ЯҢАЛЫКЛАР
Югары технологияләр белән кызыксынучы мәктәп укучылары һәм үз квалификацияләрен күтәрергә теләгән педагоглар робототехника, мәгълүмати куркынычсызлык һәм белем бирү учреждениеләрен цифрлаштыру буенча бушлай онлайн-курслар уза алалар.
Тыңлаучылар стипендия алачак һәм эш яки укудан аерылмыйча гына курслар уза алачак. Чыгарылыш сыйныф укучыларын «Ак Барс Цифрлы технологияләр» компаниясенә эшкә урнаштырачаклар. Гаризаны 25 июльгә кадәр careerdev.ru-га тапшырырга мөмкин.
Иннополис университетының робототехника - 2020 буенча ачык олимпиадасының йомгаклау ярышларында Россиянең 23 регионыннан һәм Беларусь Республикасыннан 120 укучы катнаша. Иң яхшы исем өчен 12 яшьтән 18 яшькә кадәрге укучылар көрәшә.
Иннополис Университетында мәктәп укучыларын каникул вакытында югары уку йортына кадәрге әзерлек үзәгенең махсус проекты кысаларында онлайн-стажировка үтәргә чакыралар.
Олимпиада бер үк вакытта Россия, Беларусь, Украина һәм Гонконгта узды, барлыгы 10 илдән 13-18 яшьлек 245 укучы катнашты. 5 сәгать дәвамында яшь программистлар 5әр мәсьәләне хәл иттеләр.
Бүген Иннополис Университетына 7 ел тула. ИТ-вуз Иннополис шәһәрендә 2012 елның 10 декабрендә теркәлгән иде.
Иннополис Университетында ясалма интеллект буенча хакатон узды, анда Мәскәү, Санкт-Петербург, Екатеринбург, Ижевск, Архангельск, Марий Эл, Уфа, Казан һәм Иннополис шәһәрләреннән 110 проектчы катнашты. 48 сәгать дәвамында алар ике трекның берсе — «Антропоморф робототехника» һәм «Автоном транспорт» буенча прототиплар ясадылар.
Россия ИТ-Югары уку йортының алга таба үсеш планнары турында Россия Федерациясе Хөкүмәте Рәисе урынбасары Максим Акимов, Россия Федерациясе Цифрлы үсеш, элемтә һәм массакүләм коммуникацияләр министры Константин Носков, Татарстан Республикасы Президенты Рөстәм Миңнеханов һәм Иннополис Университетының Күзәтчелек советының башка әгъзалары фикер алыштылар.
Татарстанның CDO программасын беренче тәмамлаучылар Иннополис Университетында үз сертификатларын алдылар
«Россия Федерациясенең цифрлы икътисады» илкүләм программасының «Цифрлы икътисад өчен кадрлар» федераль проекты кысаларында “Иннополис университеты” югары белем бирү автоном фәнни учреждениесендә 2019 елның октябрендә, Татарстан Республикасы дәүләт идарәсен үстерү, мәгълүмати технологияләр һәм элемтә министрлыгы белән берлектә, “CDO – күрсәткечләргә нигезләнгән идарә” мәгариф программасы буенча дәүләт һәм муниципаль хезмәткәрләр, ведомство оешмалары хезмәткәрләре өчен укулар оештырылды.