ЯҢАЛЫКЛАР
21 июньдә 10:00 Россия Федерациясе Авыл хуҗалыгы министрлыгында “Фермерларга ярдәм системасын булдыру һәм авыл кооперациясен үстерү” федераль проектын һәм «Авыл территорияләрен комплекслы үстерү» программасын гамәлгә ашыру мәсьәләләре буенча Бөтенроссия онлайн-киңәшмә уза. Чарада Авыл хуҗалыгы һәм азык-төлек министрлыгының Авыл территорияләрен үстерү департаменты директоры Максим Боровой һәм Россия авыл яшьләре берлеге рәисе Юлия Оглоблина катнаша.
Бер көндә әзерләнгән азык кышын терлекләрне бер атна туйдыра. «Азык әзерләүче отрядларның эшен эзлексез тәэмин итәргә кирәк, ә мөмкин булганда - тәүлек буе эшләргә», – дип ассызыклады Татарстан Республикасы авыл хуҗалыгы һәм азык-төлек министрының беренче урынбасары Николай Титов, республикада терлекләр өчен азык әзерләү кампаниясенең мөһимлеген күрсәтеп. Татарстанда авыл хуҗалыгы оешмаларында терлекләрне уңышлы кышлату өчен кимендә 1,8 млн тонна азык әзерләргә кирәк, шуңа күрә кырларда азык әзерләү буенча эш бар куәткә бара.
2020 елның 1 гыйнварыннан Авылда ташламалы ипотека программасы эшли башлый. Россия Федерациясе Хөкүмәте карары проекты авыл ипотекасына беренче кертемне елга 10%тан башлап түләүне күздә тота, бу хакта хокукый проектлар басылып чыга торган сайттагы документта әйтелә.
Хәзерге заманда хатын-кызлар күптән инде ирләр һөнәрен үзләштергән. Авыл хуҗалыгында хатын-кыз-тракторчылар узган гасырның 30нчы елларында ук инде барлыкка килде. Ә менә ирләр хатын-кыз һөнәренә бик сакчыллык белән генә алыналар. Мәсәлән, совет чорында хәтта бер ир-ат та колхоз өчен сирәк күренешләрдән санала. Хәзер вәзгыять үзгәрде: ХХI гасырның авыл ирләре “хатын-кыз” эше белән шөгыльләнергә курыкмыйлар. Мисал өчен, Яңа Чишмә авыл хуҗалыгы оешмаларында машина белән сыер саву операторларының 20дән артыгы ирләр. Һәм шуны әйтергә кирәк, алар уңышлы эшли, кайберләре даими рәвештә савым буенча иң яхшы күрсәткечләр бирәләр.
Бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Дания Корольлегенең Министры – Азык-төлек, авыл хуҗалыгы һәм балыкчылык мәсьәләләре буенча Киңәшчесе Эсбен Шьодт җитәкчелегендәге агросәнәгать делегациясе белән очрашты. Очрашу Игенчеләр сараенда узды. Анда Татарстан Республикасы авыл хуҗалыгы һәм азык-төлек министрының беренче урынбасары Николай Титов, министр урынбасарлары Нәҗип Хаҗипов һәм Тәлгать Таһирҗанов, Татарстан Республикасы Авыл хуҗалыгы һәм азык-төлек министрлыгының “Терлекчелектә нәсел эшенә баш дәүләт авыл хуҗалыгы идарәсе” ДКУ башлыгы Ришат Зарипов, «РАЦИН» АҖ генераль директоры Әсхать Шәрәпов һәм башкалар катнашты.
Бүген «Татар-информ» мәгълүмат агентлыгында Казанда республика Сабантуен оештыру буенча матбугат конференциясе узды. «Бәйрәмнең бер мәйданчыгы Казан ипподромында була, анда 13 ат чабышы һәм бәйгеләр булачак. Аларның 1нчесе понида балалар өчен була. Шулай ук 4 чабыш юртакларда һәм калган чабышлар менге атларда узачак», - дип сөйләде Татарстан Республикасы авыл хуҗалыгы һәм азык-төлек министры урынбасары Нәҗип Хаҗипов.
Актаныш муниципаль районы хезмәтчәннәре тарихында беренче мәртәбә тәүлеклек савым 200 тоннадан артып китте. Актанышлыларны әлеге ирешкән уңышлары белән Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов котлады.
18 июньдә Татарстан Республикасы Авыл хуҗалыгы һәм азык-төлек министрлыгында Татарстан Республикасы авыл хуҗалыгы һәм азык-төлек министры урынбасары Ришат Хәбипов рәислегендә, Татарстан бакчачылары берлеге рәисе Владимир Дейнекин, Татарстан бакчачылары берлеге, республика министрлыклары, ведомстволары вәкилләре катнашында киңәшмә узды, анда 2019 елның 1 яртыеллыгында коммерциягә карамаган бакчачылык һәм яшелчәчелек ширкәтләренең тышкы инженерлык инфраструктурасы объектларын капиталь ремонтлауның барышы турында фикер алыштылар.
Татарстан Республикасы Авыл хуҗалыгы һәм азык-төлек министрлыгы Россия һәм Кыргыз яшьләре лидерлары форумына теркәлү башлану турында хәбәр итә. Форумда катнашу өчен 18 яшьтән 30 яшькә кадәрге авыл яшьләре чакырыла.
Татарстан Республикасы Аграр яшьләр берләшмәсе Росссия яшьләре инициативаларының грант конкурсында җиңүче булды