ЯҢАЛЫКЛАР
Бер генә гаиләдә дә Яңа ел шампан шәрабеннән башка узмый дияргә була. Россиядә бу традицияне бер гасырлык дип атарга да була инде. Аның белән иске елны озаталар һәм Яңа, бәхетле елны каршы алалар.
Иң элек эчемлекнең культурасын өйрәник. Шампан шәрабы Франциядә Шампань провинциясендә җитештерелә торган шәраб кына булырга мөмкин. Шампань - Франциянең төньягы. Мондый климатта бик затлы виноград үсә. Шампан таулары - элеккеге диңгез төбе. Мондагы туфрак бирә татлы ис һәм тәмь. Элек биредә төзелеш өчен таш табылган булса, ә хәзер бушлыкларда подваллар урнашкан, анда шампан шәрабы ясала да инде. Анда даими температура 11-14 градус, дымлылык, бик тыныч һәм караңгы, чит ис юк. Шампан шәрабы бары тик шардон, пино менье, пино нуардан гына ясала.
2021 елның 23 декабрендә Татарстан Республикасы Дәүләт алкоголь инспекциясенең дегустация залында алкогольле продукция буенча республика ведомствоара дегустация комиссиясенең чираттагы утырышы була.
Дегустациядә Россиядә җитештергән күбекле ак ярымбаллы шәрабларның 10 үрнәген татып карау тәкъдим ителә.
Роскачество үзебездә чыгарыла торган чемердәп торучы шәрабны тикшергән һәм иң яхшы эчемлекләр исемлеген төзегән. Россиядә җитештерелә торган, чемердәп торган эчемлекләрнең сыйфаты начар, дигән уйдырма расланмаган.
Тикшеренү "Россия шәраб гиды" кысаларында уздырылган, ул Россиянең Сәнәгать һәм Авыл хуҗалыгы министрлыклары белән берлектә Роскачество тарафыннан оештырылган. 2019 елда дегустация нигезендә бәяләү өчен Россия виноградыннан чемердәп торган 129 шәраб үрнәге сатып алынган.
Шулай итеп, Роскачестводан чемердәп торган шәрабләр категориясендә "Россиянең шәраб гиды" исемлегенә эләккән эчемлекләр:
- I урын – Краснодар крае территориясендә үстерелгән, виноградның Пино Нуар дигән сортыннан җитештерелгән "Мысхако" ярымтатлы шәрабе (100 дән 83,7 балл);
- II урын – Шардоне, Рислинг, Совиньон Блан сортлы виноградтан җитештерелгән ак "Дербентской винодельской компания" Россия шәмпан брюты;
- III урын – Ак мускат, Гәрәбә мускат сортлы виноградлардан ясалган, "Золотая балка"дан ярымтатлы, ак Кырым шәрабе.
Артык кыйммәтле булмаган һәм дегустация барышында яхшы бәя алып, рейтингка эләккән эчемлекләр: "Леонсия" шәмпан шәрабе, "Кубань-Вино" ҖЧҖдән ак брют һәм ярымтатлы ак шәраб. Әлеге үрнәкләр бер берәмлек товар өчен 164 сумнан сатып алынган.
Тикшеренүләрнең нәтиҗәләрен һәм нечкәлекләрен Роскачество порталында карагыз.
Роскачество искәрткәнчә, яңа ел табынына чемердәп торган шәраб сайлаган вакытта үзеңә кирәкле шәрабне сайлап алу өчен тышлыкны яхшылап укырга кирәк.
Тышлыкның алгы өлешендә "чемердәп торган шәраб" ("игристое вино") яки "Россия шәмпан шәрабе" дигән сүзләр булмаса, шешәне әйләнедереп, контрэтикеткадагы вак хәрефле текстны укыгыз. Сез алган эчемлек "газландырылган шәраб эчемлеге" булырга мөмкин, андый очракта шешәдәге сыеклыкның иң яхшысы дигәндә яртысы шәрабтан, ә калганы су һәм хушландыргычлардан торачак.
Әгәр "игристое вино" яки "жемчужное вино" сүзләренә "защищенного географического указания (ЗГУ)" яки "защищенного наименования места происхождения (ЗНМП)" дигән сүзләр язылган булса, димәк әлеге шәраб Россия Федерациясе чикләрендә билгеле бер төбәктә виноградтан әзерләнгән дигән сүз.
Якынлашып килүче Яңа ел белән!
"Россия сыйфат системасы" АКО материаллары буенча