ЯҢАЛЫКЛАР
Казан-Ульяновск трассасында ТР буенча ЭЭМ ЮХИДИ идарәсенең патруль хезмәте экипажы Hyundai Solaris автомобилен туктатты. Авто хуҗасының законсыз гамәлләре турында мәгълүмат Татарстан Республикасы биоресурслар буенча дәүләт комитетының Югары Ослан районындагы районара бүлеге хезмәткәрләреннән керде. Автомобильне тикшерү барышында багажникта ит тутырылган капчыклар табылды.
Татарстанның өч кешесенә браконьерлык өчен җинаять җаваплылыгы яный. Җаваплылыктан качарга өметләнеп, гражданнар төнлә аулаган. Алар 2 куян тоткан.
17 октябрьдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Югары Ослан районына эш сәфәре белән килде. Сәфәрнең төп максаты райондагы вәзгыять белән, аның агросәнәгать куәте һәм аның үсеш мөмкинлекләре белән танышу иде.