ЯҢАЛЫКЛАР

Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Россиянең Хәрби дан көне кысаларында 1944 елда Ленинградны фашист блокадасыннан тулысынча азат итү көненә багышланган Батырлык дәресе үткәрделәр.

Әлеге чара кысаларында  белгечләр балаларны безнең ил тарихының героик сәхифәләренең берсе – камалыштагы Ленинград вакыйгалары, Ленинград халкының батырлыгы һәм ныклыгы турында таныштырдылар.

19 нчы гыйнварда "Балкыш" халыкка комплекслы социаль хезмәт күрсәтү үзәгендә Саба районы үзәк хастаханәсе гериатры Ләйлә Нурмөхәммәдова, социаль яклау бүлеге җитәкчесе Лилия Гайнетдинова, үзәк директоры Гүзәл Закирова, өйгә барып социаль хезмәт күрсәтү бүлекчәсе мөдире Алсу Степанова катнашында социаль хезмәткәрләренең яңа елда беренче җыелышы булып узды.

Район гериатры өлкән яшьтәге кешеләрдә егылуларны һәм имгәнүләрне, кискен инсультны, миокард инфарктын һәм хастаханәдән тыш пневмонияне профилактикалауга юнәлдерелгән темаларга тирән эчтәлекле чыгыш ясады.

Социаль яклау бүлеге җитәкчесе үз чыгышында социаль хезмәткәрләрнең игътибарын күрсәтелә торган хезмәтләрнең сыйфатына, социаль хезмәткәр этикасы кодексына юнәлтте. Директор барысын да 2022 елда башкарылган эшләрнең нәтиҗәләре белән таныштырды һәм 2023 елга бурычлар куйды.

Өйгә барып социаль хезмәт күрсәтү бүлекчәсе мөдире алда торган тикшерүләрнең планы һәм графиклары, планшетлар белән эшне активлаштыру белән таныштырды. Шулай ук грипп һәм сулыш-тын юллары вируслы инфекциясе профилактикасы, янгын куркынычсызлыгын профилактикалау һәм таныш булмаган затлар тарафыннан алдау гамәлләре турында да темалар кузгатылды. Җыелыш барышында башка актуаль мәсьәләләр дә каралды.

Яңа ел җитәргә бик аз вакыт калды. Шәһәрләрдә дә, авылларда бар да төрле төсле утлар, янып торган чыршылар һәм кар сыннары белән бәйрәм тойгысы тудыралар. Саба районы “Балкыш” халыкка комплекслы социаль ярдәм күрсәтү үзәге белгечләре дә үз куллары белән төрле кар сыннарын ясап, бинаны төсле гирляндалар белән бизәп, учреждение территориясендә яна ел атмосферасы булдырдылар. Бина тирәсе төрле утлар һәм персонажлар астында матурланды, бәйрәм төсе алды.  

Социаль яклау бүлеге, Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре, балигъ булмаганнарның эшләре һәм аларның хокукларын яклау комиссиясе вәкилләре мәктәпкәчә белем бирү учреждениеләренә һәм мәгариф учреждениеләренә йөрмәүче  мөмкинлекләре чикле балаларны Яңа ел белән котладылар һәм аларга татлы бүләкләр тапшырдылар.

Социаль яклау бүлеге, Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре, балигъ булмаганнарның эшләре һәм аларның хокукларын яклау комиссиясе вәкилләре социаль хезмәтләрдән файдаланучы гаиләләрдәге балаларга Яңа ел бүләкләре тараттылар. Ата-аналар үз чиратында балаларына оештырылган искиткеч, тылсымлы бәйрәм өчен зур рәхмәтләрен белдерделәр.

Инвалидлар декадасы- мөмкинлекләре чикле кешеләргә даими игътибар кирәклеге турында җәмгыятькә кабаттан искәртү. Һәрберебез мөмкинлекләре чикле кешеләргә игътибар һәм кайгыртучанлык күрсәтә ала. Билгеле булганча, инвалидларның бер проблемасы- аралашу җитмәү. 6 декабрь көнне Саба районы «Балкыш» халыкка комплекслы социаль ярдәм күрсәтү үзәгендә социаль хезмәтләрдән файдаланучылар өчен туган якны өйрәнү музеенда агач кашыклар язу буенча мастер-класс үткәрелде. Музей хезмәткәрләре Саба районының сувенирлары турында сөйләделәр, катнашучылар кызыксыну белән бизәкләрне карый алдылар, агач эшләнмәләрне язу ысуллары турында белделәр. Һәр катнашучы эшкә җаваплы карады, һәм мөмкин кадәр матур итеп башкарырга тырышты.

Инвалидлар декадасы кысаларында 2022 елның 2 декабрендә «Балкыш "халыкка социаль хезмәт күрсәтү үзәге" ДАССОның Саба муниципаль районында инвалидлар хокукына кагылышлы мәсьәләләр буенча түгәрәк өстәл үткәрде.

"Балкыш"халыкка социаль хезмәт күрсәтү үзәгенең өлкән яшьтәге гражданнар һәм инвалидларның өйләренә социаль хезмәт күрсәтү бүлеге хезмәткәрләре үзләренең тәрбияләнүчеләрен бәйрәм белән котладылар һәм волонтерлар белән берлектә “Әниләр көне белән” котлау открыткалары тапшырдылар

Ноябрьның соңгы якшәмбесендә Россиядә әниләр көне билгеләп үтелә. Әлеге бәйрәм алдыннан Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе  социаль педагоглары һәм “Волонтер” үзәгенең активистлары өйдә социаль хезмәтләрдән файдаланучы әниләр өчен котлау открыткалары әзерләделәр. Әлеге акцияның максаты- әниләргә карата мәхәббәт һәм хөрмәт тәрбияләү.

«Кайгырту мәктәбе» технологиясе кысаларында Саба муниципаль районының «Балкыш» халыкка социаль хезмәт күрсәтү комплекслы үзәгенең өйдә эшләүче медицина хезмәткәре Мәүлвиева Гөлшат даими нигездә туганнарына һәм затларга авыруны, хәрәкәте чикләнгән пациентларны яки инвалидларны караучы белем бирә.