ЯҢАЛЫКЛАР

17 июньгә районның  авыл  хуҗалыгы оешмаларында  һәм  крестьян  (фермер) хуҗалыкларында    тулаем  тәүлеклек савым  200,1 тонна булды.   “Шундый  күрсәткечләргә  ирешү безнең район  тарихында  беренче  мәртәбә. Бу  узган  елның  шушы  датасына   караганда  27,9 тоннага  яисә   16%ка күбрәк», – дип, хәбәр  итте  районның  Авыл хуҗалыгы  һәм азык-төлек  идарәсе   башлыгы    Айдар Мирхәйдәров.

Татарстан  Республикасы Авыл хуҗалыгы  һәм азык-төлек  министрлыгы,  «2017 – 2020 елларга  Татарстан  Республикасында  яңа  эш башлаучы  фермерларга ярдәм» ведомство  программасы буенча  грантлар  бирү  өчен     крестьян (фермер) хуҗалыклары проектларын     сайлап алу конкурсына  йомгаклар  ясалды,  дип  хәбәр  итә.      Грантларның  гомуми  суммасы    250 млн. сум  тәшкил  итә, шуннан  145 млн. сумы  -    федераль  бюджеттан, ә  105 млн сумы   республика  бюджетыннан бирелде. 

Россия Федерациясе  Авыл  хуҗалыгы  министрлыгының  оператив белешмәләре  буенча 14 майга  тәүлеклек  сөт сату   күләмнәре  буенча  Россия  төбәкләре  арасында  иң  югары  күрсәткечләр  Татарстан  Республикасында – 3,7 мең   тонна. Бу  күрсәткеч  буенча  икенче  урында    Краснодар  крае – 2,7 мең тонна, ә өченче  урында   Воронеж өлкәсе  – 2,2 мең   тонна.

Татарстан  кырларында  уңыш  формалашу  чоры  башлануны  исәпкә  алып,  республика аграрийлары  үз  эшләрендә  үсемлекләрне  яклау  һәм  тукландыру  мәсьәләләрен  хәл  итәргә  тиеш.  Бу  хакта  Татарстан Республикасы  авыл  хуҗалыгы  һәм азык-төлек  министрының  беренче    урынбасары   Николай Титов Татарстан  Республикасы Хөкүмәте Йортында  узган  киңәшмәдә  сезонлы кыр эшләренең  барышы  турында  сөйләгәндә әйтте. 

Татарстан  кырларында  бур  куәткә  терлек  азыгы  әзерләү  бара,  бу  эшкә  Чирмешән   районы да  кереште,   782 га күпьеллык   үләннәр   чаптырылган һәм  500 тонна  печән  әзерләнгән  инде.   13 июньдә Татарстанның Чирмешән районында терлек  азыгы  әзерләү    мәсьәләләре  буенча    семинар-киңәшмә  узды. 

13 июньдә Татарстан  Республикасы Авыл хуҗалыгы  һәм азык-төлек  министрлыгында терлекчелек  тармагының  2019 елдагы  5 айлык  эшенә  йомгаклар  ясадылар. Киңәшмәне Татарстан Республикасы  авыл  хуҗалыгы  һәм азык-төлек  министры  урынбасары  Нәҗип Хаҗипов үткәрде.

Буген  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов рәислегендә Татарстанның барлык  муниципаль районнары  белән  узган  видеоконференция режимындагы  киңәшмәдә   шул  хакта сүз  барды.     Чарада  Татарстан Республикасы  авыл  хуҗалыгы  һәм азык-төлек  министры  урынбасарлары  һәм башка  җаваплы  затлар  катнашты.  

Бу  атнада  Татарстан  Республикасы Авыл хуҗалыгы  һәм азык-төлек  министрлыгында  Бердәм  бухгалтерлык  исәбе һәм хезмәт  хакын  исәпләү   системасын  кертү  мәсьәләсе  буенча Министрлык  карамагындагы   учреждениеләр  һәм    Татарстан  Республикасы Министрлар Кабинетының  Баш ветеринария  идарәсе  белән   видеоконференция режимында   киңәшмә уздырды.   Киңәшмә Татарстан Республикасы  авыл  хуҗалыгы  һәм азык-төлек  министры  урынбасары    Ришат  Хәбипов рәислегендә узды. 

Узган  атнада  Татарстан  Республикасы Авыл хуҗалыгы  һәм азык-төлек  министрлыгында  2019 елда сыер абзарларын, машина-трактор паркларын, ындыр  табакларын,  яшелчәсаклагычларны һәм 140 баштан  390 башка  кадәр   булган  сыер  абзарларын капиталь  ремонтлау,  силос-сенаж  траншеяларын  төзү  чараларын  үтәү  мәсьәләләре  буенча     видеоконференция режимында   киңәшмә узган  иде.  

 Татарстан  Республикасы Авыл хуҗалыгы  һәм азык-төлек  министрлыгы авылда  кече  һәм урта  бизнесны  үстерүгә  зур  игътибар  бирә.  Бүген  һәр районда  авылда  үз эшен  ачкан  һәм  аны  уңышлы  алып  баручы   кешеләр  бар.  Шундыйларның  берсе  –  Татарстанның  Зәй  районы Сармашбаш авылыннан   Халиковлар  гаиләсе, алар,  үзләренең  кече фермаларын  ачып,    голланд  сыры һәм  куертылган  сөт  җитештерәләр.