ЯҢАЛЫКЛАР
Туктар клубы китапханә белән берлектә " Нәүрүз мөбәрәкбат!” дип исемләнгән яз бәйрәме уздырдылар. Программада күңел ачу уеннары, концерт номерлары, "карга боткасы", чәй һәм коймаклар булды. Бәйрәм Кыш Бабай һәм Нәүрүзбиәк чыгышлары белән үрелеп барды.Катнашучылар барысы бергә уеннарда, ярышларда катнаштылар һәм бүләкләр алдылар. Шулай ук балалар өчен "Язгы күңелле стартлар"оештырылды. Барлык катнашучылар да коймак һәм ботка белән сыйландылар. Бәйрәмгә килгән халыкның кәефе күтәренке һәм бәйрәмчә иде.
Саба балалар сәнгать мәктәбе укучылары - «Арча ягы-данлы Тукай ягы» Республикакүләм балалар иҗаты конкурсы призерлары.
28 март көнне Түбән Утар авыл клубы территориясендә (филиал №38) «Хуш киләсең, Нәүрүз, түрдән уз!» дип исемләнгән, яз килүгә багышланган зур бәйрәм үтте. Бәйрәм барышында олылыр һәм балалар өчен бик күп кызыклы уеннар үткәрелде. Учакта чын үзбәк пылауы, тәмле чәй белән коймаклар пешкән арада килгән кунакларны үзләренең матур җырлары белән Олыяз һәм Пүкәл авыл клубы узэшчәннәре шатландырды. Бәйрәм бик күтәренке рухта үтте, һәр килгән кунак онытылмаслык истәлекләргә лаек булды. Шулай ук шушындый куңелле бәйрәмне үткәрүдә зур ярдәм кулы сузган спонсорларга рәхмәтләребезне җиткерәсе килә.
26 март көнне Югары шытсу мәдәният йорты хезмәткәрләре “Укучылар өчен культура” (“Культурный клуб”) проекты кысаларында “Музыкаль инструментлар дөньясы” дигән музыкаль бүлмә оештырдылар. Балаларны халык уен кораллары, радио, магнитофон, кассеталар белән таныштырдылар, аларның кулланылышын аңлаттылар. Катнашучылар кызыксынып тыңладылар, сораулар бирделәр. Шулай ук һәр музыка уен коралының яңгырашын ишеттеләр. Чара баян белән балаларның кашык кагып татар халык көйләрен башкарулары белән тәмамланды.
Безнең рухи байлыгыбыз, милли традицияләребез исән. Алар безгә бүгенге һәм киләчәк өчен кирәк. Күргәнебезчә, халкыбызның йола, гореф-гадәт һәм бәйрәмнәрен өйрәнү зур әһәмияткә ия. Дөрестән дә, диннән, телдән башка яши алмаган кебек, халык алардан башка да милләт буларак яшәвеннән туктар иде. Татар халкы һәр вакыт үзенең йолаларына тугры булды. Чөнки алар безгә бик ерак бабаларыбыздан мирас булып калганнар. Безнең максат: аларны югалтмыйча, саклап калу, буыннан буынга тапшыра бару.
Бүген Ике басу Арташ мәдәният йортында китапханә белән берлектә үсеп килүче буын – балалар өчен “Безнең байлыгыбыз – халкым моңнары” дип исемләнгән әдәби-музыкаль кичә уздырдык. Музыкаль кичәнең асылы – ул татар-халык моңнары иде. Халкыбызның ерак гасырлардан алып килгән үзенә генә хас моңнары җырлары бар. Сөенеч-көенечтә дә, эштә һәм ял вакытында, борчу-сагышларында да, кайгы килсә дә татар халкы боларның барысында моңга салган. Уен җырлары, такмаклар шулай ук киң таралган. Кичә барышында “Әбиемнең күңел сандыгына” да тукталды. Анда сакланган чиккән кульяулык, сөлге, калфак, беләзек, челтәрләргә багышлап язылган җырларны җырладык. Кульяулык ярдәмендә “Көйне таны” уены уйнадык.
Саба балалар сәнгать мәктәбендә Нәүрүз бәйрәме оештырылды.
