ЯҢАЛЫКЛАР

Саба районы китапханәчеләре Кызыл Мишә авылында "Сәламәтлек мөмкинлекләре чикле балалар өчен Саба интернат-мәктәбе" дәүләт бюджет гомуми белем бирү учреждениесендә булдылар. ​ Балалар өчен скрапбукинг техникасында открыткалар ясау буенча мастер-класс үздырдылар.. Чара Пушкин картасы буенча үткәрелде.

Бөек мәгърифәтчебез Р. Фәхреддин: “Бала чакта алынган тәрбияне соңыннан бөтендөнья халкы да үзгәртә алмас”, - дип язып калдырган.   Бала үзен Кеше итеп тойсын өчен, аңарда милли горурлык, туган телгә мәхәббәт хисе тәрбияләргә кирәк. Шуның өчен дә мәктәп укучыларын тәрбияләүдә халкыбызның борынгы гореф-гадәтләрен, йолаларын һәм бәйрәмнәрен өйрәтү мөһим чараларның берсе булып тора. Саба район балалар китапханәсе хезмәткәрләре ДБГБУ “Саба интернат-мәктәбе” укучылары өчен 2023ел Татарстан Республикасында Милли мәдәниятләр һәм гореф-гадәтләр елы уңаеннан, “Халкыбызның милли бизәкләре” -танып-белү сәгате, мастер-класс үткәрделәр. Чара “Халкым тарихы” - күргәзмәсенә күзәтү белән башланып китте. Читеккә мәгълүмат бирелеп, укучылар читек, калфак, түбәтәй рәсеменнән пазл җыйдылар. Ә чараның икенче өлешендә алдан катыргыдан киселгән читек макетлары һәм төрле милли бизәкләр өләшенде. Алар клей ярдәмендә читеккә милли бизәкләр ябыштырдылар.

3 мартта район мәдәният йорты сәхнәсендә 8 Март Халыкара хатын-кызлар көненә багышланган «Бэлэкэч» балалар бакчасы тәрбияләнүчеләренең «Язгы әкият» бәйрәм концерты узды. Бәйрәмдә күп кунаклар катнашты: гостиләр, әниләр, балалар бакчасы хезмәткәрләре. Балалар зур тырышлык белән чыгыш ясадылар. Үзләренең шигырьләре, биюләре, җырлары, сәхнәләре белән балалар әниләренә һәм .иләренә күп яхшы сүзләр, наз һәм игътибар бүләк иттеләр. Балалар куллары белән ясалган бүләкләр сюрприз мизгел булды. Бәйрәм җылы, күңелле атмосферада үтте. Бәйрәмдә катнашучылар һәм кунаклар бик күп тәэсирләр алдылар, уңай эмоцияләр белән тулыландылар.

2 март көнне хатын-кызлар бәйрәме уңаеннан Саба район китапханәсе хезмәткәрләре "Гаилә белан китапханә" проекты кысаларында, әниләр һәм балалар өчен кызыклы очрашу уздырдылар. Чара башында кунаклар өчен "Башваткыч" уены уздырылды , катнашучылар сорауларга җавап бирделәр. Кичә "Имбир прәннекләр буяу" мастер-классы белән дәвам итте. Чара ахырында укулар оештырылды, балалар әниләргә яраткан шигырьләрен укыдылар, ә әниләр үз чиратында балаларга яраткан әкиятләрен тәкъдим иттеләр

Ел саен 2010 елдан башлап мартның беренче чәршәмбесендә Бөтендөнья кычкырып уку көне үткәрелә. 2 март көнне Саба гимназиясендә “Китап сөючеләр” клуб берләшмәсенә йөрүче укучылар өчен “Китап – якын дустыбыз” – китап уку сәгате үткәрелде.  Укучылар  китап укуның файдасы һәм аеруча кычкырып укуның уй-фикерләрне җиңел һәм төгәл җиткерергә булышуы, сүзлек запасын, күзаллау даирәсен һәм сөйләмнең дөреслеген арттыруга китерүе турында белделәр. Р.Миңнуллин “Мин мактанчык түгел”, Р.Шәехова “Серле сораулар”, Йолдыз  “Китаплы кич”, В.Степанов “В Гостях у жирафа”, С.Михалков “Дядя Степа”, А.Барто “Котенок” һәм башка авторларның шигырьләре сәнгатьле итеп укылды.

Татарстанда 2023 нче ел «Милли мәдәниятләр, горефгадәтләр елы» дип игълан ителде. Бөтендөнья татар конгрессы Башкарма комитеты һәм “Ак калфак” татар  хатын-кызларының иҗтимагый оешмасы “Татарның мамык мендәрләре”  дигән иҗади бәйге уздыру хакында белдерде. Бәйге әби-бабаларыбыздан килгән гореф-гадәтләрне саклап калу һәм киләчәк буыннарга тапшыру максатыннан үткәрелде.

