ЯҢАЛЫКЛАР
18 октябрь көнне Шәмәрдән авыл мәдәният йорты белгече Г.М.Әхмәтшина рус язучысы С.Т.Аксаковның тууына 230 ел тулу уңаеннан «Аленький цветочек глазами детей» дип исемләнгән рәсем конкурсы оештырды. Конкурста катнашучылар үзләренең осталыкларын күрсәттеләр, үз идеяләрен тормышка ашырдылар. Конкурста Шәмәрдән лицееның «Үсеш» 2 «Б» сыйныф укучылары катнашты, алар үзләренең иҗади эшләрен бик теләп әзерләгәннәр иде. Барлык эшләр дә төрле иде, композициягә һәм чәчәкләр чишелешенә индивидуаль якын килү тәкъдим ителде. Һәр катнашучы тырышлык һәм оригинальлек күрсәтте. Билгеле, кайберләренә ата-аналар ярдәм итте. Барлык балаларга да дипломнар һәм бүләкләр тапшырылды.
Без барыбыз да әти-әниләребезне яратабыз. Гадәттә, без әни турында мактаулы хикәяләр ишетергә күнеккән, ә әти турында бик сирәк искә алабыз.
2021 елда яңа бәйрәм - Әтиләр көне барлыкка килде. Ул октябрьнең һәр өченче якшәмбесендә билгеләп үтелә. Һәр бала тормышында әтинең мөһим роле бәхәссез, истәлекле дата сабыйны тәрбияләүдә ата-ананың икесе дә тигез катнашу мөһим булуын искәртергә тиеш. Чөнки һәр бала тормышында иң мөһиме-аның гаиләсе.
16 октябрь көнне Эзмә мәдәният йорты хезмәткәрләре «Әтиләр көне» уңаеннан әтиләр һәм уллар өчен «Минем әти-минем горурлыгым»дип исемләнгән уен-ярышлар оештырдылар. Алар спорт уеннарында да, кызыклы конкурсларда да ярыштылар. Балалар әтиләре белән бергә үзләрен җитезлектә, тизлектә, иҗади фикердә күрсәттеләр.
Үз проблемаларын читкә куеп, чакыруга җавап биргән һәм балаларыбызга ярдәм итү өчен безгә килгән әтиләргә без бик рәхмәтле. Мондый ярышлар балалар белән бергә спортка мәхәббәт һәм хөрмәт, дуслык, гаиләдә үзара аңлашу тәрбияли.
Саба балалар сәнгать мәктәбе укучылары халыкара конкурс җиңүчеләре!
Саба балалар сәнгать мәктәбендә әтиләр көненә багышланган дәрес-мастер-класс узды.
13 октябрь көнне Тимершык мәдәният йорты хезмәткәрләре китапханә белән берлектә «Әкияттә кунакта»дип исемләнгән әдәби уен үткәрделәр. Яшь катнашучылар сихри әкият дөньясына эләкте, анда могҗизалар бара, яхшылык һәрвакыт явызлыкны җиңә. Китапханәче яшь китап укучыларга яраткан китап битләренә сәяхәт кылырга һәм яраткан геройларында кунакта булырга тәкъдим итте, «әкият» төшенчәсе һәм әкият төрләре белән таныштырды. Балалар яңа китаплар белән таныштылар һәм борынгы әкиятләрне искә төшерделәр. Балалар әкият һәм әкият персонажларын «Әкият геройын тап», «Сорау - җавап» конкурсларында актив катнаштылар .Соңыннан балалар үзләренең яраткан әкиятләре һәм әкият геройлары турында сөйләделәр.
12 октябрь көнне Иштуган мәдәният йортында Саба районы мәдәният хезмәткәрләренең күчмә семинар-киңәшмәсе булып узды. Чара кунакларны каршы алудан башланды.Балалар милли киемнәрдән өч телдә шигырьләр сөйләделәр.Аннан мәдәният йорты каршында эшләп килүче "Тюрагай" удмурт фольклор коллективы удмурт халкының туй йоласын күрсәтте. Китапханә һәм клуб мөдирләре 2021 нче ел өчен мәдәният йорты һәм китапханә эшенә анализ ясадылар .Шуннан соң күп кенә оештыру мәсьәләләре каралды. Төрле мәсьәләләр буенча Саба муниципаль районы Башкарма комитетының мәдәният бүлеге җитәкчесе Заһидуллин Р. Ф. һәм әйдәп баручы методист Садриева Г. Ш. чыгыш ясадылар, шулай ук мәдәният йорты фойесында “Халыклар дуслыгы-мәңгелек!, “Халкыбызның күңел бизәкләре!", "Безнең уңышларыбыз"дип аталган күргәзмәләр оештырылган иде.
