ЯҢАЛЫКЛАР
Бүген Татарстан Республикасы Министрлар Кабинетында Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Татарстанда урып-җыю кампаниясенең төгәлләнүе һәм авыл хуҗалыгы ярминкәләрен оештыру турында сөйләде, шулай ук журналистлар сорауларына җаваплар бирде.
28 октябрьдә Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашында Татарстанның фермерлар, крестьян хуҗалыклары һәм авыл хуҗалыгы кулланучылар кооперативлары ассоциациясе Советы һәм Президиумының киңәйтелгән утырышы булды.
29 октябрьдә Татарстан Республикасы Министрлар Кабинетында 10.00 сәгатьтә брифинг узачак. Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров республикада урып-җыю кампаниясенең төгәлләнүе һәм көзге чәчү эшләре турында сөйлиячәк, шулай ук журналистлар сорауларына җаваплар бирәчәк. Массакүләм мәгълүмат чаралары вәкилләрен брифингта катнашырга чакырабыз. Турыдан-туры трансляция Татарстан Республикасы Авыл хуҗалыгы һәм азык-төлек министрлыгы рәсми сайтының баш битендә алып барылачак.
25-26 октябрьдә Казанда “АК Барс” Күптөрле көрәш” сараенда Татарстан Республикасы Авыл хуҗалыгы һәм азык-төлек министрлыгы призына татар-башкорт милли спорт көрәше буенча ХХIV Татарстан Республикасы чемпионаты ярышлары узды, ярышлар “Авыл хуҗалыгы һәм эшкәртү сәнәгате хезмәткәре көне”нә багышланган иде.
Татарстан Республикасында 2020 ел уңышы өчен 498,1 мең га мәйдан чәчелгән, шуннан 371,3 мең га (74,5%) – көзге бодай, 121,6 мең га (24,4%) – көзге арыш. Бүген Татарстан Республикасы Хөкүмәте Йортында узган республика киңәшмәсендә Татарстан Республикасы авыл хуҗалыгы һәм азык-төлек министры Марат Җәббаров шундый белешмәләр бирде.
Бүген “АК Барс” Күптөрле көрәш” сараенда Татарстан Республикасы Авыл хуҗалыгы һәм азык-төлек министрлыгы призына татар-башкорт милли спорт көрәше буенча ХХIV Татарстан Республикасы чемпионатын ачу тантанасы узды. Ярышлар “Авыл хуҗалыгы һәм эшкәртү сәнәгате хезмәткәре көне”нә багышлана. Аны ачу тантарнасында алтынчы чакырылыш Татарстан Республикасы Дәүләт Советы депутаты , Татарстан Республикасы Дәүләт Советы Рәисе урынбасары Марат Әхмәтов, Татарстан Республикасы авыл хуҗалыгы һәм азык-төлек министрының беренче урынбасары Наил Залаков һәм Татарстан Республикасы спорт министрының беренче урынбасары Хәлил Шәйхетдинов катнашты.
Татарстан Республикасы Авыл хуҗалыгы һәм азык-төлек министрлыгы шимбә көнне, 26 октябрьдә, республика халкын кулай бәяләрдән авыл хуҗалыгы продукциясе сатып алу өчен Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексында) уза торган ярминкәләргә чакыра. Ярминкәләрдә шәһәр халкы Татарстанның муниципаль районнарыннан китерелгән ит, казылык продукциясе, үлчәп сатыла торган сөт, май, йомырка, бал, шикәр комы, ярмалар һәм башка фермер продукциясе сатып ала алалар.
Татарстан Республикасы Авыл хуҗалыгы һәм азык-төлек министрлыгы 2019 елның 3 кварталында АПК идарәсе органнарының мәгълүмати активлыгы рейтингында Россия буенча беренче урынны алды һәм массакүләм мәгълүмат чараларында төп вакыйгаларны һәм тармак үсеше өстенлекләрен яктырту өлешендә Россия буенча иң яхшы дип танылды. Күрсәткечләр «Медиалогия» компаниясенең бәйсез белешмәләре нигезендә Россия Федерациясе Авыл хуҗалыгы министрлыгы тарафыннан саналды.
24 октябрьдә Татарстан Республикасы Авыл хуҗалыгы һәм азык-төлек министрлыгында Россия авыл хуҗалыгы күзәтчелеге Татарстан Республикасы идарәсенең һәм Татарстан Республикасы Министрлар Кабинеты Баш ветеринария идарәсенең агымдагы елның III кварталында хокук куллану практикасы нәтиҗәләре буенча уртак гавами тыңлаулар узды. Чарада Татарстан Республикасы авыл хуҗалыгы һәм азык-төлек министрының беренче урынбасары Наил Залаков катнашты.
Татарстан Республикасы Авыл хуҗалыгы һәм азык-төлек министрлыгы «2017 - 2020 елларга крестьян (фермер) хуҗалыклары базасында гаилә терлекчелек фермаларын үстерү» программасы буенча крестьян (фермер) хуҗалыкларын сайлап алу өчен өстәмә конкурс уздыру турында игълан итә.