ЯҢАЛЫКЛАР
Танылган шәхесләр турында түгел, ә гап-гади хезмәт кешеләре, үзләренең көндәлек хезмәтләре, эшкә бирелгәнлеге белән, бай тәҗрибә һәм югары һөнәри осталыгы белән абруй һәм ихтирам казанган авыл хезмәтчәннәре турында языла торган безнең “Хезмәт кешеләре” рубрикасындагы бүгенге героебыз – Татарстанның Буа районы Әлшәй авылыннан яшь сыр пешерүче Александр Вячеславович Афанасьев. Александр Кама Тамагы районында уникаль сыр заводында баш технолог булып эшли. Анда аның технологиясе буенча затлы ак күгәрек белән бик тәмле «Камамбер» һәм «Бри» сырлары әзерләнә.
Бүүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Чехия Республикасы делегациясе белән очрашты, аның составында Россия Федерациясендә Чехия Республикасының гадәттән тыш һәм вәкаләтле илчесе Витезслав Пивонька әфәнде, Россия Федерациясендә Чехия Республикасы Илчелегенең аграр дипломаты Никола Грушкова ханым, Россия Федерациясендә Чехия Республикасы Илчелегенең беренче секретаре Ян Йиндрих әфәнде һәм Чехия Республикасында Татарстан Республикасы вәкиле Зөфәр Абдулгалиев катнашты.
Июль аенда Татарстан Республикасы Авыл хуҗалыгы һәм азык - төлек министрлыгы тарафыннан «иң яхшы комбайнчы-2019» республика конкурсы игълан ителде, ул ел саен комбайнчы һөнәренең абруен күтәрү һәм популярлаштыру, уңышны оператив һәм сыйфатлы җыеп алу, шулай ук Татарстан Республикасы агросәнәгать комплексында урып-җыю техникасы паркын нәтиҗәле файдалану максатларында үткәрелә.
Татарстанда күрелгән чаралар аркасында быел карабодайга бәяләр үсешен туктатып калуга ирешелде. Бу хакта кичә Татарстан Республикасы Дәүләт Советының Экология, табигатьтән файдалану, агросәнәгать һәм азык-төлек комитеты утырышында Татарстан Республикасы авыл хуҗалыгы һәм азык-төлек министры урынбасары Ришат Хәбипов хәбәр итте.
Татарстан Республикасының коммерциягә карамаган оешмалары һәм бизнес вәкилләре өчен «Социаль ярминкә» I Республика хәйрия фестиваленә теркәлү башланды. Фестиваль 2019 елның 7 декабрендә 10.00 сәгатьтән 15.00 сәгатькә кадәр “Казан” Халыкара ат-спорт комплексында узачак, адресы: Казан шәһәре, Патрис Лумумба ур., 47А/1 йорт.
Бүген Татарстан Республикасы авыл хуҗалыгы һәм азык-төлек министры урынбасары Тәлгать Таһирҗанов Ташкентта авыл хуҗалыгы техникасы заводында булды.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, авыл хуҗалыгын үстерүнең дәүләт программасын гамәлгә ашыру кысаларында 2020 елдан гаилә терлекчелек фермаларына ярдәм бирүнең кайбер кагыйдәләре үзгәрәчәк.
Татарстан Республикасы Авыл хуҗалыгы һәм азык-төлек министрлыгы тарафыннан республикада авыл хуҗалыгы кооперациясен үстерүгә зур игътибар бирелә. Фермерлар өчен кооперативка керүнең кайбер өстенлекләре бар. Беренче чиратта-продукцияне җитештерү, саклау һәм эшкәртү буенча көчләрне берләштерү хисабына җитештерүнең рентабельлеген арттыру. Икенчедән, кредит ресурсларына керү мөмкинлеге, һәм, өченчедән, эре төбәк һәм Федераль сәүдә челтәрләренә чыгу мөмкинлеге. Әмма кооперативның уңышлы эше өчен нәтиҗәле идарә итү кирәк. "Кооператив идарәче" модульле экспресс-курсы кысаларында барлык теләүчеләрне нәкъ менә шуңа өйрәтәләр.
22-23 ноябрьдә, Казанда ,АПКның яшь хезмәткәрләре арасында «Һөнәре буенча иң яхшы» һөнәри осталык республика конкурсы узды. Конкурс «Авыл яшьләре» программасын гамәлгә ашыру кысаларында, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы һәм Татарстан Республикасы Аграр яшьләр берләшмәсе ярдәме белән узды.
Бүген, гадәттәгечә, Казанда иртәнге сәгать алтыдан авыл хуҗалыгы ярминкәләре эшли башлады. Иртәнге салкын һава да шәһәр халкы өчен ярминкәгә бармый калу өчен киртә булалмады. Шимбә көнне ярминкәгә чыгу берничә буынны берләштерә торган күркәм гаилә традициясенә әверелеп бара. Яшьләр үзләренең әти-әниләре, әби-бабалары белән ярминкәгә киләләр, сатып алган продуктларны алып кайтырга булышалар, мондагы бәяләрне күреп, үзләренә дә кирәкле әйберләрне алып китәләр.