ЯҢАЛЫКЛАР
Казанда Казан компрессор машиналары төзү заводы хезмәткәрләренең нефть (нефть продуктлары) агызуны локальләштерү һәм бетерү эшләренә әзерлеген раслау буенча комплекслы өйрәнүләр узды.
Әлмәттә хокук бозучыны әйләнә-тирә мохиткә китерелгән зыянны 75 946 сум күләмендә капларга мәҗбүр иттеләр. Әлмәт шәһәр суды шундый карар чыгарды.
4 апрельдә 21:20 сәгатьтән 7:40 сәгатькә кадәр Осиново бистәсендә урнашкан Атмосфера һавасының пычрануын контрольдә тоту автомат станциясе атмосфера һавасында күкертле водород буенча рөхсәт ителгән иң чик концентрациянең артуын теркәгән. Максималь арту тапкырлыгы 2,67 рөхсәт ителгән иң чик концентрация тәшкил итә.
Исегезгә төшерәбез, министрлыкка Изумрудное күлендәге бозның табигый булмаган төскә (ачык алсу) ия булуы турында шикаять килде. Үзәк территориаль идарә инспекторлары һәм Экология министрлыгы лабораториясе белгечләре Казанның Киров районына чыктылар.
Азнакай шәһәр прокуратурасы, ТР Экология һәм табигать ресурслары министрлыгының Ык буе территориаль идарәсе инспекторларын җәлеп итеп, шәхси эшмәкәр Р.Р. Шәрифуллинны планнан тыш тикшерде.
Казанның 33 нче хәрби шәһәрчеге янындагы Урта Кабан күленә пычрак агынтылар ташлау турындагы мәгълүмат буенча Үзәк территориаль идарә инспекторлары һәм ТР Экология министрлыгы лабораториясе белгечләре урынга чыктылар.
Түбән Кама районы мониторингы барышында ТР Экология министрлыгының Кама аръягы территориаль идарәсе инспекторлары Ильинка авылыннан көнбатыштарак җир асты байлыкларыннан үз белдеге белән файдалану фактын теркәделәр. Урында махсус техника – бульдозерлар һәм йөк төягечләре эшләгән. Алынган комның гомуми мәйданы 3300 кв. м тәшкил итә, күләме 14850 куб. м.
Чистай районы мониторингы барышында ТР Экология һәм табигать ресурслары министрлыгының Идел-Кама территориаль идарәсе инспекторлары урамнарны кышкы җыештырудан калган карны Чистай шәһәренең Ржавец елгасының су саклау зонасында рөхсәтсез урнаштыруны ачыклаганнар.
ТР Экология һәм табигать ресурслары министрлыгына Чаллы халкының «М-Лидер» ҖЧҖ җитештерүеннән кара төтен чыгуга мөрәҗәгать килде.
Арча районында Югары Пошалым авылында пычранган эрегән суларның Пошалым елгасына диффуз агымы табылган. Төньяк территориаль идарә инспекторы Экология министрлыгының экологик күзәтчелекне тәэмин итү бүлеге белгечләре белән берлектә Пошалым елгасының (диффуз агымнан югарырак һәм түбәнрәк) табигый су үрнәкләрен сайлап алды. Анализ нәтиҗәләре табигый суда диффуз агымнан түбәнрәк түбәндәге пычраткыч матдәләр буенча артыклык күрсәткән: нитритлар буенча 8,5 тапкыр, тимер буенча 5,3 тапкыр, аммоний ионы буенча 2,5 тапкыр, фосфатлар буенча 1,6 тапкыр.