ЯҢАЛЫКЛАР

Бүген  үзенең  көндәлек  хезмәте  белән  абруй  һәм ихтирам яулаган  гади кешеләр  турындагы безнең  “Хезмәт кешеләре”   рубрикасының  төп  герое  -  Турунтаева Мария Сергеевна. Ул  1926 елның   10 октябрендә Кайбыч районының  Багай  авылында  туган.   14 яшьтә, җирле мәктәпнең бишенче  сыйныфын  тәмамлап,  колхозда  эшли башлый.  Сугышның  беренче  көннәрендә үк, авыл  ирләре   белән бергә,   аның  әтисе  дә фронтка   китә.    Озак  көттермичә, аның  һәлак  булуы  турында  хәбәр дә  килеп  төшә.  Гаиләдә  алты  бала  ятим кала.  Мария  үзе  өчен дә,  башкалар  өчен  дә,  шулай  ук  җиңү көнен  якынайту  теләге  белән  дә  тырышып  эшләү максатын  куя.    1942  елның  языннан  ул  фермада  эшли  башлый, аннары  аны  урман кисәргә  алалар.  Фидакарь  хезмәте  өчен    медаль белән бүләкләнә. 

Авылда  урта  һәм кече  бизнесны  үстерүгә  зур  игътибар бирелә.  Бүген  һәр районда  үз эшен  ачкан  һәм аны  уңышлы  үстерүче  кешеләр  бар.   Баулы  районыннан  Садыйковлар  гаиләсе  -  шундыйларның  берсе.

Бүген  авылда  кече һәм урта  эшкуарлыкка нык  игътибар  бирелә.  Бүгенге  көндә  һәр районда  үз эшен  ачкан  һәм аны  үстерүче  кешеләр  бар. Хановлар гаиләсе  -  шундыйларның  берсе.  

Бүген безнең рубриканың герое - Линькова(Васина) Клавдия Александровна - сугыш чорындагы ачлык елларында, һава шартларына карамастан, аның тырышлыгы белән көзге бодайдан рекордлы уңыш җыелган.

Бүген безнең рубриканың герое - Кәлимуллин Рифкать Кәлимулла улы. Ул 1927 елның 5 апрелендә Татарстанның Кайбыч районы Борындык авылында туган. Кечкенәдән үк ул авылдашларын гаҗәпкә калдырып, йә сәгать төзәтә, йә аэрочана өчен мотор җыя торган булган. Чөнки аның әтисе бик оста куллы кеше булган, ә Рифкать гел аның янында бөтерелә торган булган.

Татарстан Республикасы Авыл хуҗалыгы һәм азык-төлек министрлыгы яңа эш башлаучы фермерларга шактый зур ярдәм күрсәтә, нәтиҗәдә, үз эшләрен ачарга теләүче авыл кешеләре саны арта бара.

Бүген машина белән сыер саву операторы дип үзгәртелгән сыер савучы һөнәре күпләр өчен гап-гади кебек тоелса да, элегрәк алар турында кинофильмнар төшергәннәр, алсу битле, косынка бәйләгән кызлар турында җырлар җырлаганнар, шигырьләр чыгарганнар. Әмма шуның белән романтика тәмамлана. Аларның эш көне иртә таңнан башлана һәм ул бик четерекле һәм авыр. Нәкъ менә шундый гап-гади, кыенлыклардан курыкмый һәм озак еллар илебез иминлеге өчен фидакарь хезмәт иткән кешеләр турында язабыз без “Хезмәт кешеләре” дигән рубрикада.

Безнең рубриканың бүгенге герое – ярты гасыр диярлек Арча районында «Искра» колхозы рәисе булып эшләгән Галиев Фәйзи Әхмәт улы.