ЯҢАЛЫКЛАР

    Җаваплылыгы чикләнгән " Игенче " җәмгыятендә 10 нчы, 11 нче  сентябрь көннәрендә, арендага биргән пай җирләре өчен һәм шушы җәмгыятьтә эшләүче эшчеләргә  хезмәт хакына ашлык бирелде.

      Җаваплылыгы чикләнгән "Игенче" җәмгыятендә  силоска кукуруз хәзерләүгә керештеләр. Бу культура барлыгы  600 гектарны били. Югары энергетик кыйммәткә ия булган сусыл азыкны куллану сыерларның продуктлылыгын арттыра. Җәмгыятьтә, силос- терлекләр рационының иң зур күләмен алып тора.

     Укучы балалар җәйге каникулларда   өч ай буе буш диярлек. Кайберләре  өчен җәй -ял итү вакыты булса , икенчеләре  өчен җәй – акча эшләп алу, әти-әнигә ярдәм итү вакытыда.

     Быел ҖЧ “Игенче”җәмгыятенә мәшгүллек үзәге аша 29 укучы вакытлыча эшкә урнашты.Балигь булмаганнар өчен куркыныч һәм травматизм белән бәйле булмаган эшләр каралган – тәзекләндерүдә, яшелләндерүдә катнашу.

    Ашлыкны үстерү Һәм җыеп алу гына түгел, ә тулаем уңышны саклап калу да мөһим.Ашлык эшкәрткәндә һәм саклаганда уңыш югалтуларын киметү  максатыннан “Игенче” ҖЧҖдә ике  яңа ашлык киптерү комплексы төзелеп кулланышка тапшырылды. Ашлык киптерү комплексында заманча җиһазлар кулланыла,  барлык эшләр автоматлаштырылган. Җайланма  чистарту, киптерү операцияләрен башкара. Биредә хезмәткәрләр ике сменада эшли. Җәмгыятьтә , шушында туып-үскән авыл уңганнары намуслы хезмәт итә:- коллектив тотрыклы, тәҗрибәле. Баш энергетик Шаймарданов Ранур ,  операторлар Асадуллин Расих, Закаров Дамир, Ибрагимов Фиргать ,  Мазитов Радик, Рамазанов Марат, Федоров Эдуард  ашлык киптергечләрнең дөрес эшләвен көйли.

      Җаваплылыгы чикләнгән " Игенче" җәмгыятендә, халыктан арендага алынган җир пайлары  өчен һәм шушы хуҗалыкта хезмәт куючыларга салам өләшенде.

      Урак өсте барыбыз өчендә җаваплы чор.Күп хезмәт куеп үстерелгән ашлыкның кадере дә күп.Аның бөртеге дә югалмасын  Һәм сыйфатлы саклансын өчен ҖЧ “Игенче” җәмгыятендә барсыда эшләнә.Быелгы яңа ашлыкны урнаштыруга алдан зур кайгыртучанлык күрелде.Шушы көннәрдә Эзмә бүлегендә зур ашлык склады кулланышка тапшырылды, Шекше бүлегендә ашлык саклау складына капиталь  ремонт бара, шул ук вакытта ферма тирәләренә керү- чыгу юллары  салына.

        Җаваплылыгы чикләнгән “Игенче” җәмгыятендә терлек азыгы әзерләүгә елның елында аерым игътибар бирелә. Бүгенге  көндә күпъеллык үләннәрнең икенче катыннан сенаж салу  дәвам итә.Параллель рәвештә, терлекләргә ашату өчен, рулоннарга төрелеп әзерләнгән печәнне саклау урыннарына  урнаштыру бара.

           27   июль  көнне җаваплылыгы чикләнгән «Игенче» җәмгыятендә терлекчелек специалистлары hәм җаваплылыгы чикләнгән «Молочная Компания “Генетика -Юг» белгечләре  катнашында   алты айлык кинәшмә узды.

  Сенаж  чокырында терлек азыгы сыйфатлы булсын өчен , беренчедән тиешле дымлылыкта урырга,  икенчедән яхшы итеп  таптап, тыгызлап  салырга кирәк.

  Шушы эшкә  унтугыз  берәмлек техника җәлеп ителгән.

  Терлек азыгы әзерләүдә азык уручы “Макдон”  комбайнын йөртүче Сагыйтов Рәсим, “Мещера” комбайнын йөртүче  Шәрипов Илшатлар, турап  төяүчеләр “Ягуар” комбайнында Газиянов Рөстәм, Ганиев Фәнилләр, траншеяда тыгызлап торучы К- 702 тракторында Тимергалиев Ришат, Т-150 тракторында Галиев Илхамнарның өлеше зур.Басудан яшел массаны  сигез Камаз машинасы,  биш МТЗ -1221 тракторы ташып тора.

  Азык әзерләүчеләргә көненә ике тапкыр  кайнар аш әзерлиләр, аны кырга ук илтәләр.

  Җаваплылыгы чикләнгән " Игенче" җәмгыяте  көннән - көн яңаруын, төзекләнүен дәвам итә.

Җәмгыятьтә маллар өчен тораклар төзелә, машина-трактор парклары, амбарлар яңартыла, юллар салына. Саный китсәң- бик күп эшләр эшләнелә, төзекләндерелә.