ЯҢАЛЫКЛАР
Иннополиста «Россия – мөмкинлекләр иле» Президент платформасының «Уенны башла» проектының беренче сезоны финалы чараларына старт бирелде. 59 төбәкнең 297 финалисты 4 көн дәвамында бизнес өчен уеннар һәм уенлы цифрлы карарлар эшләячәк, шулай ук үз эшләнмәләрен экспертлар җәмәгатьчелеге алдында яклаячак.
Иннополиста «Иннополис» махсус икътисадый зонасының 10 еллыгына багышланган стартаплар буенча 21 экспертлар советы узган. IT-шәһәр территориясендә алга таба үсеш өчен иң яхшы проектларны сайлап алуда Татарстан Республикасы Премьер-министры урынбасары Роман Шәйхетдинов, «Иннополис» МИЗ генераль директоры Ренат Хәлимов, Иннополис шәһәре мэры Руслан Шаһгалиев һәм башка чакырылган экспертлар катнашкан.
Кичә «АртСпейс» Иннополис мәдәни үзәгендә Иннополис шәһәр Советының 2022 ел өчен хисап утырышы узды. Анда Татарстан Республикасы Премьер-министры урынбасары Роман Шәйхетдинов, Татарстан Республикасы Югары Ослан муниципаль районы башлыгы Марат Зыятдинов, Татарстан Республикасы Югары Ослан муниципаль районы прокуроры Василий Егоров, шәһәр Советы депутатлары һәм Иннополис халкы катнашты.
Бүген Татарстан Республикасы Дәүләт Советы Иннополиста пилотсыз авиация системаларын эксплуатацияләү буенча цифрлы инновацияләр өлкәсендә эксперименталь хокукый режим билгеләү турында Татарстан Республикасы Хөкүмәте мөрәҗәгатен хуплады. Бу мәсьәлә алдан ТР Премьер-министры урынбасары Роман Шәйхетдинов һәм Иннополис шәһәре мэры Руслан Шаһгалиев катнашында Торак сәясәте һәм инфраструктура үсеше комитеты, Икътисад инвестицияләр һәм эшкуарлык комитеты депутатлары тарафыннан каралды.
Татарстан Республикасы Премьер-министры урынбасары Роман Шәйхетдинов 2022 елда Татарстан Республикасында Цифрлаштыру елына йомгак ясаган Татарстан Республикасы Министрлар Кабинеты утырышы кысаларында 2022 елда «Иннополис» инновацион үзәгенең төп нәтиҗәләре һәм 2023 елга бурычлары турында сөйләде.
Бүген ел саен үткәрелә торган «Теләкләр чыршысы» хәйрия гамәле кысаларында Чаллыдан 12 яшьлек Руслан Хәбибуллин Иннополиста булды. Яшь татарстанлы югары технологияләр шәһәренә экскурсиягә килергә хыялланган.
Бүген Җизак шәһәрендә (Үзбәкстан Республикасы) Премьер-министр урынбасары Роман Шәйхетдинов җитәкчелегендә Җизак өлкәсе хәкиме Эргаш Салиев җитәкчелегендәге делегацияләр һәм Татарстан Республикасы Хөкүмәте арасында очрашу узды. Ике яклы сәүдә-икътисадый хезмәттәшлекне үстерүгә юнәлдерелгән очрашу Татарстан Республикасы делегациясенең Җизак шәһәренең ИТ-паркында булуы кысаларында узды.
Татарстан Республикасы Премьер-министры урынбасары Роман Шәйхетдинов җитәкчелегендәге Татарстан Республикасы делегациясе Ташкент шәһәрендә (Үзбәкстан Республикасы) эш сәфәрендә. Визитның максаты - мәгълүмат-коммуникация технологияләре өлкәсендә хезмәттәшлекне җайга салу.
«Цифрлы алгарыш. Сезон: ясалма интеллект» – Президент платформасының «Россия – мөмкинлекләр иле» проектларының берсе конкурсы бөтенроссия чемпионатының өченче этпбы тәмамланды. Илнең иң көчле ИТ-эшләүчеләре бер ай эчендә иң зур компанияләр өчен машина аша өйрәнү һәм ясалма интеллект техникасы аша проблемаларны хәл иттеләр. Җиңүчеләр һәм призерлар приз фонды 3 миллион сум иде.
Бүген Иннополиста шәһәр халкы, шулай ук «Атомдата-Иннополис», «Росэнергоатом» концернының бүлендек компаниясе («Росатом» дәүләт корпорациясенең электр-энергетика дивизионына керә) хезмәткәрләре 466 ылыслы агач һәм 50 куак утырттылар. «Агач утырт» акциясе эре җитештерү объекты Росатом МЭҮ төзелә торган территориядә яшеллекне компенсацияләү кысаларында үткәрелә. Яңа дата-үзәк 2 мең киштәгә исәпләнәчәк, аларның яртысын киләсе елда ук сафка кертәчәкләр. МЭҮнең тулы куәте 16 МВт булачак.