ЯҢАЛЫКЛАР
"Казан вертолет заводы" ГАҖ хезмәткәрләре эшлекле уенда катнашты, ул яшьләр белән эшләү системасын төзү буенча комплекслы проект кысаларында предприятие хезмәткәрләре компетенцияләрен диагностикалауның турыдан-туры этабы булды. Диагностиканың читтән торып үткәрелгән этабы анкета тутырудан һәм онлайн-сораштыру үткәрүдән гыйбарәт иде.
Төрле цехлардан һәм бүлекләрдән 45 хезмәткәр бизнес-симуляторда сыналды. Бу стратегик уен, аның кагыйдәләре буенча командалар үз корпорациясен үстерү белән шөгыльләнә: холдинглар сатып ала, аларның табышларын арттыра, җыелган акчаларны кертә һәм суперхолдинглар төзи. Уен дәвамында катнашучылар тышкы тотрыксызлык факторлары – кризис, кредит бирү кирәклеге һәм башка авырлыклар белән очраша. Иң нәтиҗәле корпорацияне төзегән команда ота.
Диагностиканың ике этап нәтиҗәләре буенча Ростех академиясе корпоратив компетенцияләрне үстерү һәм күрсәтү дәрәҗәсен билгеләячәк һәм һәр хезмәткәрнең киләчәктә профессиональ үсеше турында рекомендацияләр белән җентекле бәяләмә бирәчәк. КВЗ яшьләре белән эшләү программасына да төзәтмәләр кертеләчәк.
"Ростехның яшь профессионаллары" программасының максаты – холдинглар һәм предприятиеләрнең дәүләт корпорациясенә керүче яшьләр белән эшләүнең комплекслы системасын формалаштыру. Программаның төп элементлары – актуаль проектларның инициаторы, башлап җибәрүчесе булырга сәләтле югары квалификацияле хезмәткәрләрне, технологик лидерларны ачыклау һәм үстерү.
КВЗда даими рәвештә персоналны укыту эше алып барыла. Әйтик, 2019 елның апрель ахырында предприятиедә барыннан бигрәк үзара хезмәттәшлек итүче бүлекчәләр җитәкчеләре өчен команда хасил итүче тренинглар узган. 2019 ел башыннан Казан вертолет заводының 312 хезмәткәре төрле укыту программаларында катнашкан.
"Казан вертолет заводы" ГАҖ матбугат хезмәте материаллары буенча
Татарстан башкаласында 22 августтан 27 августка кадәр узачак WorldSkills Kazan 2019 һөнәри осталык буенча 45 нче дөнья чемпионатына бик аз вакыт калды. Бүген Татарстан чемпионат катнашучылары, шулай ук аларның эксперт-остазлары - ТР Мәгълүматлаштыру һәм элемтә министры Айрат Хәйруллин ИТ-компетенцияләрдә ярышларга әзерлек турында фикер алышты.
Бүген Татарстан Республикасы Мәгълүматлаштыру һәм элемтә министры Айрат Хәйруллин "Яшь профессионаллар" илкүләм чемпионаты призерларын һәм җиңүчеләрен әзерләгән тренерлар белән очрашты. Исегезгә төшерәбез, май аенда Казанда узган һөнәри осталык буенча Россия чемпионатының ИТ-компетенцияләрендә татарстанлылар 12 алтын, 8 көмеш, 5 бронза медаль һәм 6 медаль яуладылар. ИТ-юнәлештә катнашучыларның өлеше нәтиҗәсендә Татарстан медаль зачетында Россия төбәкләре арасында җиңүче булды.
Кичә Татарстан Республикасы Премьер-министры урынбасары – Татарстан Республикасы Мәгълүматлаштыру һәм элемтә министры Роман Шәйхетдинов «Казан Экспо» Халыкара күргәзмә үзәге мәйданчыгында 20 нче майдан 24 нче майга кадәр узачак «Яшь профессионаллар» (WorldSkills Russia) VII Милли чемпионатының булачак финалында катнашу һәм аларны әзерләү буенча фикер алышу өчен IT-компетенцияләр буенча Татарстан Республикасының киңәйтелгән җыелма командасы әгъзалары белән очрашты.