Бәйгенең бурычлары һәм максатлары:

- татар халкының борынгыдан килгән гореф-гадәтләрен, йолаларын киңрәк өйрәнү һәм алар аша яшь буында милли үзаң тәрбияләү;
- каз мамыгыннан мендәрләр тутыру серләренә төшендерү;

- бизәкләрне карау, сайлап алу, төсләрне аеру, татар халкының милли төсләрен сайлаудагы үзенчәлекләрен өйрәтү;
- сәләтле хатын-кызларның иҗади эшләренә бәя бирү һәм сәләтләрен үстерү;
- гаилә мендәрләре ясарга өйрәтү (70х70, 60х60 – берәр пар; 50х50 – өч мендәр);
 - татар халкының сәнгате, милли татар орнаменты белән таныштыру.

Саба районыннан “Татарның мамык мендәрләре” бәйгесенә “Ак калфак” клуб берләшмәләренә йөрүче хатын-кызларыбызның 28 гаризасы җибәрелде. Барлык эшләр дә күңел җылысын биреп, күз явын алырлык итеп чигелгән.

Хәзерге заманда төрле тукымаларны буяу популярлаша бара. Кулдан буяу – эшләнмәләрне матур, модалы, оригиналь итүнең бик яхшы ысулы булып тора. 28 февраль көнне Иләбәр авыл китапханәсендә Ә. Кәримуллин исемендәге Саба район китапханәсе хезмәткәрләре сумка-шоппер буяу буенча мастер-класс оештырдылар. Чарада Иләбәр авылында яшәүче актив, иҗади яшүсмерләр һәм яшьләр катнашты. Кичәнең башында китапханәчеләр сумкага рәсем төшерүне ничек башкарырга, нинди нечкәлекләрне исәпкә алырга һәм рәсем бозылмасын, озак саклансын өчен ничек киптерергә кирәклеге турында аңлаттылар. Катнашучыларның һәрберсе үз идеясын һәм үз фантазиясен эшкә җикте. Нәтиҗәдә, һәркемнең уникаль, стильле, ә иң мөһиме кабатланмас сумкалары барлыкка килде.

Профессиональ баянчы Вилорик Вәлиуллинның 80 еллыгына багышланган иҗат кичәсе район мәдәният йортында узды.

2023 елның 21 февралендә Саба урман хуҗалыгы тарихы музеенда Татарстан Республикасы Кукмара муниципаль районы "Березняк авылы Х.В.Ваһапов исемендәге төп гомуми белем бирү мәктәбе" муниципаль бюджет белем бирү учреждениесе мәктәп урманчылыгында тәрбияләнүчеләр экскурсиягә килделәр.

Мәктәп урманчылыгында тәрбияләнүчеләр өчен музей хезмәткәрләре музей буенча гомуми экскурсияда:

- Татарстан Республикасында бердәнбер урман музеен булдыру тарихы турында;

- Россиядә Урман эше Петр 1 дәүләтеннән башлануын;

- Россия урман хуҗалыгының барлыкка килү һәм үсеш тарихы;

- Саба урман хуҗалыгының төп эшлеклеләре һәм атказанган хезмәткәрләре;

- Саба урман хуҗалыгының хайваннар дөньясы турында сойлэделэр.

Урман музеенда экскурсиядә, мәктәп урманчылыгында тәрбияләнүчеләр урман байлыкларын мул итеп биргән илләре белән горурландылар һәм аларны киләчәк буыннар өчен саклап калу өчен җаваплылыклары никадәр зур булуын аңладылар.

Экскурсия тәмамланганнан соң мәктәп урманчылыгында тәрбияләнүчеләр музей  буйлап мөстәкыйль йөрү һәм урман хуҗалыгының үсеш тарихы турында мәгълүмат белән танышу, экспонатларны җентекләбрәк карау мөмкинлегенә ия булдылар. Музей экспонатларын өйрәнеп, мәктәп урманчылыгында тәрбияләнүчеләр урманнарның байлыгына сокландылар!

Крәнне авыл клубында Яңа Мичән  авылы китапханәсе белән берлектә Татарстан Республикасында милли традицияләр мәдәнияте елы кысаларында "Май чабу"  бәйрәме уздырылды.Балалар бәйрәмнең тарихы белән таныштылар.Һәр көннең ничек аталуы турында белдеәр.   Яңа Мичән авылы китапханәсе мөдире бәйрәмнең әһәмияте, бәйрәм традицияләре, символлар( коймак, карачкы, Май чабу) турында китаплар һәм иллюстрацияләр булган”Йолаларның асыл җепләре” дигән китап  күргәзмәсе тәкъдим итте.  Балалар бу матур бәйрәм турында якты иллюстрацияләр белән китаплар, журналлар карадылар. Чара уен программасы белән дәвам итте. Балалар табышмакларга җавап бирделәр, төрле конкурсларда теләп катнаштылар: "Әтәч сугышлары", "Музыкаль урындыклар", "Йөзек салыш", "Түбәтәй". Традицион ризыксыз нинди Май чабу?! Крәнне авыл клубы мөдире әзерләгән коймаклар барыбызны да сөендерде.