чүплек булуы турында Татарстан Республикасы Экология һәм табигать ресурслары министрлыгының Кама аръягы территориаль идарәсе инспекторлары «Халык контроле» аша белгән.

Татарстан Республикасы Экология һәм табигать ресурслары министрлыгының Апас районындагы Идел Аръягы территориаль идарәсе инспекторлары җитештерү һәм куллану калдыклары белән эш иткәндә экологик һәм санитар-эпидемиологик таләпләрне бозу фактын ачыклаган. 52 куб.м. күләмендәге чүп-чар шәһәр тибындагы Апас бистәсеннән 700 метр ераклыкта туфракка ташланган.

Республикада булган санитар-эпидемиологик хәлгә карамастан, табигать саклау хезмәтләре, профильле министрлыклар һәм ведомстволар, республиканың барлык муниципаль берәмлекләре башкарма комитетлары гражданнарның экологик куркынычсызлыгын тәэмин итүне дәвам иттерә.

Татарстан Республикасы Экология һәм табигать ресурслары министрлыгы республика халкына, юридик затларга һәм шәхси эшкуарларга каты коммуналь калдыклар тупланганда, шулай ук җитештерү калдыклары белән эш иткәндә законнарның экологик һәм санитар-эпидемиологик таләпләрен үтәү турында сорап мөрәҗәгать итә.

Чаллы предприятиесе атмосфера һавасына, чистартмыйча гына, пычрак матдәләр чыгарып яткан. Татарстан Республикасы Экология һәм табигать ресурслары министрлыгының Кама буе территориаль идарәсе хезмәткәрләре әлеге закон бозу очрагын гражданнар мөрәҗәгатьләре буенча шул  урынга барып ачыклаган.

Татарстан Республикасы Экология һәм табигать ресурслары министрлыгының Идел аръягы территориаль идарәсе инспекторлары рейд барышында Буа шәһәре тирәсендәрәк кенә табигатьне саклау законын бозу очрагын ачыклаган.