Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре тарафыннан Чаллы шәһәрендә хезмәт ветераннары өчен пансионатта чара уздырылды.

Бөтендөнья сыйфат көне - ел саен дөньяның күп кенә илләрендә ноябрьнең икенче пәнҗешәмбесендә билгеләп үтелә торган чара. 2023 елда сыйфат көне 9 ноябрьдә билгеләп үтелә. 2023 сыйфат атналыгы 6-12 ноябрьгә туры килә.

Бөтендөнья сыйфат көне һәм сыйфат атналыгы «Россия - сыйфат билгесе булган ил» девизы астында узачак.

Ел саен ноябрьнең икенче атнасы дөньяда Бөтендөнья сыйфат атнасы буларак билгеләп үтелә, ә ноябрьнең икенче пәнҗешәмбесе Бөтендөнья сыйфат көне буларак билгеләп үтелә.

2023 елда Бөтендөнья сыйфат атналыгы 7-10 ноябрьдә «Россия — сыйфат билгесе булган ил» девизы астында узачак, ә сыйфат көне — 2023 елның 9 ноябрендә узачак.

09.11.2022 көнне Бөтендөнья Сыйфат атналыгы кысаларында Татарстан Республикасы Дәүләт алкоголь инспекциясенең Яшел Үзән территориаль органы хезмәткәре Марат Җәләлов Чүпрәле муниципаль районының Иске Чүпрәле авылындагы «Исток» СППК май заводында товарларның, эшләрнең һәм хезмәтләрнең сыйфаты буенча укыту семинары үткәрде.

Сыйфат көне - илебезнең җитештерүчеләренә һәм хезмәт күрсәтү өлкәсе вәкилләренә сыйфат өчен рәхмәт белдереп кенә калмыйча, тормыш сыйфатының төп өлешләренә: әйләнә-тирә мохит һәм экология сыйфатына, социаль өлкә һәм мөнәсәбәтләр сыйфатына, сәламәт яшәү рәвешенә, гаилә кыйммәтләренә һәм гореф-гадәтләренә дә игътибар бирергә мөмкинлек бирә торган бәйрәм.

«Эдем» ҖЧҖ җитештергән икмәк, бәлеш һәм печенье сыйфаты турында бәхәсләшергә туры килми. Әлеге предприятие күптәннән үзен кулланучылар алдында танытты, ышаныч яулады, үз продукциясенә даими ихтыяҗ тудырды.

Быел «Кулланучылар кыйммәтен булдыру» девизы астында уза торган Европа сыйфат атналыгына багышланган чаралар кысаларында Татарстан Республикасы Дәүләт алкоголь инспекциясенең Чаллы территориаль органы хезмәткәре, район башкарма комитеты вәкилләре белән берлектә, Красный бор, Кичкетаң, Кучук авыл җирлекләре сәүдә объектларында сатучылар һәм кулланучылар өчен укулар үткәрде. Район кибетләрендә азык-төлек һәм азык-төлек булмаган товарларның киң ассортименты тәкъдим ителә. Товарларның сыйфатына, яраклылык вакытына, товарларны саклау шартларына аерым игътибар бирелергә тиеш.

Бөтендөнья сыйфат көнендә "Казан ярминкәсе"ндә Татарстан Республикасының иң яхшы метрологларын һәм стандартизаторларын игълан иттеләр. Бүләкләү тантанасында министр урынбасары Герман Лернер катнашты.

2015 елда "Татарстан Республикасының иң яхшы товарлары һәм хезмәт күрсәтүләре" конкурсында "Сыйфатлы продукция һәм хезмәт күрсәтүләр үсешенә зур өлеш керткән өчен" номинациясе барлыкка килде. Ул "Иң яхшы метролог", "Иң яхшы стандартизатор", "Иң яхшы сынау лабораториясе" һәм "Югары уку йортларын тәмамлаучыларның иң яхшы диплом эше" номинацияләреннән тора.

Республиканың иң яхшы метрологлары арасында — "КАМАЗ", "ТАНЕКО", "Татарстан Республикасы РТПЦ" хезмәткәрләре һәм башкалар. "ТРның иң яхшы стандартизаторы" номинациясендә – җиде кеше, шул исәптән КМПО, КВЗ һәм "Нижнекамскнефтехим"нан да, җиңүчеләр бар.

Конкурс нәтиҗәләре буенча, иң яхшы сынау лабораторияләре – "Белый Кремль" сыра кайнату заводы, "Татнефть", "Татинвестгражданпроект" лабораторияләре һәм башкалар. КНИТУ, КФУ һәм НИТУ-КАИ тәмамлаучылар "Иң яхшы диплом эшләре" номинациясендә дипломнар алды.

"Татарстан Республикасында Стандартлаштыру, метрология һәм сынаулар дәүләт төбәк үзәге" ФБУ директоры Фәрит Туктаров коллегаларын лаеклы бүләкләре белән котлады.

"Татарстан Республикасында Стандартлаштыру, метрология һәм сынаулар дәүләт төбәк үзәге" ФБУ материаллары буенча

Татарстан Республикасы Дәүләт алкоголь инспекциясенең Чистай территориаль органы хезмәткәрләре, Роспотребнадзорның Татарстан Республикасы буенча идарәсенең Чистай территориаль органы белгечләре белән берлектә, атна дәвамында кулланучылар һәм хуҗалык итүче субъектлар өчен бик күп чаралар үткәрде. Үткәрелгән чаралар барышында халык арасында төрле буклетлар һәм белешмәлекләр таратылды.

Халыкара сыйфат көнен сыйфат мәсьәләләре өстенлекле булган күп кенә илләрдә билгеләп үтәләр. Дөнья җәмәгатьчелеге беренче тапкыр бу көнне 1989 елда билгеләп үткән, ә алты елдан соң (1995) Европа сыйфат оешмасы бу атнаны ноябрьнең икенче пәнҗешәмбесенә, Европа сыйфат атналыгы дип игълан итә.

Дөньяның күп кенә илләрендә икътисадта иң беренче проблемаларның берсе – сыйфат. Ул һәр предприятие үсешендә уңыш ачкычы булып тора. Бу төшенчә әйләнә-тирә мохитне, кешенең физик һәм эмоциональ хәлен үз эченә ала торган тормыш сыйфаты белән бәйле. Әлеге проблемага игътибар җәлеп итү максатыннан Халыкара бәйрәм оештырылган да инде.

Бөтендөнья сыйфат көненең төп бурычы – дөнья базарында тәкъдим ителгән югары сыйфатлы хезмәтләрнең һәм җитештерелә торган продуктларның әһәмиятен арттыру. Товарлар җавап бирергә тиешле беренче критерий – кешеләр һәм әйләнә-тирә мохит өчен куркынычсызлык, икенчесе – алар кулланучыларның күрсәтелгән нормаларына, ихтыяҗларына һәм өметләренә туры килергә тиеш.

Азык-төлек, товарлар, белем бирү, хезмәт күрсәтү сыйфаты – болар барысы да тормыш сыйфаты, кешенең психологик уңайлылыгы.