ЯҢАЛЫКЛАР
Балалар өчен бик күңелле җәйге каникуллар дәвам итә. Аларның ялларын кызыклы һәм файдалы үткәрү максатыннан " Ямьле Саба" проекты кысаларында бүген Олы Нырты мәдәният йорты хезмәткәрләре Лесхоз бистәсенә экскурсия оештырдылар. Урман музеның бай тарихы белән таныштылар. Андагы гүзәллек, матурлык һәркемнең күңеленә хуш килде. Маршрутыбыз мәдәният йортында урнашкан кыңгыраулар музеенда дәвам итте. Балаларга мондагы кыңгыраулар тарихыда бик ошады. Балалар мәйданчыгында уйнап, ял итеп күңел ачып кайтты алар бүген.
2 август көнне Олы Арташ авыл клубы мөдире “Туган көнең белән авылдаш” дигән исем астында саф һавада, капка төбендә авылдашлар белән ял кичәсе оештырды. Үзләренең гомер бәйрәмнәрен билгеләп үтүче авылдашларыбыз, гомеренең 35 елдан артыгын Арташ совхозында тракторист булып эшләүче Илнур Давлетов һәм авылыбыз мәктәбендә татар теле укытучысы булып эшләүче Илсияр Давлетоваларга багышланды.Туган көн ияләренә матур теләкләр, матур җырлар бүләк иттек ,истәлек бүләге тапшырдык, кызыклы уеннар оештырдык, кичәбез күмәк бию белән тәмамланды.
31 июль көнне Лесхоз мәдәният йорты хезмәткәрләре "Нургали" мәчете һәм китапханәче белән берлектә "Корбан бәйрәме"дип исемләнгән күңел ачу-бәйрәм программасын үткәрделәр. Чара күңелле, тату атмосферада узды, балалар уйнадылар, нәшидләр тыңладылар, сорауларга җавап бирделәр, күңел ачтылар, бер-берсенә ярдәм иттеләр, чараның максатлары һәм бурычлары уңышлы, төгәл үтәлде. Чыннан да, уендагы бала беркайда да алай ачылмый. Биредә, шәхси мәнфәгатьләрен канәгатьләндерүдән тыш, бала үзе дә сизмичә, физик һәм әхлакый сыйфатларын үстерә, дуслашырга, ярдәмгә барырга, җиңәргә һәм оттырырга өйрәнә. Без өлкән балалар һәм кече яшьтәге балалар өчен яңа уеннар уйлап таптык.Өлкәнрәк балалар "Рыбак", "Снайпер", "Кашык бн су ташу", "Чүлмәк вату"кебек уеннарында катнаштылар. Ә кечкенәрәк балалар "Фонтан", "Кольцо", "Урыннан озынлыкка сикерү" , "Калак белән шар ташу" кебек уеннарда бик теләп катнаштылар. Соңгы бәйге "Коръән уку"булды. Барлык уеннарның асылы шунда ки, балалар һәр уенда катнашып, очколар алып һәм барлык җыелган очколарны бүләкләр санына алмаштыру иде . Ничек бәйрәм-бәйрәм булсын тәмле сыйланудан башка?! Әлбәттә, уеннардан соң без барыбыз да тәмле, бәйрәм пылауы белән сыйландык.
31 июль көнне Лесхоз мәдәният йорты хезмәткәрләре "Нургали" мәчете һәм китапханәче белән берлектә "Корбан бәйрәме"дип исемләнгән күңел ачу-бәйрәм программасын үткәрделәр. Чара күңелле, тату атмосферада узды, балалар уйнадылар, нәшидләр тыңладылар, сорауларга җавап бирделәр, күңел ачтылар, бер-берсенә ярдәм иттеләр, чараның максатлары һәм бурычлары уңышлы, төгәл үтәлде. Чыннан да, уендагы бала беркайда да алай ачылмый. Биредә, шәхси мәнфәгатьләрен канәгатьләндерүдән тыш, бала үзе дә сизмичә, физик һәм әхлакый сыйфатларын үстерә, дуслашырга, ярдәмгә барырга, җиңәргә һәм оттырырга өйрәнә. Без өлкән балалар һәм кече яшьтәге балалар өчен яңа уеннар уйлап таптык.Өлкәнрәк балалар "Рыбак", "Снайпер", "Кашык бн су ташу", "Чүлмәк вату"кебек уеннарында катнаштылар. Ә кечкенәрәк балалар "Фонтан", "Кольцо", "Урыннан озынлыкка сикерү" , "Калак белән шар ташу" кебек уеннарда бик теләп катнаштылар. Соңгы бәйге "Коръән уку"булды. Барлык уеннарның асылы шунда ки, балалар һәр уенда катнашып, очколар алып һәм барлык җыелган очколарны бүләкләр санына алмаштыру иде . Ничек бәйрәм-бәйрәм булсын тәмле сыйланудан башка?! Әлбәттә, уеннардан соң без барыбыз да тәмле, бәйрәм пылауы белән сыйландык.
30 июль көнне Ә. Кәримуллин исемендәге Саба район үзәк китапханәсендә «Джуманджи» исеме астында квест-уены үткәрелде. Уен яшьләрнең иҗади сәләтләрен үстерү, фикерләүне, игътибарны активлаштыру, серлелек, бердәмлек хисен булдыру максатыннан оештырылды.
Уен вакытында катнашучылар барысына да уңай эмоцияләр тупладылар һәм актив рәвештә “Джуманджи” уены дөньясына чумдылар , чөнки яхшы уеннан да мавыктыргычрак нәрсә булырга мөмкин?
31 июль көнне Кече Шыңар мәдәният йорты һәм китапханә хезмәткәрләре, ТАССРның 100 еллыгы һәм Саба районының 90 еллыгы уңаеннан, студентлар һәм яшьләрнең "Җәйге могҗиза"дип исемләнгән традицион концерты оештырдылар. Ачык һавадагы спорт стадионында кич буе җырлар, шигырьләр, мәзәкләр һәм күңелле тавышлар яңгырады. Дәртле биюләр тамашачы кәефен күтәрде, алар безнең белән бергә җырлады һәм биеде. Бәйрәм ахырында яшьләр өчен дискотека булды.
30 июль көнне Шәмәрдән мәдәният йорты белгечләре " Салават күпере «балалар бакчасы балалары өчен» Тылсымлы ил «дип исемләнгән хәрәкәтчән уеннар үткәрделәр. Саф һавада төрле уеннар һәм күңел ачулар балаларга шатлык китерә һәм сәламәтлеккә бәяләп бетергесез файда китерә. Чара башында эстафета оештырылды, анда балалар кыюлык, мөстәкыйльлек һәм җитезлек күрсәтү мөмкинлегенә ия булдылар. Аннан соң балалар ел фасыллары турында викторина сорауларына җавап бирделәр. Соңыннан асфальтта матур рәсемнәр ясарга тәкъдим ителде. Чара барышында балалар күтәренке кәеф һәм күтәренке кәеф алдылар.
29 июль көнне район мәдәният йорты хезмәткәрләре Илшат Сафиуллин белән берлектә ял кичәсе, тере музыка кичәсе оештырдылар. Җырлар биюләр, баянда уйнау белән алмашынды, халык һәм эстрада җырлары яңгырады. Үз чиратыбызда, без, район мәдәният йорты хезмәткәрләре, барлык тамашачыларга җылы кабул итүләре, алкышлар, иҗатыбызга тугрылыклары өчен рәхмәт белдерәбез.