ЯҢАЛЫКЛАР

Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре тарафыннан «Халык контроле» Татарстан Республикасы дәүләт мәгълүмат системасына кергән ике гариза карап тикшерелде.

Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре Чаллы шәһәренең 44 комплексында урнашкан сәүдә объектында «Халык контроле» дәүләт мәгълүмат системасына кергән мөрәҗәгатьне карау кысаларында, алкогольле продукцияне, аерым алганда, сыра эчемлекләрен товар-озату документларыннан башка, БДАМС системасында теркәмичә генә ваклап сатуда булу фактын билгеләде. Легаль булмаган әйләнештән 38,15 литр сыра эчемлеге тартып алынды.

Яшел Үзән территориаль органы хезмәткәрләре «Халык контроле» дәүләт мәгълүмат системасына кергән гаризаларны карау барышында алкогольле продукция әйләнеше өлкәсендә төрле хокук бозуларны ачыклады.

Буа районы территориясендә эшчәнлек алып баручы ике эшмәкәрнең яраклылык вакыты чыккан хәмер продукциясе сатуы билгеле булды. Ә Чүпрәле районындагы эшмәкәр документларсыз гына сыра саткан.

2020 елның 4 декабрендә Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре тарафыннан контрольлек чаралары үткәрү барышында «Автоградбанк» җәмәгать транспорты тукталышында урнашкан сәүдә объектында сыра һәм сыра эчемлекләрен сату факты ачыкланды. 305,05 литр күләмендә алкогольле продукция законсыз әйләнештән алынды. Хокук бозучыга карата РФ КоАП 14.6 ст. 3 өлеше буенча административ эш кузгатылды.

Һәр кибеттә "Алкоголь 18 яшькә җиткән затларга гына җибәрелә", - дип язылган игълан бар. Бу кагыйдә турында беренче чиратта сатучылар-кассирлар истә тотарга тиеш. Тик нишләптер еш кына сатучылар кагыйдәләрне үтәми һәм яшь кешеләрдән паспорт сорамый.

Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасы дәүләт һәм муниципаль хезмәтләр порталының «Халык контроле» ДМСына гражданин мөрәҗәгате буенча административ тикшерү кысаларында Нурлат шәһәре кибетләренә барып кайттылар.

Азнакай районы прокуратурасы, Россия Эчке эшләр министрлыгының Азнакай районы буенча бүлегенең икътисади җинаятьләргә каршы көрәш бүлеге хезмәткәрләре, шулай ук Татарстан Республикасы Дәүләт алкоголь инспекциясенең Әлмәт территориаль органы контроль-инспекция бүлеге белгечләре белән берлектә, Азнакай районы территориясендә алкогольле продукция әйләнеше өлкәсендә гамәлдәге законнарның үтәлешен тикшерү барышында берьюлы ике кибеттә хокук бозу очракларын ачыклады.

2020 елның 26 ноябрендә Казан территориаль органының контроль-инспекция бүлеге хезмәткәрләре, Татарстан Республикасы Дәүләт алкоголь инспекциясенең оператив муниципальара контроль бүлеге вәкилләре белән берлектә, Ноксинский спуск урамында урнашкан сәүдә объектында алкогольле продукциянең, аерым алганда җитештерү һәм аның әйләнеше легальлеген раслаучы документларсыз гына сыра һәм сыра эчемлекләре сатуда фактын ачыклады.

«Татарстан Республикасы территориясендә алкогольле продукцияне ваклап сату вакытына, шартларына һәм урыннарына өстәмә чикләүләр һәм Татарстан Республикасының кайбер закон актларының үз көчләрен югалтуын тану турында» 10-ТРЗ номерлы Татарстан Республикасында алкогольле продукцияне ваклап сату вакытына, шартларына һәм урыннарына өстәмә чикләүләр билгеләнде, шулай ук алкогольне ваклап сатуны тыю шартлары санап үтелгән. Әлеге документ нигезендә 22 сәгатьтән 10 сәгатькә кадәр алкогольле продукция сатуны тыю гамәлдә.

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Зәй районы буенча бүлегеннән, авыл торак пунктлары буенча автолавка өчен җиһазландырылган «Газель» автомобилендә төрле исемдәге алкогольле продукция, аерым алганда, аракы һәм сыра ташу һәм ваклап сату белән шөгыльләнүче шәхси эшмәкәргә карата материал алынды.