24 март көнне Шәмәрдән авыл мәдәният йорты белгечләре Г.Х.Садыйкова һәм Г.М.Әхмәтшина балалар өчен «Чын күңелдән» дип исемләнгән кичке утыру оештырдылар. Музыка балаларны тәрбияләүдә аерым һәм уникаль урын алып тора. Бу сәнгатьнең әлеге төренең үзенчәлеге белән дә аңлатыла. Чара башында балалар музыка уен кораллары, аларда уйнарга өйрәнү методлары һәм формалары белән таныштылар. Аннан соң өстәл янына килеп, үзләре теләгән инструментларны сайладылар һәм өйрәнделәр. Балаларга уен коралларында уйнау бик ошады, алар өчен бу бик тылсымлы һәм әкияти иде. Ә иң мөһиме, уйнаган вакытта барысын да чиратлап эшләделәр, бер-берсе белән оста аралаштылар. Алар музыка уен кораллары турында бик күп яңа һәм кызыклы мәгълүматлар белделәр. Чара ахырында балалар мини-концерт оештырдылар. Үзләре инструментлар сайладылар һәм бергә нәрсә дә булса уйнарга тырыштылар. Чара барышында уңай атмосфера тудырылды. Балалар якты хис-тойгылар һәм алга таба музыка эшчәнлеге өчен этәргеч алдылар.
23 март көнне Район мәдәният йортында мәдәният хезмәткәрләре көне уңаеннан мәдәният хезмәткәрләре слеты узды. Тантанада Казаннан килгән кунаклар һәм Саба муниципаль районы башлыгы Миңнеханов Рәис Нургали улы катнашты.
Тантаналы шартларда район башлыгы Р. Н.Миңнеханов Мактау грамоталары һәм дипломнар тапшырды.
22 март көнне Шәмәрдән авыл мәдәният йорты белгече Г.М.Әхмәтшина Халыкара урман көненә багышланган «Могҗизалар белән тулы урман…» дип исемләнгән мәгълүмат сәгате үткәрде. Планетабызның зур киңлекләрендә сакларга кирәк булган урман массивлары җәелгән. Чөнки урманнарны саклау Җир экологиясенең төп кагыйдәләренең берсе һәм планетадагы тормышны саклауның нигезе булып тора. Чара башында балалар белән урманда һәм табигатьтә үз-үзеңне тоту кагыйдәләрен искә төшерделәр. Безнең урманнарда нинди агачлар үсүе, хайваннар яшәве турында сөйләштеләр. Сәяхәт вакытында безнең юлда очраган барлык эзләрне дә таныдылар. Балаларның фантазиясе шулкадәр уйналды ки, аларга хәтта соры бүре, аю һәм төлке йөгереп үткән кебек тоелды. Чара дәвамында балалар урман тормышы турында күп кенә файдалы һәм кирәкле мәгълүмат белделәр, төрле уеннарда һәм конкурсларда бик теләп катнаштылар, экологик викторина сорауларына җавап бирделәр. Бик күп уңай эмоцияләр һәм якты тәэсирләр алдылар.
Нәүруз-ул игелек бәйрәме.Ул кешеләрне бер-беренә якынайта. Бу гүзәл көндә кешеләр иске үпкәләрен оныталар,гафу итәләр. Бу бәйрәм безнең жиребезгә,кешеләрнең бу дөньяга игелек һәм тынычлык өчен көрәшергә,туганнарын искә төшерү өчен килә. Нәүрүз килә, Нәүрүз! Бу татлы сүз! Җир йөзендә тоташ бер ямь ул! Җир,табигатъ белән кеше җанын, Игез-тигез иткән бәйрәм ул!.Олы Нырты авылында Нәүрүз бәйрәмен үткәрү матур традициягә әверелде. 21 март көнне Олы Нырты авылы мәдәният йорты хезмәткәрләре, китапханәче тарафыннан оештырылган бу бәйрәм, быел да бик күңелле узды. Куңелле уеннарда балалалар белән бергә, бәйрәм тамашасына килгән авылдашларыбыз да бик теләп катнашты. Төрле ярышлар үткәрелде, җиңүчеләргә бүләкләр бирелде.