ЯҢАЛЫКЛАР

Балалар бакчасына йөрүче  сабыйларга хәтле: зурраклары, кечерәкләре  – барысы да экология турында күпне белә хәзер. Әнә Кәләй тимер юл станциясе бистәсенең “Солнышко” балалар бакчасында Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе белгечләре белән берлектә кече, урта һәм өлкән төркемнәрдә ачык дәресләр уздырылган.

Татарстан Республикасы Экология һәм табигать ресурслары министрлыгының Кама буе территориаль идарәсе хезмәткәрләре Мамадыш районы Зур Шыя урта мәктәбе укучылары өчен бәйрәмчә экологик чара уздырган.

Бүген Балтач районы Нөнәгәр урта гомуми белем бирү мәктәбендә “Туган җиребез” дигән Төбәкара экологик форумының “очный” этабы узган. Татарстан Республикасы, Киров өлкәсенең Малмыж районы, Мари Иленең Мари-Турек районы мәгариф учреждениеләренең 2-11 сыйныф укучыларыннан 150 ләп хезмәт алынган.  Иң күп балл туплаган балалар йомгаклау этабына узган.

Әлмәт шәһәре 34нче “Чебурашка” катнаш төрдәге балалар бакчасында тәрбияләнүче нәниләр кече туганнарыбызны кайгыртырга өйрәнеп үсә.  Сабыйлар табигатьне саклау акциясе кысаларында безнең якларда кышлаучы кошкайларга ярдәм итәргә карар кылган.

Татарстан Республикасы Экология һәм табигать ресурслары министрлыгының Ык буе территориаль идарәсе белгечләре Азнакай шәһәрендә гимназия укучылары өчен Яңа ел алдыннан экологик бәйрәм үткәргән.

Яшь буынны кышлаучы кошлар проблемаларына җәлеп итү, кошларны саклау максатыннан, Биоресурслар буенча дәүләт комитеты  «Кышын кошларны ашатыгыз» дип исемләнгән акция үткәрә. Бу балаларның һәм яшүсмерләрнең экологик активлыгын арттыруга ярдәм итә. 

Әгерҗе районының Сарсак-Омга лицее нигезендә "Кичкетаң" дәүләт табигый тыюлыгы һәм «Талантлар салават күпере» балалар иҗат йорты берлектә оештырган," Укучыларның экология-биология юнәлешендә һөнәри күнекмәләрен формалаштыруда инновацияләр"дигән муниципаль семинар булып узды. Семинарда биология һәм экология укытучылары, "Росток" экологик хәрәкәте активистлары, “Яшел Армия” мәктәп урманчылыгы һәм ЭкОС (Экология, саклау, коткару) түгәрәге әгъзалары, лицей укучылары катнашты.

Конференциядә Россиянең төрле төбәкләреннән  һәм Татарстан Республикасы муниципаль районнарыннан җыелган 117 педагогик хезмәткәр экология өлкәсендә файдалы эш тәҗрибәсе белән уртаклашты. Чара Буа шәһәренең М.М.Вахитов исемендәге гимназиясендә узды.

«Туган якның кышлаучы кошлары» табигать саклау акциясе кысаларында, Арчаның 2нче балалар бакчасында канатлыларның тормышына багышланган викторина узды. Балалар табышмаклар чиштеләр, тематик шигырьләр сөйләделәр. Чараны «Ашыт» тыюлыгы белгечләре үткәрде. Алар кышлаучы кошлар, аларның үз үзен тотулары, дөрес рацион турында кызыклы фактлар сөйләделәр һәм җимлекләр ясарга өйрәттеләр.

Татарстанның Биоресурслар буенча дәүләт комитеты хезмәткәрләре Түбән Кама балалар экология-биология үзәгендә чираттагы экологик белем бирү чарасы үткәрделәр.  Төп максат -балаларны кышлаучы кошларны саклау һәм яклау буенча иҗади һәм гамәли эшчәнлеккә җәлеп итү, кошларга карата кайгыртучан мөнәсәбәт тәрбияләү.