ЯҢАЛЫКЛАР

Россия Эчке эшләр министрлыгының Азнакай районы буенча Эчке эшләр бүлегенең икътисадый куркынычсызлык һәм коррупциягә каршы көрәш бүлеге хезмәткәрләре «А» кибетендә яраклылык срогы чыккан алкоголь продукциясен сату фактын ачыкладылар.

Әлмәт полициясенең икътисадый куркынычсызлык һәм коррупциягә каршы көрәш бүлекчәсе хезмәткәрләре җирле массаж салонында легаль булмаган алкоголь сату очрагын ачыклаган. Хокук саклаучылар анда гомуми күләме 72 литрдан артык булган төрле спиртлы эчемлекләрнең 136 шешәсен тартып алган.

Зәй шәһәре полиция бүлеге алкоголь сату турындагы законны бозуны ачыклаган: хатын-кыз этил спиртын саткан. Тикшерү вакытында хезмәткәрләр мондый продукция салынган шешәләрне күбрәк тапканнар, алар арасында хәтта бит тиресе өчен гадәти косметик лосьон да булган. Барлыгы бер литрдан артык спирт конфискацияләнгән.

Татарстан Республикасы Дәүләт алкоголь инспекциясенең Түбән Кама территориаль органына Россия Эчке эшләр министрлыгының Түбән Кама районы буенча идарәсеннән шәхси эшмәкәргә карата эш материалы килде, аның кафесында алкоголь продукциясен тиешле лицензиясез, аларны җитештерүнең һәм әйләнешенең легальлеген раслый торган товар үткәрү документларысыз, билгеләнгән үрнәктәге маркаларсыз ваклап сату факты ачыкланды. Тартып алынган продукция күләме 53 шешә, гомуми күләме 27,5 литр – Түбән Кама территориаль органына тапшырылган.

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Әлмәт районы буенча МЭБ һәм ПК бүлегеннән тикшерү материалы килде: «В» массаж салонында шәхси эшмәкәр тарафыннан 10 исемдә алкоголь продукциясен законсыз сату факты ачыкланган.

Тикшерү материалына караганда, Россия Эчке эшләр министрлыгының Мөслим районы буенча бүлеге район кибетләренең берсендә шәхси эшмәкәрләрнең алкоголь продукциясе законсыз әйләнеше очрагын ачыклаган. Сыра җитештерү һәм аның әйләнешенең легальлеген раслаучы озата баручы документларсыз, БДАМС кулланмыйча сыра сату очрагы табылды. Шулай итеп, шәхси эшмәкәр закон белән саклана торган кыйммәтләргә зыян китерү куркынычы барлыкка килә торган эшчәнлек алып бара, дип уйларга нигез бар.

Россия Эчке эшләр министрлыгының Зәй муниципаль районы буенча бүлеге хезмәткәрләре ир-ат тарафыннан «Этил спирты, 95%лы этанол» дип язылган үтә күренмәле 100 мл сыйдырышлы пыяла шешә сату очрагын ачыклаган. Табылган сыеклыкның гомуми күләме 10,09 литр тәшкил итә. Барлык продукция конфискацияләнде һәм алга таба тикшерү өчен Татарстан Республикасы Дәүләт алкоголь инспекциясенең Түбән Кама территориаль органы хезмәткәрләренә тапшырылды. Административ тикшерү уздырылды, аның материаллары суд инстанциясенә җибәрелде.

Куллану вакыты чыккан ундүрт шешә сыра (16 литр) сату факты буенча тикшерү материаллары Мөслим районы буенча Россия ЭЭМ хезмәткәрләре тарафыннан Татарстан Республикасы Дәүләт алкоголь инспекциясенең Түбән Кама территориаль органына тапшырылды.

Россия Эчке эшләр министрлыгының Бөгелмә районы буенча ЭЭБ һәм ПК бүлеге хезмәткәрләре торак йорттан физик затның спиртлы продукция сату фактын ачыклаган. Ике шешә алкогольле продукция тартып алынган.

Татарстан Республикасы Дәүләт алкоголь инспекциясенең Әлмәт территориаль органы «П» кибетендә алкоголь продукциясен законсыз сату турындагы мәгълүматны тикшерә. Шәхси эшмәкәр алкогольне товар җитештерүнең һәм әйләнешенең законлылыгын раслый торган кирәкле документларсыз сатканлыгы ачыкланган. Продукция тиешле лицензиясез һәм билгеләнгән минималь бәядән түбәнрәк бәядән сатылган.