ЯҢАЛЫКЛАР
Декабрь аенда Яр Чаллы территориаль органы хезмәткәрләре коррупциягә каршы сәясәт мәсьәләләре буенча фикер алыштылар. Коррупция юнәлешендәге җинаятьләр темасы хәзерге вакытта да актуаль булып кала бирә. Чара спикеры тарафыннан статистика да яңгырады: «Татарстанның хокук саклау органнары мәгълүматлары буенча, агымдагы елда зыян күләме 230 млн.сумнан артык тәшкил итә. 100 млн. сумнан артык акча түләү тәэмин ителгән, 800 коррупцион юнәлештәге җинаять ачыкланган — бу узган елның шул ук чоры белән чагыштырганда 19% ка күбрәк, шулай ук дәүләт хакимиятенә һәм хезмәт мәнфәгатьләренә каршы 624 җинаять».
Ел саен 9 декабрьдә билгеләп үтелә торган Халыкара коррупциягә каршы көрәш көне кысаларында Татарстан Республикасы Дәүләт алкоголь инспекциясенең Казан территориаль органы начальнигы Марина Егорова Казан шәһәре Вахитов районының 98 нче урта гомуми белем бирү мәктәбе (татар - рус) югары сыйныф укучылары арасында үткәрелгән викторинада катнашты.
Татарстан Республикасында коррупциягә каршы сәясәткә зур игътибар бирелә. Шулай итеп, Татарстан Республикасы Дәүләт алкоголь инспекциясендә Татарстан Республикасы Дәүләт алкоголь инспекциясе һәм «Татэкспертцентр» ДБУ хезмәткәрләре эшчәнлегендә барлыкка килергә мөмкин булган һәм аларны минимальләштерүне тәэмин итә торган коррупциоген хәлләр исемлеге эшләнде. Әлеге исемлек төгәл түгел, чөнки коррупцион ситуацияләрнең мөмкин булган барлык вариантларын да күздә тотып булмый.
Коррупцион җинаятьләр турында телдән хәбәрләр һәм язма гаризалар, җинаять кылу урынына һәм вакытына бәйсез рәвештә, хокук саклау органнарында тәүлек буе кабул ителә.
Сезне эчке эшләр органының кизү бүлегендә, прокуратура органнарының кабул итү бүлмәсендә, тикшерү комитетында тыңларга һәм телдән яки язма рәвештә хәбәрне кабул итәргә тиешләр. Шул ук вакытта Сезгә гариза кабул иткән хезмәткәрнең фамилиясе, вазыйфасы һәм эш телефоны белән кызыксынырга кирәк.
Татарстан Республикасы Дәүләт алкоголь инспекциясенең Казан территориаль органы хезмәткәре, җәмгыятьтә коррупциягә каршы тору мәсьәләләре буенча «Азалия» СК (Казан шәһәре, Х.Мәүләтов ур., 24а йорт) хезмәткәрләре арасында анкеталау үткәрде.
Иҗтимагый байлыкларны һәм чыгымнарны бүлүдә гаделсезлек һәм тигезсезлек китереп чыгара торган коррупция дәүләт механизмының иҗтимагый байлыкларны нәтиҗәле бүлеп бирә алмавы һәм тормыш эшчәнлегенең төрле өлкәләрендә коррупцион практикалар барлыкка килүе билгесе булып тора.
Коррупция иҗтимагый процессларга тискәре йогынты ясый, инвестицион климатның начараюына, ярлылык таралуына, халыкның әхлагын киметүгә ярдәм итә, Милли иминлек һәм илнең нәтиҗәле социаль-икътисадый үсешенә куркыныч буларак яный.
Коррупция җәмгыятьтә бер сәгать эчендә генә барлыкка килми. Коррупциянең асылы аның белән тирән бәйләнгән социаль күренешләрдә чагыла. Коррупциянең асылы Бөек Инглиз философы Бекон Френсисның (1561 – 1626) сүзләрендә чагыла, аның цитатасы: «Үз байлыкларына барысын да сатып алырга уйлап, күпләр, барыннан да элек, үзләрен сата».
Бүген Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре Казан федераль университетында коррупциягә каршы тору өлкәсендә тәҗрибә уртаклашу буенча семинар үткәрде. Анда сәүдә эшен әзерләү юнәлешенең 2 нче курс студентлары, шулай ук югары уку йортының профессорлар-укытучылар составы вәкилләре катнашты.
Соңгы вакытта без коррупциягә каршы көрәш турында күп төрле хәбәрләр ишетәбез. Коррупциягә каршы көрәш безнең дәүләт эшчәнлегенең өстенлекле юнәлеше булды һәм шулай булып кала да.