Авыл хуҗалыгы хезмәткәрләре көне һәр елны октябрьнең икенче якшәмбесендә билгеләп үтелә. Игенчеләр һәм терлекчеләр ел әйләнәсе хезмәт вахтасында, аларга календарь битләрендәге бәйрәм көннәре таныш түгел, якшәмбе дә аларның эш көне. «Нырты» АХП «ҖЧҖнең» Арташ бригадасында 7 кеше Татарстан Республикасының атказанган механизаторы һәм Татарстан Республикасының атказанган терлекчесе исемнәренә лаек булдылар. Авыл хуҗалыгы хезмәткәрләре көнен каршылап, 9 октябрь көнне, Ике басу Арташ мәдәният йортында, китапханәче белән берлектә, "Хезмәтле кеше - хөрмәтле кеше" дип исемләнгән күчтәнәч концерт оештырылды.
Праздничный концерт, посвященный Международному дню пожилых людей «смысл жизни во взрослом возрасте»
Шекше мәдәният йортында Өлкәннәр көненә багышланган «Хәтер дулкыннарында» дип исемләнгән кичә-концерт оештырылды. Бәйрәмгә кунак итеп Шекше һәм Алан-Елга авылларында яшәүче өлкәннәр чакырылды. Кичәнең программасы кеше тормышы этапларын чагылдырган берничә бүлектән торды: балачак, яшьлек, өлгергәнлек һәм картлык. Беренче өлеш Шекше мәдәният йортында клуб берләшмәләренә йөрүче балалар чыгышы белән башланып китте һәм кичәдә катнашучыларның истәлекләре белән дәвам итте. Аннары сәхнәгә яшьләр чыкты, алар берничә концерт номерын күрсәттеләр, тамашачылар аларны рәхәтләнеп карадылар, яшьлек елларына кайтарган искиткеч мизгелләр өчен егетләр һәм кызларга рәхмәт әйттеләр. Бәйрәмнең кульминацион өлеше "Алтын туйларын" билгеләп үтүче гаиләләрне хөрмәтләү булды. Гүзәлия һәм Рәшит Нотфуллиннар, Әлфия һәм Вагыйз Зиннәтовлар иңгә иң куеп илле ел бергә гомер итәләр, балалары, оныклары, авылдашлары, элеккеге хезмәттәшләре һәм башкалар алар адресына иң изге теләкләрен юлладылар.Шекше мәдәният йортының "Зиләйлүк" фольклор коллективы чыгыш ясады, бәйрәмдә катнашучылар белән уеннар оештырылды, алар бүләкләр, күңел күтәренкелеге һәм яхшы кәеф алдылар, кичәне оештыручы Шекше мәдәният йорты, авыл китапханәсе һәм Сәрдә авыл клубы хезмәткәрләренә рәхмәт сүзләрен җиткерделәр.
3 октябрь көнне Мичәнбаш авыл клубында Өлкәннәр көненә багышланган «Җырларым-бүләк булсын!» дип исемләнгән бәйрәм концерты оештырылды. Концертта үзешчәннәр, шулай ук Олыяз мәдәният йорты мөдире Закирова Р.К., «Бәрмәнчек» дәүләт фольклор ансамбле солисты Алексей Яковлев чыгыш ясадылар. Чара дәвамында җылы котлау сүзләре һәм җырлар яңгырады, аларны кунаклар бик теләп тыңладылар һәм җырладылар. Бәйрәмнең дәвамы-чәй эчү иде, аның барышында өлкәннәребез бик күңелле аралаштылар, үзләренең яшь елларын искә төшерделәр һәм яраткан җырларын җырладылар.