ЯҢАЛЫКЛАР
Иннополиста истәлекле вакыйга - Иннополис Университеты каршында мәгълүмат технологияләре һәм робот техникасы өлкәсендә югары квалификацияле белгечләр әзерләү өчен махсуслашкан көллият ачылды. Беренче уку елында, 2025-2026 елда, ул 75 студент кабул итәчәк, бу индустриянең конкрет ихтыяҗларын төгәл канәгатьләндерүгә юнәлдерелгән сынау проекты булачак.
23-24 ноябрьдә Иннополис Университетында мәктәп укучылары һәм студентлар өчен «Киләчәк формуласы» ИТ-фестивале узачак, анда стартапларда, бигтехта һәм фәндә карьера турында мастер-класслар һәм панель дискуссияләр, төгәл фәннәр, ясалма интеллект, нанотехнологияләр, оптик күренешләр һәм космос буенча белем бирү лекцияләре һәм вакансияләр ярминкәсе булачак.
26-27 сентябрь көннәрендә Иннополис шәһәрендә (Татарстан) илләрнең элемтә министрларының 10 нчы очрашуы һәм БРИКС Цифрлы форумы узачак. Ике вакыйга да Россиянең БРИКСтагы рәислеге кысаларында узачак. Форумда катнашучылар-дәүләт һәм бизнес вәкилләре, цифрлаштыру өлкәсендә экспертлар һәм мәгариф җәмәгатьчелеге вәкилләре.
«Иннополис» МИЗда өченче ел рәттән Invest Regatta Innopolis уза, ул венчур индустриясенең әйдәп баручы экспертларын, эшкуарларны, үсеш институтлары, корпорацияләр вәкилләрен һәм дәүләт эшлеклеләрен тәҗрибә уртаклашу һәм партнерлык мөнәсәбәтләрен үстерү өчен берләштерә.
Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов Татарстанда гамәлгә ашырылган ИТ һәм кибериминлек өлкәсендәге проектлар белән танышты. Депутат Иннополис Университетында, Innostage SOC CyberART кибер куркынычларга каршы тору үзәгендә булды һәм «Иннополис» МИЗда Татарстан Республикасы Премьер-министры урынбасары Роман Шәйхетдинов белән очрашты.
Иннополис үзенең 9 еллыгын билгеләп үтте. Шәһәрнең туган көненә багышланган INN9 фестивалендә Татарстан Республикасы Премьер-министры урынбасары Роман Шәйхетдинов һәм Иннополис мэры Руслан Шаһгалиев катнашты.
Бүген Иннополис лицеен тәмамлаучылар өчен тантаналы линейка узды, анда бөтен Россиядән сәләтле укучылар белем ала. Чарада Татарстан Республикасы Премьер-министры урынбасары Роман Шәйхетдинов катнашты.
«Россия – Ислам дөньясы: KazanForum 2024» XV халыкара икътисадый форумы кысаларында электрон сәнәгать өлкәсендә халыкара хезмәттәшлек турында сессия узды, аның модераторы Татарстан Республикасы Премьер-министры урынбасары Роман Шәйхетдинов булды. Сессиядә катнашучылар импортны алмаштыру һәм илебезнең электрон сәнәгатенең технологик бәйсезлеген тәэмин итү буенча дәүләт бурычын үтәү контекстында микроэлектроника тармагы перспективалары турында фикер алыштылар.
14-19 майда Татарстан башкаласында «Казан Экспо» мәйданчыгында «Россия – Ислам дөньясы: KazanForum-2024» XV халыкара икътисадый форумы уза. Иннополис инновацион үзәге стендында илебез продукциясе һәм «Иннополис» махсус икътисадый зонасы резидентларының уникаль цифрлы хәл ителешләре, шулай ук Иннополис университеты проектлары белән танышырга мөмкин. Бүген күргәзмә кунакларын рәсми рәвештә карап чыгу барышында аларны Татарстан Премьер-министры урынбасары Роман Шәйхетдинов тәкъдим итте.
Абу-Дабида (Берләшкән Гарәп Әмирлекләре) ел саен үткәрелә торган AIM Congress 2024 инвестиция форумында катнашу кысаларында Татарстан Республикасы Премьер-министры урынбасары Роман Шәйхетдинов Россия Сәүдә-сәнәгать палатасы президенты Сергей Катырин белән очрашты. Яклар БРИКС саммитын Казанда уздыру, шулай ук Сәүдә-сәнәгать палатасының Татарстан һәм Иннополис белән уртак хезмәттәшлеге турында фикер алыштылар.